1 Piyɛli 1:17 - Ala Ya Salatikan Kula Kitabu

¹⁷ Àiya madailikannu lɔ, ài y'a fɔla Ala ma ko mɔ Fa, ale min yi mɔɔ kelenkelenna bɛ ya kiti tɛɛla telenmandeya boloma ka bɛn ai kɛkolu ma. Wo lɔ saa, ài yi taama Alaɲasiyanɲɛ boloma àiya lonaya waate lɔ dunuɲa min nɔ.

1 Piyɛli 1:17 ပူးပေါင်းရင်းမြစ်များ

Matiyu 16:27

Kamasɔlɔn Mɔɔnivin Tanin kɛtɔ nala aa mɛlɛkalu fɛ, a Fa aa magbiliyali lɔ. Wo vɛ kɛla, a kɛtɔ mɔɔ kelenkelenna bɛ salala ka bɛn ai kɛkolu ma.

Matiyu 22:16

Wo le k'a kɛ, ai k'aiya kalannaden dɔlu ni Masakɛ Helodi kɔmɔɔ dɔlu lataa a ma. Wolu do vɛɛ a yɛ: «Kalanmɔɔ, mɔ k'a lɔn ne ko tuɲande le i le. I do yi mɔɔlu kalanna ka bɛn Ala ya siya ma tuɲandeya le boloma. Mɔɔ miliya tɛ i masiyanna, kamasɔlɔn i tɛ mɔɔ bɔla mɔɔ lɔ.

Matiyu 6:9

«Ài ka kan ka Ala dali teme, wo le ne: ‹Mɔ Fa min yi haijɛnɛ, i tɔɔ sɛnɛyanin yi buɲa.

Lɔmukalu 11:20

Tuɲa le wo le. Wolu tɛɛnin a la ka bɛn aiya limaniyabaliya le ma, ile do i nɔ lɔ ka bɛn iya limaniya le ma. Wo ma, i k'i fannɔbuɲa, mafɔ i yi siyan.

2 Kolɛntikalu 1:2

Mɔ Fa Ala ni mɔ Tii Masa Tɔɔmasenin Isa ya nɛɛma yi kɛ ài yɛ, k'ài josolajii.

2 Kolɛntikalu 5:6

Wo le n'a kɛla, lanaya yi mɔ josokun nɔ waate bɛ. Mɔ k'a lɔn ne ko damanda mɔ falikolo yi mɔ kan dunuɲa, mɔ majaanyine mɔ Tii la.

2 Kolɛntikalu 7:1

Ǹ diyananmɔɔlu, komi lahedi minu tanin mɔ yɛ, wo lɔ, ài m'i mɔ jɛlɛ lasɛnɛya ka bɔ ko bɛ ma minu yi mɔ falikolo ni mɔ josokun lakɔsɔla. Ài m'i lɔja ka maa sɛnɛya dafa Alaɲasiyanɲɛ boloma.

2 Kolɛntikalu 7:11

Ko minu na kɛla ài la ka bɛn àiya josomakasi ma min latɛɛnin Ala bolo, ài y'a ye: àiya kumanɔbɔ, àiya josolakuna, àiya siyan, ài sɔnjako mɔ le, ani àiya koyon latɔn. Ài v'a jiya boloɲa bɛ ma ko ài sen tɛ koyon min nɔ.

Galatiyakalu 2:6

Kɛɛ mɔɔ minu kɛnin tɛɛ iwo jama ɲamɔɔlu, wolu ma foi la ǹ kun wo kɔ. Ni do mɔɔlu tɛɛ ai jatela ɲamɔɔlu le le, ǹa ko pa tɛ wo lɔ, kamasɔlɔn Ala tɛ mɔɔ lɔtɔmɔnna.

Ɛfɛsikalu 1:17

Mɔ Fa Nɔɔlɔtii, min kɛnin mɔ Tii Masa Tɔɔmasenin Isa Tii Ala le, ǹ'i wo dalila, ǹ ko, a yi hangilimaya di ài ma, ka kolu lankɛnɛmaya ài yɛ fɔsa ài y'a lɔn a ɲa gbugbu ma.

Ɛfɛsikalu 3:14

Wo le n'a kɛla, ǹ'i ǹ kumɛlɛni bilala duu ma mɔ Fa Ala kɔlɔ,

Ɛfɛsikalu 6:9

Jɔnfalu, àilu fana yi wo ɲɔɔzii kɛ àiya jɔnnu yɛ. Ài kà masiyannin kuma fɔ ai yɛ butu, kamasɔlɔn ài k'a lɔn ne ko àilu ni àiya jɔnnu bɛ yi Tii kelen ne kɔlɔ min yi haijɛnɛ. Wo do tɛ lafisayali kɛla.

Filipikalu 2:12

Wo lɔ saa, ǹ diyananmɔɔlu, iwo ài deinin tɛɛ Ala kumakan labatola teme ǹ ɲakɔlɔ, wo boloɲa kelen ma, hali m̀ ma kɛ ài fɛlɔ yi ne, ài y'a labato kɔtunun k'a timin a kunfɔlɔ ta la, ka to aiya kisiko dafa ɲaɲininna siyan ni buɲali boloma.

Kɔlɔsikalu 3:25

Kɛɛ ni mɔɔ min ka koyon kɛ, wo tii kɛtɔ aa koyon sala le sɔlɔnna, kamasɔlɔn Ala tɛ lafisayali kɛla.

Hebululu 12:28

Komi m'i masaya sɔlɔn bolo le ma min la tɛ se jaajaala, wo lɔ saa, ài m'i balika bɔ Ala yɛ k'a ladiyanan batoli kɛ buɲali ni siyan boloma.

Hebululu 4:1

Komi Ala vɛ ban lahedi wo tala ko m'i sene donna aa nɔningɛ lɔ, wo le y'a ma, ài m'i jando mɔ jɛlɛ lɔ, alako mɔ suu suu kana koli a sɔlɔnko la.

1 Piyɛli 2:11

Ǹ diyananmɔɔlu, komi kɔɔkanmɔɔ ni lona le ài le dunuɲa, wo lɔ, ǹ'a fɔla ài yɛ k'a magbeleya, ài y'ài ban ài falikolo niikanukolu ma minu y'ài nunakili kɛlɛla.

1 Piyɛli 3:15

Kɛɛ fɔ ài yi Masa Tɔɔmasenin buɲa ài josokun nɔ iwo ài Tii, k'ài lɔbɛnnin to waate bɛ ài kumanɔbɔko lɔ, ni mɔɔ mɔɔ si k'ài maɲininga ài jeisii ma min y'ài josokun nɔ.