1 Piyɛli 1:15 - Ala Ya Salatikan Kula Kitabu

¹⁵ mafɔ ài yi sɛnɛya ài kɛkolu bɛ lɔ iwo Ala sɛnɛyanin teme min n'ài kilila.

1 Piyɛli 1:15 ပူးပေါင်းရင်းမြစ်များ

Matiyu 5:48

Ài yi dafa ko bɛ lɔ iwo ài Fa min yi haijɛnɛ, wo dafanin teme.»

Lɔmukalu 9:24

Hali ǹu minu kilinin Ala bolo, mɔ bɛ kilinin tɛ ka bɔ Jahudiyalu tɛma dein, mafɔ siboloma gbɛlɛ mɔɔlu fana.

2 Kolɛntikalu 7:1

Ǹ diyananmɔɔlu, komi lahedi minu tanin mɔ yɛ, wo lɔ, ài m'i mɔ jɛlɛ lasɛnɛya ka bɔ ko bɛ ma minu yi mɔ falikolo ni mɔ josokun lakɔsɔla. Ài m'i lɔja ka maa sɛnɛya dafa Alaɲasiyanɲɛ boloma.

Filipikalu 1:27

Kɛɛ fɔ ài taamaɲa yi bɛn Masa Tɔɔmasenin ya Samakan Kein ma. Wo vɛ kɛla, ǹ ka na ài fɛlɔ o, m̀ ma na ài fɛlɔ o, ǹ kɛtɔ a mɛnna ko ài lɔnin kili miliya kelen nɔ, ka sɛɛ kɛ i ɲɔɔ fɛ ka bɛn Samakan Kein ma limaniya lɔ.

Filipikalu 3:14

Wo le y'a ma, ǹ'i ǹ lɔjala ka ǹ telen ka se bɔli dan ma, fɔsa Ala na ǹ kilila balayi min ya ko lɔ Masa Tɔɔmasenin Isa sabu la, ǹ'i wo sɔlɔn haijɛnɛ.

Filipikalu 3:20

Kɛɛ ǹu koni, maa duulenya yi haijɛnɛ le, ado m'i Lakisilikɛba le makɔnɔna ka bɔ je, min kɛnin mɔ Tii Masa Tɔɔmasenin Isa le.

1 Tɛsalonikakalu 2:12

Mɔ tɛɛ ài lalila, k'ài sɛmɛdon, ani k'a fɔ ài yɛ k'a magbeleya ko ài yi Ala buɲa ài taamaɲa lɔ, ale min y'ài kilila k'ài ladon aa masaya ni aa magbiliyali lɔ.

1 Timote 4:12

I kà diɲa mɔɔ mɔɔ yi jɔ i ma ka bɛn iya fɔningeya ma, mafɔ i yi kɛ misali le limaniyamɔɔlu yɛ i kumaɲa lɔ, ani i kokɛɲa, ani iya kanundeya, ani iya limaniya, ani iya sɛnɛya.

2 Timote 1:9

min na mɔ lakisila, ka mɔ kili ka mɔ kɛ aa mɔɔ sɛnɛyaninnu le. Wo do ma kɛ ka bɛn mɔ kɛkolu ma, mafɔ a jɛlɛkanu ya kolatɛɛnin ma, ani aa nɛɛma min dinin mɔ ma Masa Tɔɔmasenin Isa ya kafonɲɔɔya lɔ, jani dunuɲa tɛɛ dan.

Tite 3:14

Ado maa mɔɔlu fana ka kan k'ai jɛlɛ dein kobɛlɛkɛko la, fɔsa ai yi se dɔlu bɔla ko gbɛlɛnnu lɔ, ai do kà kɛ mɔɔ fofo le.

Tite 3:8

Kuma min yi tuɲa le le. Ǹ'a fɛ i yi ko minu magbeleya fɔsa Ala malimaniyamɔɔlu y'ai gbaladon koɲumakɛko ma, minu keinyanin, ani nafa yi minu la mɔɔ bɛ yɛ.

Hebululu 12:14

Ài y'ài lɔja josolajii yi kɛ àilu ni mɔɔ bɛ wotɛ, ani k'i lɔja ka taama sɛnɛyali boloma, mɔ Tii tɛ se yena min kɔ.

Hebululu 13:5

Ài yi wɔliko nata bɔ àiya dunuɲalɔtɛɛ lɔ, ài sɔlɔnfennu y'ài ɲɛnɛ, kamasɔlɔn Ala n'a fɔla, a vɛɛ: «Ǹ tɛnala i bilala, kumatɛ ka m̀ ban i lɔ.»

Janguba 3:13

Jene yi lɔnnila ni hangilima le ài tɛma? Fɔ wo tii y'a jiya a taamaɲa ɲuma fɛ ko a a kɛkolu kɛla fanmajii le lɔ hangilimaya boloma.

1 Piyɛli 2:12

Ài taamaɲa yi keinya Alalɔnbalilu tɛma, fɔsa hali ni ai k'ài mafin, ko koyonkɛba le ài le, ai y'ài kɛko ɲumalu ye ka magbiliyali di Ala ma a nalon.

1 Piyɛli 2:9

Kɛɛ àilu do yi bɔzɔn ne le min tanin mɔɔlu tɛma, ani Masaba ya salakalasebalu, ani siboloma min bilanin a ta fan Ala yɛ, ani a jɛlɛkanu mɔɔ kulugbɛlɛnnu, fɔsa ài yi kɛ a kɛko ɲuma balu lasena, ale min n'ài kilila k'ài labɔ divi lɔ k'ài ladon aa kɛnɛya makawanin nɔ.

1 Piyɛli 3:16

Kɛɛ ài y'ai javi buɲali ni sɔniyali boloma, k'ài joso sɛnɛyanin to, fɔsa mɔɔ minu y'ài mafinna ka bɛn ài taamaɲa ɲuma ma Masa Tɔɔmasenin ya kafonɲɔɔya lɔ, wolu yi maloya.

1 Piyɛli 5:10

Ado ài vɛ banna tɔlɔyala waateni kɔlɔ, Nɛɛmatii Ala min n'ài kilila aa habadan magbiliyali kanma Masa Tɔɔmasenin ya kafonɲɔɔya lɔ, ale gbu le kɛtɔ ài lasiila kula le, ka fanga di ài ma, ani k'ài bama kili.

1 Yohana 3:3

Ni jeisii wo ka kɛ mɔɔ min bolo, wo tii y'a jɛlɛ lasɛnɛyale iwo Isa sɛnɛyanin teme.

Ko Lankɛnɛmayanin 3:7

«A sɛvɛ k'a lataa limaniyajama ya mɛlɛka ma min yi Filadɛfiya so kɔnɔ, i vɛɛ: ‹A ye, min sɛnɛyanin, min yi tuɲande le, Masakɛ Dawuda ya koɲii yi min bolo, min vɛ da lakala, mɔɔ foi tɛ se a datuunna, ani min vɛ da latuunna, mɔɔ foi tɛ se a lakala, wo kan ne min ne:

Ko Lankɛnɛmayanin 4:8

Kawa wɔɔlɔ le tɛɛ niimafen naani wo kelenkelenna bɛ ma. Ɲaden tɛɛ ai falikolo fan bɛ ma, hali ai kawalu kɔlɔ. Su ni tele, ai m'ai nɔningɛ a fɔ ma, ai vɛɛ: «Ala Seebɛtii, a sɛnɛyayine, a sɛnɛyayine, a sɛnɛyayine, ale min tɛɛ je, ani ale min yi je, ani ale min natɔ kɛla je habadan.»

Ko Lankɛnɛmayanin 6:10

Ai do tɛɛ gbanɔla kan ba lɔ, ai vɛɛ: «Maa Faama, ile min sɛnɛyanin, ani ile min yi tuɲande le, i totɔ mɔ matamalala haan fɔɔ waate mindɛ jani i yi dunuɲamɔɔlu ya kiti tɛɛ, ka maa hakɛ bɔ ai lɔ ka bɛn mɔ faako ma?»