1 Piyɛli 1:13 - Ala Ya Salatikan Kula Kitabu

¹³ Wo ma yi ne, ài y'ài hangili sii k'ài kɛ jɛlɛlɔminamɔɔlu le. Ài y'ài jei sii nɛɛma wo la kosɛvɛ, min ditɔ ài ma Masa Tɔɔmasenin Isa la vɛ nkɛnɛmayala waate min nɔ.

1 Piyɛli 1:13 ပူးပေါင်းရင်းမြစ်များ

Matiyu 20:4

A do vɛɛ wolu yɛ: ‹Àilu fana yi taa ǹa gbele lɔ. Ǹ kɛtɔ sala bɛlɛ dila ài ma.›

Luka 12:35

«Ài y'ài tɛsili baaleko lɔ, k'àiya fitina lamɛnɛnni to waate bɛ.

Luka 17:30

Mɔɔnivin Tanin vɛ bɔla gbɛ la lon min na, a kɛtɔ wo boloɲa kelen ne ma.

Luka 17:8

Wo tɛ kɛ! Fɔ a a fɔle a yɛ, a vɛɛ ‹Taa ǹa wulala lɔbɛn ǹ yɛ. I mafalin kobɛn, i yi na ǹa dɔnnifen ne. Fɔ m̀'ɛ banna dɔnnila ka m̀ min, wo vɛ kɛla, i ta dɔn ne vɛ k'i min.›

Lɔmukalu 13:13

Ài m'i taama mɔɔsɔvɛya boloma iwo m'i taamana teme tele gba la. Ài m'i mɔ jɛlɛ matanga dannatimin tolonnu ma, ani gbɛtɔya, ani kanukɛko, ani malobaliya, ani sɔsɔyalilu, ani keleya.

Lɔmukalu 8:19

Kamasɔlɔn dannifen bɛ kɔlɔtɔnin wo lon nako le la, Ala kɛtɔ a dennu lankɛnɛmayala lon min na.

1 Kolɛntikalu 1:7

Wo lɔ saa, Ala yi sɔli minu dila, ài dɛsɛnin tɛ wo foi la, ài vɛ mɔ Tii Masa Tɔɔmasenin Isa nalon makɔnɔna.

1 Kolɛntikalu 13:13

Wo le y'a ma yi ne, ko sawa le yi je minu totɔ je habadan: limaniya, jeisii, ani kanundeya. Kɛɛ a bɛ lɔ bubata le kanundeya le.

Ɛfɛsikalu 6:14

Wo lɔ, ài y'ài lɔ, ài tɛsilinin vɛ tuɲandeya le, ka telenmandeya kɛ ài sisimakalanfen ne.

Kɔlɔsikalu 3:4

Masa Tɔɔmasenin min kɛnin àiya niimaya le, wo la vɛ nkɛnɛmayala lon min na, àilu fana nɔɔlɔnin lankɛnɛmayatɔ a fɛ.

2 Tɛsalonikakalu 1:7

ani ka àilu mɔɔ tɔlɔninnu josolajii, ani ǹu fana, mɔ Tii Isa la vɛ nkɛnɛmayala ka bɔ sangbolo lɔ lon min na, aa mɛlɛka makawanilu v'a fɛ.

2 Timote 4:5

Kɛɛ ile koni, i yi kɛ mɔɔ sɔvɛ le kudein, ka tɔlɔya mina i ma, ka kɛ Samakan Kein lasenba le, ani k'i senko bɛ kɛ Ala ya baale lɔ.

2 Timote 4:8

Wo ma yi ne, telenmandeya jala ladalonin ǹ yɛ, min ditɔ m̀ ma lɔbalon mɔ Tii bolo, min kɛnin kititɛɛba telennin ne. Wo do tɛnala dila ǹe kelen ma, mafɔ mɔɔ minu bɛ jei siinin a nalon na kanundeya boloma.

Hebululu 10:35

Wo lɔ saa, ài kà àiya lanaya sɔvɛ to je, kamasɔlɔn wo yi nala balayi ba le le.

Hebululu 3:6

Kɛɛ Masa Tɔɔmasenin ka kɛ lanande le iwo denkɛ min siinin Ala ya bon kunna. Mɔ do kɛnin aa bon ne le, ni mɔ bolo ka to maa lanaya la kpekpe, ani maa ɲalɔkɛnɛya jeisii la.

Hebululu 6:19

Jeisii wo kɛnin mɔ bolo fen ne le, mɔ nii bamanin min kɔkan, min yi donna daladɛnfaani kɔma ka se lɔhɔlɔmabonba kɔnɔlɔbon ma,

Hebululu 9:28

wo boloɲa kelen ne ma, Masa Tɔɔmasenin fana na kɛla salaka le siɲa kelen ne le dein, ka mɔɔ siyama ya julumbulu bɔ ai ma. A do natɔ a siɲa filana lɔ, kɛɛ wo tɛnala kɛla julumbu lɔkotoko le, mafɔ ka mɔɔlu lakisi minu y'a nalon makɔnɔna.

1 Piyɛli 1:10

Kelalu tɛɛ kisiko wo le ɲaɲininna k'a lakɔlɔsi kobɛn, ani ai tɛɛ kelaya kɛla ka bɛn nɛɛma wo ma min ditɔ ài ma.

1 Piyɛli 3:15

Kɛɛ fɔ ài yi Masa Tɔɔmasenin buɲa ài josokun nɔ iwo ài Tii, k'ài lɔbɛnnin to waate bɛ ài kumanɔbɔko lɔ, ni mɔɔ mɔɔ si k'ài maɲininga ài jeisii ma min y'ài josokun nɔ.

1 Piyɛli 4:7

Dunuɲa laban waate ma vɛ sulunya. Wo le y'a ma, ài y'ài hangili sii k'ài kɛ jɛlɛlɔminamɔɔ le, fɔsa ài yi se Ala dalila a ɲa bɛlɛbɛlɛ ma.

1 Piyɛli 5:12

Silasi, ǹ'i min jatela m̀ badenma lanande le, wo vɛ m̀ madɛmɛn lɛtɛlɛ kulunni min sɛvɛko lɔ, fɔsa ǹ'a magbeleya ài yɛ ani ka ǹa seleya di ko Ala ya nɛɛma bɛlɛbɛlɛ le min ne, ài bolo kɛnin min na kpekpe.

1 Piyɛli 5:8

Ài yi to ài ɲana k'ài hangili sii. Ài juu Soitana kɛyine iwo jala min yi wolondola, a v'a mataamataamana ka mɔɔ ɲinin a dɔnko lɔ.

1 Yohana 3:3

Ni jeisii wo ka kɛ mɔɔ min bolo, wo tii y'a jɛlɛ lasɛnɛyale iwo Isa sɛnɛyanin teme.