1 Piyɛli 1:1 - Ala Ya Salatikan Kula Kitabu

¹ Ǹe Piyɛli min yi Masa Tɔɔmasenin Isa ya keladen ne, ǹ'i lɛtɛlɛ min sɛvɛla Ala ya mɔɔ taninnu le ma minu siinin lonaya lɔ Pɔndu, Galatiya, Kapadɔsiya, Esiya, ani Bitiniya koovilu lɔ.

1 Piyɛli 1:1 ပူးပေါင်းရင်းမြစ်များ

Matiyu 10:2

Keladen mɔɔ tan ni fila (12) wolu tɔɔ le ne: a kunfɔlɔ Simɔn (ai y'a fɔla min ma ko Piyɛli), ani a dɔɔni Andele, ani Zebede denkɛ Janguba ni a dɔɔni Yohana,

Matiyu 24:22

Ni Ala tɛɛ ma wo tɔlɔya waate lɔsulunya, adamaden foi tɛɛ tɛnala kisila. Kɛɛ ka bɛn Ala ya mɔɔ taninnu ma, a kɛtɔ a dɔ bɔla tele wolu la.

Matiyu 4:18

Lon dɔ, Isa taamantɔla Galile kɔɔ kawun na, a ka badenmakɛ fila ye: Simɔn (ai y'a fɔla min ma ko Piyɛli), ani a dɔɔni Andele. Wolu tɛɛ jɔ lafilila kɔɔ lɔ, kamasɔlɔn ai tɛɛ kɔɔsɔmɔnin ne le.

Luka 18:7

Ni Ala ya mɔɔ taninnu ka to ai makasila a yɛ su ni tele, a tɛ jo di ai ma? Jalasa ai madɛmɛnko ma yi tamale?

Yohana 11:52

A do tɛnala sala Jahudiyalu ya ko lɔ dein, mafɔ ka Ala ya mɔɔ jɛzɛnninu bɛ ladɛn k'ai kɛ falikolo kelen ne.

Yohana 7:35

Jahudiya kuntiilu k'a fɔ i ɲɔɔ yɛ, ai vɛɛ: «Kɛ́ min taatɔ min ne, k'a fɔ ko mɔ tɛnala a yena? Jalasa a a fɛ ka taa maa mɔɔlu ma minu siinin Gɛlɛki solu la, ka Gɛlɛkikalu kalan?

Kɛkolu 18:2

A do ka Jahudiya kɛ́ dɔ ye je, min tɔɔ tɛɛ ko Akuila, min sɔlɔnnin Pɔndu koovi lɔ. Ale ni a moso Pisila nanin kula le tɛɛ ka bɔ Itali jamana lɔ. Ai bɔnin tɛɛ je kamasɔlɔn Lɔmu masakɛba Kulodi tɛɛ vɛ jamali di ko Jahudiyalu bɛ yi bɔ Lɔmu so kɔnɔ. Pɔli ka taa ai ma,

Kɛkolu 18:23

A wɔlinin waate dɔ kɛla je, a ka Galatiya ni Filigiya koovilu lɔtimin, a vɛ Isa kɔbiladennu bɛ sɛmɛdonna.

Kɛkolu 19:10

A do ka to wo la san fila kɔlɔ, haan fɔɔ Esiya duulen bɛ ka mɔ Tii kumakan mɛn, Jahudiya ni Gɛlɛkika bɛ.

Kɛkolu 6:9

Kɛɛ a dɔlu k'i wuli Etiyɛn sɔsɔla. Ai bɛ bɔnin tɛɛ Aladalibon kelen ne la, ai tɛɛ a fɔla min ma ko Mɔɔ Lafɛlɛnilu ya Aladalibon. A dɔlu bɔnin tɛɛ Silɛni ni Alɛzandele solu la, ani Silisiya ni Esiya koovilu lɔ.

Kɛkolu 8:4

Wo k'a talan, limaniyamɔɔ minu jɛzɛnnin tɛɛ, wolu tɛɛ timintiminna fan bɛ lɔ ka Samakan Kein lase.

1 Kolɛntikalu 16:19

Limaniyajama minu yi Esiya koovi lɔ, wolu y'ài fola. Akuila ni a moso Pisila, ani limaniyajama min yi ladɛn kɛla aiya bon na, wolu fana y'ài fola kosɛvɛ mɔ Tii tɔɔ lɔ.

2 Kolɛntikalu 1:8

Mɔ badenmalu, mɔ t'a fɛ ài yi to divi lɔ ka bɛn maa tɔlɔya ma, min na mɔ masɔlɔnna Esiya koovi lɔ. Mɔ lɔ na gbɛnɛla bubale haan fɔɔ ka se mɔ fanga dan ma, ado mɔ jei na tɛɛla mɔ kisiko lɔ.

Galatiyakalu 1:2

Mɔ badenma minu yi ǹ fɛ jan, wolu bɛ vɛ kafon ǹ kɔkan ka lɛtɛlɛ min lataa limaniyajamalu ma minu yi Galatiya koovi lɔ.

Ɛfɛsikalu 2:12

Wo waate lɔ, àilu ni Masa Tɔɔmasenin wotɛ falanyine tɛɛ. Lona le tɛɛ ài le, minu fɛ tɛɛ tɛ Bani Isilankalu la. Ala na ko minu lahedi tala aa mɔɔlu yɛ aa salatikannu lɔ, ài sen tɛɛ tɛ wo dɔ lɔ. Ài tɛɛ ten ne dunuɲa, jeisii foi tɛɛ tɛ ài la, ado Ala tɛɛ tɛ ài fɛ.

Ɛfɛsikalu 2:19

Wo lɔ saa, àilu siboloma gbɛlɛ mɔɔlu tɛ lona ni kɔɔkanmɔɔ le butu, mafɔ ài vɛ kɛ duulen ne mumininnu fɛ, ani Ala ya bon dongolu.

2 Timote 1:15

I k'a lɔn ne ko limaniyamɔɔ minu yi Esiya koovi lɔ, wolu bɛ vɛ ai kɔdon ǹ na, Fijɛli ni Helimojɛni bɛlɛbɛlɛ le.

Hebululu 11:13

Mɔɔ wolu bɛ ka sa limaniya le lɔ, k'a talan ai ma fen wolu sɔlɔn minu lahedi tanin. Ai do ka to poon ka wolu ye ka sawa, ai v'i lɔla a la ko lona ni timintiminkɛba le ai le duukolo kɔkan.

Janguba 1:1

Ǹe Janguba min yi Ala ni mɔ Tii Masa Tɔɔmasenin Isa ya jɔn ne, ǹ'i sɛvɛli min lataala Bani Isilanka kabila tan ni fila (12) le ma, minu jɛzɛnnin dunuɲa fan bɛ lɔ. Ǹ'ài fola.

1 Piyɛli 2:11

Ǹ diyananmɔɔlu, komi kɔɔkanmɔɔ ni lona le ài le dunuɲa, wo lɔ, ǹ'a fɔla ài yɛ k'a magbeleya, ài y'ài ban ài falikolo niikanukolu ma minu y'ài nunakili kɛlɛla.

2 Piyɛli 1:1

Ǹe Simɔn Piyɛli le yi lɛtɛlɛ min sɛvɛla, ǹe min yi Masa Tɔɔmasenin Isa ya bɔiden ni aa keladen ne. Ǹ'a lataala àilu le ma minu vɛ limaniya kulugbɛlɛn sɔlɔn iwo ǹu, ka bɛn mɔ Tii Ala ni Lakisilikɛba Masa Tɔɔmasenin Isa ya telenmandeya ma.

Ko Lankɛnɛmayanin 1:11

A do vɛɛ ǹ yɛ: «I natɔ ko minu yena, i yi wolu sɛvɛ kitabu kɔnɔ k'a lataa limaniyajama wolowulan ma minu yi Ɛfɛsi, Similina, Pɛlɛgamu, Tiyatila, Salidɛsi, Filadɛfiya, ani Layodiseya.»