Me Himu 25:22 - Manobo Matigsalug

²² Ne migkahi si Agripa diye te ki Pistu, “Egkeupian a ne egpammineg te seini ne etew.” Ne kahi ni Pistu, “Egpakapammineg ka kandin kaaselem.”

Me Himu 25:22 ပူးပေါင်းရင်းမြစ်များ

Matiyu 10:18

Eg-uyanen kew nikandan diye te tangkaan te me gubirnadur wey diye man-e te me Hari tenged keddiey eyew egpakapangguhud kew te Meupiya ne Panugtulen diye te kandan wey diye te kene ne me Hudiyu.

Lukas 21:12

“Piru te kene pad egkeyitabu sika, egpandakepen kew, egbaybayaran, egprisuwen, wey eg-uyanen kew diye te simbaan te me Hudiyu eyew eggukuman. Ne egpaatubangen kew diye te me Hari wey te me gubirnadur tenged keddiey.

Me Himu 25:13

Te peglihad e te me pila ne aldew, nanginguma ensi Hari Agripa wey si Birinis diye te Sisarya ka egsagsahipe ki Pistu.

Me Himu 9:15

Piru migkahiyan sikandin te Magbebaye, “Hendiyei nu su in-alam ku sikandin eyew te pegpataha te keddi ne ngaran diye te me kene ne me Hudiyu wey diye te me Hari wey diye te me kabuhalan ni Israil.