Markus 6:38 - Manobo Matigsalug

³⁸ Ne mig-inse sikandin kandan, “Pilaa ne timman te paan ka due te kaniyu? Na, tengtengi niyu.” Te nakita ran e seeye, migkahiyan dan e si Hisus, “Lalimma ne timman ka paan wey daruwa ka ngalap te weyig.”

Markus 6:38 ပူးပေါင်းရင်းမြစ်များ

Matiyu 15:34

Ne mig-inse si Hisus diye te kandan, “Pilaa ne timman ka paan ne due te kaniyu?” Ne migtabak sikandan, “Pitu ne timman, wey due pila-pila re ne ngalap te weyig.”

Markus 6:37

Piru migkahiyan din sikandan, “Sikaniyu ka egbehey kandan te egkeenen.” Ne migkahi sikandan, “Etuwey! Egpeyipanawen key naa nikeykew wey egpabeliyen te paan ne egkentiddad te daruwa ne gatus (200) ne dinaryu eyew igpakeen kandan?”

Markus 6:39

Nataman, impapunduk-punduk e papinnuuwa ni Hisus sikandan langun diye te me hilamunen.

Markus 8:5

Ne mig-inse si Hisus kandan, “Pilaa ne timman ka paan ne due te kaniyu?” Ne migtabak sikandan, “Pitu ne timman.”

Lukas 9:13

Piru migkahiyan din sikandan, “Sikaniyu ka egbehey kandan te egkakeen.” Ne migtabak sikandan, “Lalimma re ne paan wey daruwa ne ngalap te weyig ka kayi te kanta. Nekegmenu naan de iya sika, angin e ke eggipanew key pad wey egbebeli te igpakeen kandan langun.”

Huwan 6:9

“Due lukes-lukes kayi ne due paan ne lalimma ne malisen wey daruwa ne ngalap te weyig. Piru nekegmenu naan de iya sika te iling kayi ne kasuluhan?”