Markus 6:37 - Manobo Matigsalug

³⁷ Piru migkahiyan din sikandan, “Sikaniyu ka egbehey kandan te egkeenen.” Ne migkahi sikandan, “Etuwey! Egpeyipanawen key naa nikeykew wey egpabeliyen te paan ne egkentiddad te daruwa ne gatus (200) ne dinaryu eyew igpakeen kandan?”

Markus 6:37 ပူးပေါင်းရင်းမြစ်များ

Matiyu 14:16

Piru migkahi si Hisus, “Kene ne keilangan ne egpeyipanawen pad sikandan. Sikaniyu ka egbehey kandan te egkakeen.”

Matiyu 18:28

“Piru te peggipanew e te sika ne suluhuanen, nasinug-ung din ka duma rin ne suluhuanen ne nekeutang kandin te pila re ne libu. Inggansing din seeye se etew wey impeleng din te migkahi, ‘Bayari ad e nikeykew te utang nu!’

Markus 6:36

Peendiyaa nu sikandan te marani ne me kamet wey me bariyu eyew egpakabeli te egkakeen dan.”

Markus 6:38

Ne mig-inse sikandin kandan, “Pilaa ne timman te paan ka due te kaniyu? Na, tengtengi niyu.” Te nakita ran e seeye, migkahiyan dan e si Hisus, “Lalimma ne timman ka paan wey daruwa ka ngalap te weyig.”

Lukas 7:41

Ne migkahi si Hisus, “Due daruwa ne etew ne nekeutang diye te talagpasambey te seleppi. Ka sabeka nekeutang te lalimma ne gatus (500) ne dinaryu, wey ka sabeka lalimma ne pulu (50).

Lukas 9:13

Piru migkahiyan din sikandan, “Sikaniyu ka egbehey kandan te egkakeen.” Ne migtabak sikandan, “Lalimma re ne paan wey daruwa ne ngalap te weyig ka kayi te kanta. Nekegmenu naan de iya sika, angin e ke eggipanew key pad wey egbebeli te igpakeen kandan langun.”