Huwan 9:38 - Manobo Matigsalug

³⁸ Ne migkahi ka etew, “Egpalintutuu a Magbebaye.” Ne migpanimbuel sikandin ka migsimba ki Hisus.

Huwan 9:38 ပူးပေါင်းရင်းမြစ်များ

Matiyu 14:33

Ne insimba sikandin te me hibateen ne diye te balangey ne miggenendue, “Malehet iya ne sikeykew ka Anak te Manama.”

Matiyu 28:17

Te pegkakita ran kandin, insimba ran e sikandin piru migduwa-ruwa ka duma.

Matiyu 28:9

Te diye pad sikandan te deralanen, sahuhune ne miglambag si Hisus kandan wey migkahi, “Meupiya red.” Ne migparani sikandan ki Hisus wey inggen-genan dan ka paa rin wey insimba ran e sikandin.

Matiyu 8:2

Ne due sabeka ne etew ne ibungen ne migparani kandin wey migpanimbuel ne migkahi, “Magbebaye, ke egkeupian ka, egkabawian a nikeykew!”

Lukas 24:52

Ne indayan dan sikandin, wey miglibed e sikandan diye te Hirusalim ne amana nahale-gale.

Huwan 20:28

Ne migkahiyan sikandin ni Tumas, “Magbebaye ku wey Manama ku!”

Huwan 9:39

Migkahi si Hisus, “Miggendini a te ampew te tane eyew te peggukum te me etew. Ne eyew seeye se me butud te kamalehetan egpakakita, wey seeye se egpakakita kayi, egkabutud.”