Huwan 12:38 - Manobo Matigsalug

³⁸ Seini ka migpamalehet te ingkahi ni prupita Isayas ne eggenendue: “Magbebaye ne Manama, hentew buwad iya ka migpalintutuu te guhuren ney? Ne hentew buwad iya ka mig-ila te karesen ne impapitew nu?”

Huwan 12:38 ပူးပေါင်းရင်းမြစ်များ

Matiyu 15:7

Sikaniyu se egpapitew-pitew re! Malehet ka intagne ni prupita Isayas meyitenged kaniyu ne miggenendue,

Matiyu 16:17

Ne migkahiyan sikandin ni Hisus, “Keupianan nu Simun ne anak ni Hunas, su kene ne etew ka migpataha keykew kayi, ke kene, ka Amey ku ne diye te langit.

Matiyu 27:35

Nataman, inlansang dan e si Hisus diye te krus, wey imbaad-baad dan e ka me kumbale din pinaahi te pegpintut-pintut.

Huwan 12:37

Minsan masalig e ka me kein-inuwan ne neyimu rin diye te tangkaan dan, piru ware pad iya man-e sikandan migpalintutuu wey migsalig kandin.

Huwan 12:39

Sikan naa iya ka ware sikandan migpalintutuu su migkahi pad si Isayas:

Huwan 15:25

Piru keilangan ne egkeyitabu seini eyew egkatuman ka nasulat diye te kandan ne Balaud ne eggenendue, ‘Indumutan a nikandan minsan ware eleg ne egpuunan.’

Huwan 17:12

Taheed te dume e pad kandan, imbantayan ku sikandan pinaahi te geem te ngaran nu ne imbehey nu keddi. Imbantayan ku sikandan ne ware minsan sabeka kandan ne nalaag angin e te seeye se egkalaag iya eyew egkatuman ka Kasulatan.

Huwan 19:24

Ne migmanangnangeney ka me sundalu, “Kene te re eggisien seini, ke kene, egpintut-pintut ki re ke hentew ka egpakakamuney kayi.” Neyitabu seini su eyew egkatuman ka nasulat te Kasulatan ne migkahi, “Imbaad-baad dan ka me kumbale ku, wey migpapinpintutey ke hentew ka egpakakuwa te kumbale ku ne malayat.” Ne sika iya ka innimu te me sundalu.

Ruma 10:16

Piru kene ne langun ne etew ne migdawat te Meupiya ne Panugtulen. Su migkahi si prupita Isayas, “Magbebaye ne Manama, hentew-a ka migpalintutuu te inwali ney?”

Ruma 10:20

Ne ware degma pegkaaldek ni Isayas te migkahi, “Natulituan a te seeye se ware migpammitew keddi. Migpakita a te seeye se migbalahad keddiey.”

1 Kurintu 1:24

Piru para te seeye se in-alam te Manama, me Hudiyu ma wey se kene, si Kristu ka geem wey kaalam te Manama.

Galasya 1:16

Te timpu ne egkeupian e ka Manama ne igpeila rin keddiey ka Anak din eyew egpakawali a meyitenged te Anak din diye te kene ne me Hudiyu, wara a migbuyu te tambag te minsan hentew.