Hibruwanen 4:7 - Manobo Matigsalug

⁷ Ne mig-alam e man-e ka Manama te lein ne timpu te pegseled diye te himelayanan ne intahahe din, ne ka sika ne timpu egngaranan din, “Kuntee.” Su peglihad te me leg-un, migkahi ka Manama pinaahi ki Hari Dabid, “Emun ke egkarineg niyu kuntee ka laheng te Manama, kene niyu pakehala ka me ulu niyu.”

Hibruwanen 4:7 ပူးပေါင်းရင်းမြစ်များ

Matiyu 22:43

Ne migkahiyan ni Hisus sikandan, “Ke iling ma rue, mania te mig-umew si Dabid kandin te ‘Magbebaye’ pinaahi te bulig te Panisingan te Manama? Su migkahi si Dabid,

Markus 12:36

Si Dabid mismu ka migkahi pinaahi te Panisingan te Manama, ‘Ka Manama migkahi diye te Magbebaye ku: Pinnuu ka kayi te igkakawanan ku, taman te eggimuwen ku ne diekanan nu ka me kuntere nu.’

Lukas 20:42

Su minsan si Dabid, migsulat sikandin diye te Libru te me Salmu, ‘Ka Manama migkahi diye te Magbebaye ku: Pinnuu ka kayi te igkakawanan ku,

Me Himu 2:29

“Me suled, iglalag ku kaniyu ig-ayad-ayad ka meyitenged ki Dabid ne kaapuan ta. Migpatey sikandin wey inlebeng, ne ka inlebengan kandin, kayi pad minsan kuntee.

Me Himu 2:31

Tapey e nakanengneng si Dabid ke nekey ka eggimuwen te Manama, purisu miglalag e sikandin meyitenged te peg-uyag ki Kristu, ‘Ware din engkeri diye te inged te me gimukud ne egngaranan te Hadis, ne ka lawa rin ware namewu.’

Me Himu 28:25

Purisu ware sikandan nekegbennaley, wey nanguli e sikandan te nakapenga si Pablu ka miglalag kayi: “Malehet ka inlalag te Panisingan te Manama diye te kaapuan niyu pinaahi ki prupita Isayas,

Hibruwanen 3:15

Su sumale te Kasulatan, “Emun ke egkarineg niyu kuntee ka laheng te Manama, kene niyu pakehala ka me ulu niyu iling te innimu te me kaap-apuan niyu dengan te pegsupak dan te Manama.”