Hibruwanen 2:6 - Manobo Matigsalug

⁶ Piru due nasulat diye te Kasulatan ne miggenendue: “Manama, nekey bes ka etew, mania te egsumsumanen nu pad? Mania te egtangguwen nu pad ka anak te etew?

Hibruwanen 2:6 ပူးပေါင်းရင်းမြစ်များ

Lukas 1:68

“Dayanen ta ka Magbebaye ne Manama te Israil! Su miggendini sikandin eyew te peglekat te keet-etawan din.

Lukas 1:78

Su amana ne hiimenawen wey hiid-uwen ka Manama. Sikan naa ka due igpeuyan din ne egluwas kanta ne egpekeiling te aldew ne egsile diye te langit

Lukas 7:16

Ne dutu, mig-umaan te liyas ka langun ne etew, wey insaye dan ka Manama. Migkahi sikandan, “Miggendiniyan ki te maresen ne prupita! Migtantanuran ded te Manama ka keet-etawan din!”

1 Tisalunika 4:6

su kema ke puun due egkariekan niyu ka katenged te duma niyu ne migmalintutuu. Inlalahan ney e dengan sikaniyu meyitenged kayi wey impanpanayan ney e sikaniyu ne eglegparan te Manama ka etew ne eggimu te iling due.

Hibruwanen 4:4

Su due nasulat diye te Kasulatan meyitenged te igkapitu ne aldew ne miggenendue, “Te igkapitu ne aldew, miggimeley ka Manama su napenge e ka langun ne innimu rin.”

Hibruwanen 5:6

Ne due degma nasulat ne migkahi ka Manama, “Talagpanubad ka te ware egtamanan, iling ki Milkisidik ne talagpanubad dengan.”

1 Pidru 1:11

Ne pinaahi te Panisingan te Manama ne due te kandan, migpanagne sikandan meyitenged te peg-antus te Kristu wey te dakel ne kabantug din pegkapenga rue. Amana sikandan mig-ugsi-ugsi ke ken-u wey ke nekey ne paahi sika egkeyitabu.