1 Kurintu 16:20 - Manobo Matigsalug

²⁰ Egpangemusta degma ka langun ne suled ta kayi. Pegpangemusteey kew ka tagse sabeka te pegpapitew ne migpaheyinaweey kew.

1 Kurintu 16:20 ပူးပေါင်းရင်းမြစ်များ

Matiyu 5:47

Ne emun ke iyan niyu re eg-el-eliten ka me suled niyu, nekey ma ka neyimu niyu ne labew te neyimu te duma? Minsan ka kene egmalintutuu te Manama, eg-elit-elit ma te me suled dan.

Ruma 16:16

Pegpangemusteey kew ka tagse sabeka te pegpapitew ne migpaheyinaweey kew. Migpangemusta degma kaniyu ka langun ne punduk ne migmalintutuu ki Kristu.

Ruma 16:21

Migpangemusta kaniyu si Timutiyu ne migbulig keddi, wey ensi Lusyu, si Hasun, wey si Susipatru ne me karumaan ku te Hudiyu.

Ruma 16:23

Migpangemusta degma kaniyu si Gayu, ka mahinged ne migpamaneyikan ku. Kayi te baley rin egliblibulung ka migmalintutuu. Ne migpangemusta red degma ensi Irastu ne talaggen-gen te seleppi te siyudad wey si Kuwartu ne suled ta.

Pilipus 4:22

Egpangemusta degma kaniyu ka langun ne keet-etawan te Manama kayi, labi en iya ka diye te sakup te palasyu ni Sisar.

1 Tisalunika 5:26

Pegpangemusteey kew ka tagse sabeka te pegpapitew ne migpaheyinaweey kew.

Hibruwanen 13:24

Ipangemuste e re te langun ne me pangulu niyu wey te langun ne keet-etawan te Manama. Migpangemusta degma kaniyu ka me suled ta ne matig-Italya.

1 Pidru 5:14

Pegpangemusteey kew ka tagse sabeka te pegpapitew ne migpaheyinaweey kew. Ka Manama ka egbehey te keupianan kaniyu langun te nasabeke e due ki Kristu.