1 Kurintu 14:39 - Manobo Matigsalug

³⁹ Sikan naa me suled ku, pakannekali niyu iya ne egpakapangguhud kew te impanengneng te Manama, wey kene niyu balabahi ka peglalag te lein ne linalahan.

1 Kurintu 14:39 ပူးပေါင်းရင်းမြစ်များ

1 Kurintu 12:31

Sikan naa, keilangan ne iyan niyu ikabagget ka subla pad ne impurtanti ne me katuenan. Ne kuntee igpanulu ku kaniyu ka subla pad ne meupiya te langun.

1 Kurintu 13:2

Ne minsan ke egpakapanagne a, wey egpakasabut a te langun ne neeles de wey ke egkateu a te langun, wey minsan ke due pegpalintutuu ku ne egpakapaalin te me bubungan, piru ke ware geyinawa ku diye te duma, ware iya pulus ku.

1 Kurintu 14:1

Pakannekali niyu ka peggeyinawa te duma, wey mapahetpeta niyu man-e te pegpakannekal ne egpakarawat kew te katuenan ne igbehey te Panisingan te Manama labi en iya ka pegpangguhud te impanengneng te Manama.

1 Kurintu 14:3

Piru sika se egpanagne, iyan din mule eglalahan ka me etew eyew te peggehet te pegpalintutuu ran, pegpeyibahet kandan, wey peg-imu-imu kandan.

1 Kurintu 14:38

Ke due etew ne kene eg-angken kayi, kene degma eg-angkenen sikandin.

1 Kurintu 14:5

Egkeupian a perem ne egpakalalag kew langun te lein ne linalahan, piru iyan ku subla igkeupii ne egpakapangguhud kew te impanengneng te Manama. Su seeye se egpanagne, labew pad te seeye se eglalag te lein ne linalahan, gawas ke due egpakaluwas te eglalahen din su eyew egkalig-en ka langun ne migmalintutuu.

1 Tisalunika 5:20

wey kene niyu lemeti ka guhuren te etew ne impanengneng te Manama.