1 Kurintu 14:21 - Manobo Matigsalug

²¹ Nasulat diye te Kasulatan ne miggenendue: “Egpakiglalag a te keet-etawan ku, kahi te Magbebaye ne Manama, pinaahi te lein ne linalahan ne linalahan te me lapu, piru kene iya sikandan egpammineg keddiey.”

1 Kurintu 14:21 ပူးပေါင်းရင်းမြစ်များ

Huwan 10:34

Ne migtabak si Hisus, “Nasulat diye te Balaud niyu ne migkahi ka Manama, ‘Me manama kew.’

Me Himu 2:4

Ne dutu, napenu e sikandan langun te Panisingan te Manama wey nakalalag e te nakalkalasi ne me linalahan sumale te igpalalag kandan te Panisingan.

Ruma 3:19

Nakanengneng ki ne seeye se imbehayan te Balaud iyan perem egtuman dutu, sikan naa sikanta se me Hudiyu, kene ki egpakapangatarengan ne ware sale ta wey eggukuman ki te Manama duma te langun ne etew kayi te ampew te tane.

1 Kurintu 14:34

ka me malitan, keilangan ne egpeeneng-eneng de diye te seled te libulunganan. Ware tuhuti sikandan ne eglalag, piru keilangan ne egparuma-ruma sikandan sumale te nasulat diye te Balaud ni Muwisis.