Tito 3:8 - Manobo Sarangani

⁸ Ontò benal se insolat ko kamno seini. Ibeg ko, ontò ka megtoladà te kedita te sìyan insolat ko kamno, amon ontò measeb se kedita te otaw nemenal te Timanem meg-inang te mèpiya, so mèpiya iyan peg-ilingan aw doen ontong te otaw tomolò kenyan.

Tito 3:8 ပူးပေါင်းရင်းမြစ်များ

Tito 3:14

Mèpiya aw meg-iling se menge kedowa tadon doton te keilangan megpekeaseb dan meg-inang te mèpiya, aw megtabang dan te doma otaw ontò nelimahan, amon doen ontong te pegtaking dan te Timanem.

Tito 2:14

Sikandin se simelilin kenitadon te pegkematay din amon megpelowà kenitadon lekat te pegkeallang tadon te salà, aw amon sekopen kidon din. Yan se doun te lininisan kidon din lekat te salà, aw ininang kidon din otaw meibeg meg-inang te mèpiya.

Tito 1:9

Aw megtoladà sikandin, eked kepakay aw somoway lekat te kebenalan ipegtoladà tadon. Aw keseligan se pegtoladà din te ontò kebenalan, ketebangan se menge otaw menenalan te itoladà din, aw ipetaga-taga din heman se kemalì te menge otaw egpoon te kebenalan.

Tito 3:1

Pegtoladà ka te menge otaw doton kamno te keilangan tomolò dan te menge opisyal te gobirno. Keilangan tomolò dan te menge punù te gobirno. Keilangan meagka se pedowan dan megtelaban te kedita te mèpiya inang.

1 Pedro 1:21

Pineokit ki Cristo, nemenal kaw den te Timanem mig-antay kandin lekat te nematay aw mig-inang kandin melangkaw doton te langit. Timanem den se egseligan niyo te doen egpelimanan niyo doton te langit.

1 Timoteo 1:15

Benal se eg-ikegiyen seini, aw keilangan ontò tadon pemenalen. Dimini si Jesu Cristo te keneyonan amon megpelowà te otaw lekat te salà sipat siak ontò medaet diyà te kedita te otaw nekesalà.

Roma 4:5

Iling heman kenyan, kenà otaw egkepagod se eneng-enengen te Timanem te metòlid sikandin. Meneng aw somalig se otaw diyà te Timanem, te sikandin se meg-aneng-aneng te metòlid se otaw nekesalà, yan se otaw eneng-enengen te Timanem te metòlid tandà te pegsalig din.

Juan 12:44

Timawal si Jesus aw dakel se kagi din, “Aw memenal se otaw kanak, kenà olò siak se pemenalen din, meneng pemenalen din heman se Amay ko simogò kanak.

Juan 5:24

“Eneng-enengi niyo se kagi ko kenyo seini. Se otaw menenalan te kagi ko, aw memenal heman diyà te Amay ko simogò kanak, yan se otaw begayan te kaling pedowan wedad temanan. Eked sikandin pelumuni, so nekelowà den sikandin lekat te kemetayun, aw doen den kaling pedowan din wedad temanan.

Filemon 1:11

Kedengan wedad nael ontong no kandin, meneng songkani doen dakel ontong ta kandin.

2 Korinto 4:13

Doen insolat diyà te kagi te Timanem, “Iindan ko se pinemenalan ko.” Iling heman kenyan se kanak pegpemenal, so pengkey nelimahan a, meneng iindan ko pa se pinemenalan ko.

Ininang 12:15

Meneng minikagi dan, “Migkebook ka.” Meneng gayed minikagi si Roda te ontò iyan benal. Meneng minikagi dan, “Yan besi se anghil egtonggò kandin.”

Efeso 4:28

Aw doen menenakaw doton kenyo, keilangan lomengà aw megterbaho amon meketabang te menge doma otaw nelimahan.

1 Timoteo 2:8

Ibeg ko megtawal-tawal se menge meama doton te kedita ogpeanan. Keilangan metòlid se eg-inangen dan. Keilangan eked dan keopal, aw eked dan heman pegdindil.

1 Timoteo 5:10

Eked sikandin peekopi singed aw medengeg sikandin eg-inang te mèpiya. Pelistahi olò se ngadan te bayi balo mig-ipat te menge batà din aw migsagman te menge otaw gimemaw kandin, aw mig-onaw te benis te menge doma sakop te Timanem, aw migtabang te menge otaw nelimahan, aw migpekeaseb sikandin te medita kemolò te mèpiya inang.

2 Timoteo 1:12

aw yan se doun te egpemilangen a songkani. Meneng kenà a egkeyàyà, so netegahan ko aw sinu se sineligan ko. Netegahan ko te mekebatog sikandin meg-ipat kanak dalem te pegtoman ko te insalig din kanak lamig te aldaw te peg-okom din.

Tito 2:7

Sikona heman, pengkey eden se inangen nikaw, keilangan mèpiya iyan amon meinang ka gegonan peg-ilingan te menge doma otaw. Aw megtoladà ka, keilangan metinuud ka, aw keilangan metinònò ka.

Menge Hebreo 10:24

Keilangan megpetebangay kidon amon ontò benal se pegpedekelay tadon te pedowan aw peg-inang tadon te mèpiya.

Mat. 20:4

Minikagi sikandin, ‘Aw megterbaho kaw doton te pawà ko, tendanan ko sikiyo te mèpiya.’ Yan nesayo dan aw miglegani.