Tito 3:7 - Manobo Sarangani

⁷ Yan se ininang din amon pineokit te keido din, meg-aneng-aneng se Timanem te metòlid kidon, aw amon metoman kidon begayan te kaling pedowan egpelimanan tadon.

Tito 3:7 ပူးပေါင်းရင်းမြစ်များ

Roma 8:17

So batà kidon din, doen aldaw domateng aw kominawà kidon te kedita te kèpiyaan impetagad din kenitadon. Pengkey eden se ibegay din ki Cristo, yan heman se ibegay din kenitadon. Aw pemilangen kidon tandà te pegtaking tadon ki Cristo, ipelangkaw kidon heman doton te langit doma i Cristo.

Roma 3:24

Meneng pineokit te tabang te Timanem, inaneng-aneng din den te metòlid kidon. Yan se imbowang din kenitadon pineokit te pegpelowà i Jesu Cristo kenitadon lekat te salà.

Tito 2:11

Impetaga-taga den te Timanem se tabang din mekepelowà te kedita te otaw lekat te salà.

1 Korinto 6:11

Doen otaw kidoen kenyo iling kenyan se eg-inangen dan kedengan, meneng songkani binonyagan kaw den, aw ininang kaw te Timanem otaw egpenimanem, aw eg-eneng-enengen te Timanem te metòlid kaw pineokit te ngadan te Pengolo tadon si Jesu Cristo, aw pineokit te Espiritu Santo.

Tito 1:2

Insogò a amon ipetaga-taga ko kandan te doen egpelimanan tadon, sìyan kaling pedowan wedad temanan impakang te Timanem gebii. Kenà egkebolalaw se Timanem,

Santiago 2:5

Menge kedowa egkedekelan ko te pedowan, penenalan kaw te kagi ko seini. Pengkey deitek se kedònan te otaw sagkep dini te keneyonan, yan se otaw pinemallì te Timanem amon dakel se pegsalig dan kandin, aw mekeakop dan heman diyà te peglowan din, so yan se impakang din diyà te kedita te otaw doen dakel pedowan kandin.

Galasya 2:16

meneng netegahan day den te wedad palos otaw eneng-enengen te Timanem te metòlid dan pineokit te pegtolò dan te punù ingkeliwat i Moises, so olò otaw memenal ki Jesu Cristo se eneng-enengen te Timanem te metòlid dan. Yan se doun te nemenal kay ki Jesu Cristo amon meg-aneng-aneng se Timanem te metòlid kay pineokit te pegpemenal day kandin, so wedad palos otaw eneng-enengen te Timanem te metòlid dan pineokit te pegtolò dan te punù ingkeliwat i Moises.

Roma 11:6

Simpana pemellien olò te Timanem se menge otaw mèpiya se inang dan, kenà iyan lekat te keido din. Meneng pinemallì kidon din kenà pineokit te ininang tadon pengkey mèpiya aw medaet, meneng pinemallì kidon din pineokit te keido din kenitadon.

Galasya 3:29

So migsebad den se pedowan niyo diyà ki Cristo, nekeakop kaw den diyà te menge bowad-bowad i Abraham, aw begayan kaw heman te mèpiya impakang te Timanem.

Roma 4:16

Yan olò otaw egpemenal se begayan te Timanem te impakang din. Ibegay din iyan kenitadon pineokit te tabang din amon metoman iyan ibegay diyà kenitadon timetondog ki Abraham. Kenà olò Judiyo egtolò te menge punù ingkeliwat i Moises se begayan te Timanem, meneng begayan din heman se kedita te otaw egpemenal kandin iling te pegpemenal i Abraham, so neinang si Abraham olo te kedita tadon egpemenal.

Roma 3:28

Yan netegahan tadon den te pineokit te pegpemenal te teg sebad-sebad kenitadon se peg-aneng-aneng te Timanem te metòlid kidon. Kenà iyan pineokit te pegtolò tadon te menge punù ingkeliwat i Moises.

1 Pedro 3:7

Sikiyo heman menge meama doen esawa, keilangan meg-ipat kaw kandan aw megsagman kaw heman kandan. Labi dan pa melomay diyà te meama, meneng kenà olò meama se egbegayan te kaling pedowan wedad temanan, so bayi heman se egbegayan kenyan. Keilangan megsagman kaw te kenyo esawa amon wedad mekebelabag te pegtawal-tawal niyo diyà te Timanem.

Menge Hebreo 11:9

Pegdateng din doton te tanà impakang te Timanem kandin, simalig sikandin diyà te Timanem, so migpeliman sikandin te aldaw te pegbegay te Timanem kandin te tanà sìyan. Mig-ogpà dan diyà te balay inetepan te penenaktun. Iling heman kenyan se ininang te batà din si Isaac, aw apò din si Jacob, so migpeliman dan heman te aldaw te pegketoman te pakang te Timanem.

Menge Hebreo 11:7

Simalig heman si Noe diyà te Timanem gebii. Peg-ikagi te Timanem diyà kandin te doen domateng mekegelà te otaw, nemenal sikandin te Timanem pengkey wedad palos kinità din iling kenyan. Penga niyan, mig-inang sikandin te dakel sampan egtewalen arka, aw yan se sinekayan din aw sipat pamilya din. Pegkelinep te tanà te wayeg, wedà dan kelemes. Pineokit te pegsalig i Noe diyà te Timanem, impetaga-taga din te metòlid se pegpelumun te Timanem te otaw wedà pemenal kandin, aw neakop heman sikandin diyà te kedita te otaw eneng-enengen te Timanem te metòlid dan tandà te pegsalig dan diyà kandin.

Menge Hebreo 6:17

Iling heman kenyan se ininang te Timanem. So ibeg din metaga-taga se kedita te otaw kominawà te pakang din te eked din palos todai se tod din, yan se doun te impesipat din se kandin ngadan diyà te pakang din.

Galasya 4:7

so pineokit te keido din, kenà kaw den iling te allang, meneng batà kaw din den. Na, so batà kaw din den, kinewaen niyo heman se kedita te ibegay din diyà te menge batà din.

Roma 4:4

Aw megterbaho se otaw, eked eneng-enengi te bowang se itandan kandin, so nepagod sikandin.

Tito 2:13

Keilangan inangen tadon iyan dalem te pegtagad tadon te mèpiya aldaw aw kitaen tadon se kelangkaw te Timanem egpelowà kenitadon, si Jesu Cristo egpelimanan tadon.

Mat. 25:34

so mikagi a diyà te menge otaw lenged te kowanan ko, ‘Taking kaw den kanak, so pinemallì kaw te Amay ko Timanem amon meluba kaw. Metoman den iyan so megtebò a den lomowan diyà kenyo iling te peglalang te Amay ko te wedà pa inangi se keneyonan.

Mar. 10:17

Nayan, pegkesayo i Jesus lekat kidoen, doen sebad otaw kimagnan doton kandin, aw limongken diyà kandin, aw mig-insà, kagi din, “Sir, ontò ka mèpiya otaw. Eden lay se keilangan inangen ko amon mekinawà ko se kaling pedowan wedad temanan?”

2 Tesalonika 2:16

Ibeg day, entagen se pedowan niyo aw tebangan kaw te Pengolo tadon si Jesu Cristo aw Amay tadon Timanem amon mèpiya se kedita te inangen niyo aw ikegiyen niyo. Dakel se pedowan te Timanem kenitadon, aw pineokit te tabang din kenitadon neantag den se pedowan tadon wedad temanan, aw mèpiya den heman se pegpeliman tadon.

Menge Hebreo 1:14

Nayan, netegahan tadon den ini. Se menge anghil, yan olò se egsogò-sogoen te Timanem. Pengkey eked dan kitai te otaw, meneng ipegsogò dan te Timanem amon megtabang dan te kedita tadon ipelowà din.