Tito 3:6 - Manobo Sarangani

⁶ Ontò dakel se tabang te Timanem kenitadon, so insogò din se Espiritu Santo megbayà-bayà kenitadon tandà te ininang i Jesu Cristo egpelowà kenitadon.

Tito 3:6 ပူးပေါင်းရင်းမြစ်များ

Roma 5:5

Eked kidon lengà te pegpemenal. Tomanen te Timanem se egpelimanan tadon, so nedekelan kidon din te pedowan pineokit te Espiritu Santo imbegay din kenitadon.

Ininang 10:45

Ontò nepela se kedita te Judiyo timaking ki Pedro, so dimateng heman se Espiritu Santo diyà kandan pengkey kenà dan Judiyo,

Juan 16:7

Meneng seini se kebenalan. Begayan kaw pa te kèpiya pineokit te pegkesayo ko, so simpana eked a kesayo, eked dateng se Teletabang diyà kenyo. Meneng aw mesayo a, somogò a kandin diyà kenyo.

Juan 1:16

Ontò kidon din neidowan, aw gayed kidon din egtebangan te wedad temanan.

Tito 1:4

Seini se solat ko kamno, Tito. Iling ka te ontò batà ko, so nemenal ka te Pengolo tadon iling te pegpemenal ko kandin. Ibeg ko, tebangan ka aw begayan ka te kelinaw te pedowan lekat te Timanem Amay aw lekat ki Jesu Cristo egpelowà kenitadon.

Efeso 4:2

Ikà niyo egpelangkaw-langkaw. Keilangan melayat se pedowan niyo diyà te doma otaw tandà te pegpedekelay niyo te pedowan.

Efeso 3:8

Pengkey siak se ontò medanà diyà te kedita te sakop te Timanem, meneng pinemallì a din amon megtoladà kenyo menge otaw kenà Judiyo tepad te ontò mèpiya tabang i Cristo kenitadon eked tadon ontò kelebeti.

Roma 8:2

So pegsebad ko diyà ki Jesu Cristo, doen kaling pedowan imbegay te Espiritu Santo kanak, aw yan se doun te wedad den keilangan meg-inang a te salà, aw eked a den heman detengi te pelumun.

Ininang 2:33

Ininang den si Jesus melangkaw doton te langit aw timangkil te Amay din. Tinoman den te Timanem se pakang din ki Jesus te isogò se Espiritu Santo, aw yan se kinità niyo gina aw dinineg niyo.

Juan 7:37

Se temanan aldaw te Pista te Bolongabong, yan se ontò melangkaw aldaw diyà te kedita te Judiyo. Pegdateng te temanan aldaw te pista, timindeg si Jesus kidoen te dakel simbahan aw minikagi te dakel se kagi din, “Aw sinu se nelao, domiyà kanak, so ipeinem ko.

Juan 4:10

Timaba si Jesus, “Aw netegahan no pa aw eden se ibowang te Timanem kamno, aw netegahan no heman aw sinu se nemoyò te wayeg diyà kamno, sikona se memoyò diyà kanak, aw begayan ta te wayeg egpemegay te pedowan.”

Roma 2:4

Ikà niyo eg-aneng-aneng te eked kaw pelumuni te Timanem tandà te kedakel aw kedalem te pedowan din. Iling te nelibelan niyo te gayed medalem se pedowan te Timanem kenyo so ibeg din megselsel kaw.

1 Timoteo 6:17

Pegpunù ka te menge otaw doen dakel kedònan songkani te keilangan eked dan pegpelangkaw-langkaw. Eked kepakay aw kedònan dan se seligan dan, so eked ketegahi aw kano iyan pegkewedad. Meneng Timanem se keilangan seligan dan, so bowasag sikandin diyà kenitadon. Egpemegay sikandin te kedita te kelidoan tadon amon mèpiya se keogpà tadon.