Tito 3:5 - Manobo Sarangani

⁵ impelowà kidon din lekat te salà. Impelowà kidon din kenà tandà te peg-inang tadon te metòlid, meneng tandà te keido din kenitadon. Impelowà kidon din lekat te salà pineokit te peg-onaw din kenitadon, aw yan se todà tadon pegtebaw te pegpemegay te Espiritu Santo kenitadon te kaling pedowan.

Tito 3:5 ပူးပေါင်းရင်းမြစ်များ

Mat. 3:11

Egpemonyag a pineokit te wayeg, so yan se pengilala te migselsel kaw den te salà ininang niyo. Meneng doen pa domateng labi pa melangkaw diyà kanak. Kenà botong se kelangkaw ko amon megtelaban a kandin pengkey mengibing a te sepatos din, so ontò sikandin melangkaw diyà kanak. Sikandin se memonyag kenyo pineokit te Espiritu Santo aw pineokit te apoy.

Luc. 1:50

Lekat te ketebò te keneyonan lamig te temanan, gayed din egkeidowan se kedita te otaw egsagman aw egtolò kandin.

Luc. 1:54

Tebangan din kidon menge bowad-bowad i Israel pinemallì din, so eked din palos kelibeli se pakang din diyà te menge kemonaan tadon te gayed din keidowan si Abraham aw menge bowad-bowad din te wedad temanan.”

Luc. 1:72

Metoman kidon din keidowan, so yan se impakang din diyà te menge kemonaan tadon. Eked din kelibeli se impakang din gebii,

Luc. 1:78

Yan se inangen te Timanem so gayed egkeido aw dakel se pedowan din. Iling te peglibtak te aldaw se pegdateng din amon megpelowà kenitadon,

Roma 11:14

so ibeg ko mingà se menge Judiyo kenyo nemenal, amon doen heman kandan memenal aw mekelowà lekat te salà.

Roma 11:6

Simpana pemellien olò te Timanem se menge otaw mèpiya se inang dan, kenà iyan lekat te keido din. Meneng pinemallì kidon din kenà pineokit te ininang tadon pengkey mèpiya aw medaet, meneng pinemallì kidon din pineokit te keido din kenitadon.

Roma 12:2

Ikà niyo egtaking te ketanem te otaw kenà egpenimanem. Meneng pemoyoi niyo te inangen te Timanem kaling se aneng-aneng niyo amon metòlid se eg-inangen niyo. Yan ketegahan niyo aw eden se ibeg te Timanem inangen niyo, so mèpiya iyan, aw kelubahan din, aw wedad kolang niyan.

Roma 3:20

Yan se doun te wedad palos otaw eneng-enengen te Timanem te metòlid dan pineokit te pegtolò dan te punù ingkeliwat i Moises, so pineokit te pegketaga-taga tadon te menge punù ingkeliwat i Moises, netegahan tadon te salà se eg-inangen tadon.

Roma 3:28

Yan netegahan tadon den te pineokit te pegpemenal te teg sebad-sebad kenitadon se peg-aneng-aneng te Timanem te metòlid kidon. Kenà iyan pineokit te pegtolò tadon te menge punù ingkeliwat i Moises.

Roma 4:5

Iling heman kenyan, kenà otaw egkepagod se eneng-enengen te Timanem te metòlid sikandin. Meneng aw somalig se otaw diyà te Timanem, te sikandin se meg-aneng-aneng te metòlid se otaw nekesalà, yan se otaw eneng-enengen te Timanem te metòlid tandà te pegsalig din.

Roma 9:11

Pengkey wedà dan pa tebaw, pengkey wedad pa ininang dan mèpiya aw medaet, minikagi se Timanem diyà te inay dan, kagi din, “Lomowan se modi tomebaw diyà te monà tomebaw.” Yan pinemallì te Timanem se modi timebaw amon ipetaga-taga din te kenà din egpemellien se otaw tandà te ininang dan mèpiya, meneng egpemellien din se otaw lekat te tod din aw ibeg din,

Roma 9:16

Yan netegahan tadon den te kenà egpemellien te Timanem se otaw lekat te ibeg dan aw kepagod dan, meneng lekat te keido te Timanem se pegpemallì din.

Roma 9:30

Nayan, netegahan tadon den ini. Pengkey wedà pegpeliman se menge otaw kenà Judiyo te eneng-enengen te Timanem te metòlid dan, meneng doen den kandan inaneng-aneng din te metòlid dan pineokit te pegsalig dan diyà ki Cristo.

1 Korinto 6:11

Doen otaw kidoen kenyo iling kenyan se eg-inangen dan kedengan, meneng songkani binonyagan kaw den, aw ininang kaw te Timanem otaw egpenimanem, aw eg-eneng-enengen te Timanem te metòlid kaw pineokit te ngadan te Pengolo tadon si Jesu Cristo, aw pineokit te Espiritu Santo.

Galasya 2:16

meneng netegahan day den te wedad palos otaw eneng-enengen te Timanem te metòlid dan pineokit te pegtolò dan te punù ingkeliwat i Moises, so olò otaw memenal ki Jesu Cristo se eneng-enengen te Timanem te metòlid dan. Yan se doun te nemenal kay ki Jesu Cristo amon meg-aneng-aneng se Timanem te metòlid kay pineokit te pegpemenal day kandin, so wedad palos otaw eneng-enengen te Timanem te metòlid dan pineokit te pegtolò dan te punù ingkeliwat i Moises.

Efeso 2:4

Meneng ontò kidon neidowan te Timanem, aw ontò kidon din nedekelan te pedowan,

Efeso 4:23

Keilangan meinang kaling se kenyo pedowan aw aneng-aneng.

Efeso 5:26

Yan se ininang din amon inangen kidon din ontò egpenimanem. Yan se ininang din, so lininisan kidon den i Cristo pineokit te pegpebonyag tadon diyà te wayeg pineokit te kagi te Timanem.

Kolasas 3:10

aw kiminawà kaw den te kaling pegkeotawun doen kaling pedowan imbegay te Timanem, aw gayed din iyan ipegpetilles lamig iling kaw te Timanem, amon ontò kaw metaga-taga te kebenalan tepad kandin.

2 Timoteo 1:9

Impelowà kidon din lekat te salà aw tinawal kidon din amon inangen kidon din menge sakop din. Yan se ininang din kenà tandà te peg-inang tadon te mèpiya, meneng tandà te kandin ibeg aw tabang din kenitadon. Gebii te wedad pa palos ininang din, miglalang sikandin megtabang kenitadon pineokit ki Jesu Cristo.

Tito 3:4

Meneng pegpetaga-taga te Timanem egpelowà kenitadon te keido din aw kedakel te pedowan din kenitadon,

Menge Hebreo 10:22

Keilangan megpedapag kidon den diyà te Timanem te doen pegkelobos te pedowan tadon somalig diyà kandin. Melinis den se pedowan tadon aw aneng-aneng tadon so iling te winilikan kidon te dipanog aw lininisan kidon te wayeg.

Menge Hebreo 4:16

So doen Telekagon tadon, yan se doun te eked kidon sagkà te peg-apot tadon diyà te Timanem gayed egpenabang, amon keidowan kidon din, aw amon tebangan kidon din aw doen kelimahan tadon.

1 Pedro 1:3

Iduyun se Timanem, Amay te Pengolo tadon si Jesu Cristo. Ontò kidon neidowan te Timanem, aw binegayan kidon din te kaling pedowan. Yan doen egpelimanan tadon tandà te pegkeantay i Jesu Cristo lekat te nematay.

1 Pedro 2:10

Kedengan, kenà kaw menge sakop te Timanem, meneng songkani sakop kaw din den. Kedengan, wedà kaw ketaga-taga te doen keido te Timanem, meneng songkani dinetengan kaw den te keido din.

1 Pedro 3:21

Yan se pengilala tepad te pegpebonyag niyo, so impelowà kaw lekat te salà kenà tandà te peg-onaw te lawa niyo amon meabat se osing, meneng tandà te pegpemoyò niyo te Timanem te ebaten din se salà lekat te pedowan niyo. Impelowà kaw lekat te pelumun pineokit te pegkeantay i Jesu Cristo lekat te nematay.