Tito 3:3 - Manobo Sarangani

³ so sikitadon egpemenal, wedad heman inenengen tadon kedengan, aw metugul kidon, aw wedà kidon taking te ibeg te Timanem. Neallang kidon te mededaet ibeg te pedowan tadon aw menge kelubahan medaet. Gayed kidon eg-aneng-aneng tepad te medaet inangen tadon diyà te doma otaw, aw gayed kidon eg-ingà. Nebensihan kidon te doma otaw aw nebensi kidon heman kandan.

Tito 3:3 ပူးပေါင်းရင်းမြစ်များ

Kolasas 1:21

Kedengan, mediyò kaw kidoen te Timanem, aw minato kaw kandin, so medaet se pedowan niyo kandin aw medaet heman se eg-inangen niyo.

Roma 6:17

Kedengan, neallang kaw te salà. Meneng ontò a den egpesiontong diyà te Timanem, so nelobos den se pedowan niyo egtolò te kebenalan intoladà kenyo tepad te Timanem pinesekopan niyo.

Kolasas 3:7

Yan heman se ininang niyo kedengan te wedà kaw pa pemenal.

Roma 6:22

Meneng so impelowà kaw den te Timanem lekat te salà aw migpesakop kaw den diyà kandin, doen den ontong niyo, so ininang kaw din egpenimanem, aw yan begayan kaw din te kaling pedowan wedad temanan.

1 Pedro 1:14

So menge batà kaw den te Timanem, yan keilangan tomolò kaw kandin. Kedengan te wedà kaw pa ketaga-taga te kebenalan, timaking kaw te medaet ibeg te pedowan niyo. Meneng ikà niyo den egtaking kenyan.

2 Korinto 12:20

Netetana a aw domateng a kidoen kenyo, kitaen ko sikiyo meg-inang te kenà ko ibeg. Aw yan se inangen niyo, inangen ko heman kenyo se kenà niyo ibeg, so segdahen ko sikiyo. Netetana a aw kitaen ko sikiyo megpedindilay, aw megpeingaay, aw megpeopalay, aw megpedemetay kaw. Doen besi heman kitaen ko menge otaw egbaet-baet, aw egbelikbik, aw egpelangkaw-langkaw, aw egsamok.

Juan 8:34

Minikagi si Jesus, “Eneng-enengi niyo se kagi ko kenyo. Se kedita te otaw eg-inang te salà, yan se allang te salà.

Mat. 21:29

Minikagi se batà din, ‘Eked a.’ Meneng wedà kenamay, netodà se aneng-aneng din aw timolò.

Santiago 1:26

Aw eg-aneng-aneng se otaw te egtaking sikandin te Timanem, meneng kenà din eg-imendayan se eg-ikegiyen din, wedad ontong din, so eden din aw timaking sikandin te Timanem.

Galasya 6:3

Aw aneng-aneng te otaw eked sikandin keboyo te medaet, yan se lekatan te kedegdagan din pesalo te kededàtan, so neekalan sikandin.

Luc. 21:8

Minikagi si Jesus, “Peg-ahà kaw amon eked kaw keekali, so doen kwani medita otaw megpelingo-lingo te insogò ko dan. Mikagi dan te sikandan se Misiyas. Mikagi heman se doma te agpet den domateng se aldaw pinelimanan niyo. Meneng ikà niyo egtaking kandan.

Impekità 18:2

Timawal sikandin te ontò dakel se kagi din, “Ontò den nebàtan se Babilonya, lonsod nedengeg. Neinang den iyan ogpeanan te bosaw. Nelegeb iyan te kedita te enito. Nelegeb iyan te kedita te manok ontò medaet.

Impekità 13:14

Doen menge kepelahan impeinang te tagnà menenanap pineokit te ikedowa, aw yan se doun te nekeakal sikandin te kedita te otaw eg-ogpà kidoen te keneyonan. Migpunù heman kandan amon meg-inang dan te inotaw ipesopo te tagnà menenanap, sìyan nepelian te sondang meneng wedà kematay.

Impekità 12:9

Yan indagdag se dakel nagan lekat te langit. Sikandin se migpelingo-lingo memokan gebii, aw iningedanan ki Satanas, aw biyasa sikandin eg-akal te kedita te otaw te keneyonan. Indagdag sikandin lekat te langit kidoen te tanà sipat kedita te anghil din.

Roma 6:6

Netegahan tadon te peglansang ki Jesus doton te kros amon matay, iling te inlansang heman se tapay pedowan tadon doma kandin doton te kros, amon eked kidon den keibeg meg-inang te salà, aw amon eked kidon den keallang te salà,

Roma 6:12

Yan eked den kepakay aw beyà-beyaan kaw te salà. Eked den kepakay aw tomolò kaw te medaet ibeg te pedowan niyo.

Roma 11:30

Sikiyo menge otaw kenà Judiyo, wedà kaw tolò te ibeg te Timanem kedengan, meneng so wedà tolò se menge Judiyo, neidowan kaw den te Timanem.

2 Timoteo 3:6

Doen heman kandan egdoton te menge balay eg-ogpaan te menge bayi kenà melobos se pedowan dan diyà te Timanem. Nelegeb se menge bayi sìyan te salà aw egbeyà-beyaan dan te menge ibeg te pedowan dan medaet. Yan se doun te egkeekalan dan,

2 Timoteo 3:13

Meneng se menge otaw eg-inang te medaet aw egpelingo-lingo te egpemenal dan, yan se otaw gayed meg-inang te labi pa medaet. Meg-akal dan te doma otaw, aw ekalan dan heman te doma otaw.

Tito 1:16

Pengkey eg-ikagi dan te egtaking dan te Timanem, meneng pineokit te eg-inangen dan, ipegpetaga-taga dan te kenà benal se kagi dan. Eked keibeg se Timanem kandan. Kenà dan egtolò te ipegpunù kandan. Eked dan palos pekebatog se meg-inang te mèpiya.

Tito 2:12

Pineokit te tabang din, netegahan tadon te keilangan lomengà kidon meg-inang te eked keibegi te Timanem. Keilangan lomengà kidon tomaking te medaet ibeg te pedowan tadon dini lanto te tanà, so keilangan megpekebatol kidon, aw metòlid se inangen tadon, aw tomaking kidon te ibeg te Timanem dalem te peg-ogpà tadon dini lanto te tanà.

Genesis 38:9

Meneng netegahan i Onan te eked kepakay aw kandin se batà tomebaw diyà te nayi din, so meinang iyan batà te kakay din nematay. Doun niyan, peglayok din diyà te nayi din nebalo, gayed din impedelowak se benì din diyà te lowà, amon wedad meinang batà te kakay din nematay.

Genesis 39:16

Penga niyan, intagò din se saol i Jose lamig minolì se esawa din.