Tito 3:14 - Manobo Sarangani

¹⁴ Mèpiya aw meg-iling se menge kedowa tadon doton te keilangan megpekeaseb dan meg-inang te mèpiya, aw megtabang dan te doma otaw ontò nelimahan, amon doen ontong te pegtaking dan te Timanem.

Tito 3:14 ပူးပေါင်းရင်းမြစ်များ

Kolasas 1:10

Yan se egpemoyoen day amon ibeg te Pengolo tadon se eg-inangen niyo, aw amon gayed sikandin meluba tepad kenyo. Aw yan se inangen niyo, mèpiya se kedita te inang niyo, aw labi kaw pa metaga-taga tepad te Timanem.

Tito 3:8

Ontò benal se insolat ko kamno seini. Ibeg ko, ontò ka megtoladà te kedita te sìyan insolat ko kamno, amon ontò measeb se kedita te otaw nemenal te Timanem meg-inang te mèpiya, so mèpiya iyan peg-ilingan aw doen ontong te otaw tomolò kenyan.

Filipos 1:11

Ibeg ko, olò metòlid se inangen niyo pineokit te tabang i Jesu Cristo kenyo. Yan ipelangkaw aw iduyun se Timanem.

Mat. 7:19

Aw kenà mèpiya se pongo te kayo, pilayen iyan aw sonogen.

2 Pedro 1:8

Aw kidoen kenyo se kedita niyan, doen dakel ontong niyo te pegketaga-taga niyo te Pengolo tadon si Jesu Cristo.

Filipos 4:17

Kenà te intabang niyo kanak se egkeibegan ko, meneng ibeg ko begayan kaw te Timanem te ontong tandà te pegtabang niyo kanak.

Efeso 4:28

Aw doen menenakaw doton kenyo, keilangan lomengà aw megterbaho amon meketabang te menge doma otaw nelimahan.

Juan 15:16

Kenà sikiyo se nemallì kanak, meneng siak se nemallì kenyo, aw isogò ko den sikiyo amon megterbaho kaw kanak aw mongo kaw heman te dakel pongo wedad keeminan. Yan aw doen pemoyoen niyo diyà te Amay ko pineokit te ngadan ko, yan se ibegay din kenyo.

Juan 15:8

Iduyun se Amay ko pineokit te pegpemongo niyo te dakel, aw yan se kitaen te tinoledaan ko sikiyo.

2 Tesalonika 3:8

Wedà kay pemoyò te kànen day diyà te menge doma otaw, meneng minayad kay te kedita te kelidoan day. Ontò kay migpekeaseb migterbaho pengkey aldaw aw delem amon eked kaw kelimahi te pegpenogpò niyo kenami.

Ininang 20:35

Yan se ininang ko amon ketegahan niyo te mèpiya aw measeb kidon megterbaho, amon meketabang kidon te menge doma otaw nelimahan. Ikà niyo egkelibel te inikagi te Pengolo si Jesus, ‘Pengkey meluba se otaw tebangan te doma, meneng labi pa meluba se otaw egpenabang te doma.’”

Mat. 21:19

Kinità din se kayo igira medapag te dalan, aw dimoton sikandin amon mahà te pongo niyan. Meneng wedad palos pongo kinità din, olò menge dawen. Minikagi sikandin diyà te kayo, “Eked den palos pongo se kayo seini.” Wedà kenamay, nelanes se kayo sìyan.

Ininang 18:3

Mig-ogpà diyà kandan aw migpetelebanay dan, so sikandan se otaw biyasa eg-inang te balay eg-etepan te penenaktun, onawa te eg-inangen i Pablo.

1 Tesalonika 2:9

Menge kedowa day, wedà niyo besi kelibeli te ontò kay migpekeaseb te peg-ogpà day doton kenyo. Pegtoladà day kenyo te Mèpiya Indan lekat te Timanem, gayed kay migterbaho te aldaw aw delem amon eked kaw kelimahi te pegpenogpò niyo kenami.

Roma 15:28

Penga te pegtoman ko te peg-ated ko te kwarta itabang kandan, mokit a doton kenyo te pegpesalo ko doton te Espanya.

Roma 12:13

Pegtabang kaw te menge doma sakop te Timanem nelimahan. Pegsagman kaw heman te menge otaw mepanaw.

Filipos 4:16

Pengkey dalem te peg-ogpà ko doton te Tesalonika, gayed kaw egpenogpò kanak.

Tito 2:8

Keilangan ontò benal se ikegiyen nikaw, sìyan eked silahi. Aw yan se inangen nikaw, meyàyà se menge poon no so wedad palos medaet ikegiyen dan tepad kenitadon.