Tito 3:11 - Manobo Sarangani

¹¹ Ketegahan no te simoway se otaw iling kenyan lekat te kebenalan, so ipetaga-taga din iyan pineokit te peg-inang din te salà.

Tito 3:11 ပူးပေါင်းရင်းမြစ်များ

Menge Hebreo 10:26

Aw netegahan tadon den se kebenalan, meneng gayed kidon pa eg-inang te medaet, wedad den doma matay amon meabat se salà tadon.

Ininang 15:24

Doen ekon menge otaw lekat dini migsamok kenyo pineokit te pegtoladà dan. Migbulung dan ekon te pedowan niyo. Meneng wedà kay sogò kandan doton kenyo.

Juan 3:18

Aw memenal se otaw diyà te Batà te Timanem, eked dan pelumuni te Timanem. Meneng aw eked dan pemenal, netegahan den te metoman dan ipelumun, so wedà dan pemenal diyà te Batà te Timanem temisa.

Luc. 19:22

Minikagi se selotan, ‘Ontò medaet se ininang nikaw. Pineokit te inikagi no sìyan, impetaga-taga no den te keilangan ipelumun ta. Minikagi ka te ontò a mebolot, so eg-ebaten ko se wedà ko kepegodi, aw eglegeniyen ko se intanem te doma otaw. Aw netegahan no iyan,

Tito 1:11

Meneng keilangan segdahen no se pegtoladà dan, so medita se pamilya egsemoken dan pineokit te pegtoladà dan te eked kepakay itoladà. Meneng yan se ipegtoladà dan amon mengewarta dan.

2 Timoteo 2:14

Pegtoladà ka te menge otaw doton te keilangan eked dan kelibeli se kedita niyan. Pegpunù ka kandan, so egtengtengen dan te Timanem, keilangan eked dan pegpedindilay tepad te kedegdagan te kagi. Wedad ontong kenyan, so olò iyan mekebaet te pegpemenal te menge otaw menenalan kenyan.

Roma 3:19

Na, netegahan tadon te yan se kagi te Timanem tepad te kedita tadon menge Judiyo, so kemonaan tadon se kineliwatan i Moises te menge punù. Yan eked kidon pekeikagi te wedad salà tadon, so okomen te Timanem se kedita te otaw te keneyonan.

Ininang 13:46

Meneng wedà pegketalaw si Pablo aw si Bernabe, so timaba dan, “Keilangan sikiyo Judiyo se onà day indanan te kagi te Timanem. Meneng wedà kaw penenalan kenyan so eked kaw keibeg te kaling pedowan wedad temanan ibegay te Timanem. Doun niyan, meg-indan kay den te kagi te Timanem diyà te menge doma otaw kenà Judiyo.

Luc. 7:30

Meneng se menge Parisiyo aw menenoladà te punù ingkeliwat i Moises, mig-eked dan te ibeg te Timanem kandan, so wedà dan pegpebonyag ki Juan.

Ininang 23:25

Doen heman solat impeibing te kapitan, kagi niyan,

Tito 1:14

Keilangan tomanan dan te pegpenenalan dan diyà te kenà benal indan-indan te Judiyo gebii. Keilangan tomanan dan heman te pegtaking dan te menge punù te otaw timanan te kebenalan.