Tito 2:8 - Manobo Sarangani

⁸ Keilangan ontò benal se ikegiyen nikaw, sìyan eked silahi. Aw yan se inangen nikaw, meyàyà se menge poon no so wedad palos medaet ikegiyen dan tepad kenitadon.

Tito 2:8 ပူးပေါင်းရင်းမြစ်များ

1 Pedro 2:12

So tengtengen kaw te menge otaw wedà pa pemenal te Timanem, yan keilangan ontò metòlid se eg-inangen niyo, amon aw mikagi dan te doen salà niyo, metaga-taga dan beling te mèpiya se eg-inangen niyo, aw yan se doun te iduyun dan se Timanem te aldaw te pegdateng din.

1 Pedro 2:15

Ibeg te Timanem, meg-inang kaw te metòlid, amon wedad isila te kedita te otaw wedà pa ketaga-taga te kebenalan aw wedad inenengen.

1 Pedro 3:16

Meneng aw tomaba kaw kandan, keilangan mèpiya se pedowan niyo kandan, aw keilangan megsagman kaw heman kandan. Keilangan wedad salà inangen niyo, so sakop kaw i Cristo. Yan aw doen otaw megbael-bael tepad kenyo, aw somila dan te mèpiya eg-inangen niyo, meyàyà dan.

1 Timoteo 6:3

Aw doen otaw sebad se ipegtoladà din kenà iling te kagi lekat te Pengolo tadon si Jesu Cristo, aw kenà heman iling te kebenalan pinemenalan tadon,

2 Tesalonika 3:14

Aw doen otaw doton kenyo eked tolò te menge punù day diyà te solat day seini, peg-ahà kaw kandin, aw ikà niyo egdoma kandin amon meyàyà sikandin.

1 Timoteo 5:14

Yan se doun te ibeg ko mengognan beling todà se kaling bayi balo, aw megbatà dan, aw meg-ipat dan te kandan pamilya, amon wedad isila te menge poon tadon tepad kenitadon egpemenal.

Luc. 13:17

Peg-ikagi din kenyan, ontò neyàyà se kedita dan migpoon kandin. Meneng ontò neluba se kedita te otaw so medita se kepelahan eg-inangen din.

Mar. 12:34

Pegdineg i Jesus te mèpiya se intaba din, minikagi sikandin, “Agpet den se pegpesakop no diyà te peglowan te Timanem.” Lekat te aldaw sìyan, wedad palos otaw migtelaman mig-insà ki Jesus.

Mar. 12:32

Minikagi se menenoladà sìyan, “Sir, neketotok se intaba nikaw. Benal se inikagi no te sebad olò se Timanem, aw wedad doma timanem lowà pa diyà kandin.

Mar. 12:28

Nayan, dimateng se sebad menenoladà te punù ingkeliwat i Moises, aw dinineg din se pegpebelaw-belaway dan. Pegketaga-taga din te mèpiya se intaba i Jesus kandan, mig-insà sikandin, “Diyà te kedita te punù ingkeliwat i Moises, eden lay punui se ontò melangkaw?”

Mar. 12:17

Minikagi si Jesus, “Begayi niyo diyà te selotan se keilangan ibegay niyo diyà kandin, aw begayi niyo heman diyà te Timanem se keilangan ibegay niyo diyà kandin.” Pegdineg dan kenyan, nepela dan.

Tito 3:14

Mèpiya aw meg-iling se menge kedowa tadon doton te keilangan megpekeaseb dan meg-inang te mèpiya, aw megtabang dan te doma otaw ontò nelimahan, amon doen ontong te pegtaking dan te Timanem.