Tito 2:7 - Manobo Sarangani

⁷ Sikona heman, pengkey eden se inangen nikaw, keilangan mèpiya iyan amon meinang ka gegonan peg-ilingan te menge doma otaw. Aw megtoladà ka, keilangan metinuud ka, aw keilangan metinònò ka.

Tito 2:7 ပူးပေါင်းရင်းမြစ်များ

1 Pedro 5:3

Ikà niyo egleges te menge otaw egtoledaan niyo, so insalig dan te Timanem diyà kenyo. Keilangan metòlid se eg-inangen niyo, so sikiyo se peg-ilingan dan.

1 Timoteo 4:12

Ikà egketalaw te pegtoladà no pengkey kaling ka pa otaw. Meneng keilangan meinang ka gegonan peg-ilingan te menge doma otaw egpemenal, pengkey eden se eg-ikegiyen no aw eg-inangen nikaw. Pekitai te dakel se pedowan no, aw melobos se pegsalig no te Timanem, aw wedad inang no medaet.

Filipos 1:10

amon metaga-taga kaw aw eden se ontò mèpiya inangen niyo. Aw metoman iyan, eked kaw peg-inang te salà, aw wedad otaw mekesila kenyo, meneng meketagad kaw te aldaw te peglikò i Cristo.

2 Korinto 4:2

Ontò ko pig-ekedan se medaet inang, sìyan megbolon aw mekeyàyà. Wedà a peglegawa te doma otaw. Meneng ontò ko binangal se pegtoladà te kagi te Timanem. Netegahan te Timanem te kebenalan se intoladà ko, aw netegahan iyan te kedita te otaw.

2 Korinto 1:12

Ontò a neluba, so netegahan ko te ontò metòlid se keogpà ko. Pengkey kenan a pesalo, aw labi pa doton kenyo, metòlid se keogpà ko aw mèpiya heman se tod ko kenà pineokit te kenaken kebiyasa, meneng pineokit te tabang te Timanem kanak.

2 Tesalonika 3:9

Migterbaho kay kenà te eked kepakay aw togpoan kay niyo, meneng amon meinang kay gegonan peg-ilingan niyo.

Efeso 6:24

Ibeg ko tebangan te Timanem se kedita te otaw dakel se pedowan dan diyà te Pengolo tadon si Jesu Cristo te wedad temanan.

2 Korinto 2:17

Kenà a iling te menge doma otaw egtoladà te kagi te Timanem amon mengewarta. Meneng insogò a te Timanem, aw netegahan din te nelobos se pedowan ko te pegtoladà te Mèpiya Indan tepad ki Cristo.

2 Korinto 8:8

Eked ko sikiyo sogoi memegay. Meneng ibeg ko ipetaga-taga olò kenyo se keaseb te doma otaw nemegay, amon ketegahan ko aw benal doen dakel pedowan niyo.

1 Timoteo 5:10

Eked sikandin peekopi singed aw medengeg sikandin eg-inang te mèpiya. Pelistahi olò se ngadan te bayi balo mig-ipat te menge batà din aw migsagman te menge otaw gimemaw kandin, aw mig-onaw te benis te menge doma sakop te Timanem, aw migtabang te menge otaw nelimahan, aw migpekeaseb sikandin te medita kemolò te mèpiya inang.

Tito 3:8

Ontò benal se insolat ko kamno seini. Ibeg ko, ontò ka megtoladà te kedita te sìyan insolat ko kamno, amon ontò measeb se kedita te otaw nemenal te Timanem meg-inang te mèpiya, so mèpiya iyan peg-ilingan aw doen ontong te otaw tomolò kenyan.