Tito 2:5 - Manobo Sarangani

⁵ Megtoladà dan heman te menge kaling bayi te keilangan megpetikbel dan, aw megpelobos te pedowan dan diyà te esawa dan. Keilangan megpekeaseb dan megterbaho. Keilangan tomolò dan te esawa dan. Aw iling kenyan se eg-inangen dan, wedad otaw mekesila te kagi te Timanem ipegtoladà tadon.

Tito 2:5 ပူးပေါင်းရင်းမြစ်များ

Kolasas 3:18

Na, sikiyo menge bayi doen esawa, keilangan tomolò kaw te esawa niyo, so yan se mèpiya inangen te menge sakop te Pengolo tadon.

1 Timoteo 5:10

Eked sikandin peekopi singed aw medengeg sikandin eg-inang te mèpiya. Pelistahi olò se ngadan te bayi balo mig-ipat te menge batà din aw migsagman te menge otaw gimemaw kandin, aw mig-onaw te benis te menge doma sakop te Timanem, aw migtabang te menge otaw nelimahan, aw migpekeaseb sikandin te medita kemolò te mèpiya inang.

Genesis 3:16

Minikagi se Timanem diyà te bayi, “Ontò ko dogangan se kelimahan te pegbatà nikaw. Aw tebawan ka, elegen ka. Meneng ontò ka meibeg te kamno esawa, aw mengolo sikandin diyà kamno.”

Efeso 5:33

Meneng ibeg ko ketegahan niyo te keilangan dakel se pedowan te teg sebad-sebad meama te esawa din, iling te aneng-aneng din tepad te kandin pegkeotawun. Keilangan megsagman heman se bayi te kandin esawa.

Ininang 9:36

Doen sebad bayi egpemenal doton te Jopa ngadan din si Tabita, doma ngadan din si Dorcas. Mèpiya otaw sikandin, so gayed egtabang te doma otaw.

1 Timoteo 6:1

Pegtoladà ka te kedita te allang te keilangan ontò dan tomolò te amo dan, amon wedad otaw megtompuyus te Timanem, aw wedad heman otaw mekesila te ipegtoladà tadon.

1 Korinto 14:34

egkepenek se menge bayi doton te simbahan, so eked kepakay aw mikagi dan. Doen heman kagi te Timanem insolat, te keilangan tomolò se bayi te meama.

1 Korinto 11:3

Meneng ibeg ko ketegahan niyo ini. Si Cristo, yan se olo te kedita te meama, aw se meama yan se olo te esawa din, aw se Timanem Amay yan se olo i Cristo.

Roma 2:24

Doen kagi te Timanem insolat te egtompuyus se otaw kenà Judiyo te Timanem tandà te medaet inang niyo menge Judiyo.

Ininang 9:39

Yan timaking si Pedro kandan. Pegdateng din doton, inibing dan sikandin doton te gibelayan. Miglimpong se menge bayi balo diyà kandin, aw migkelag dan. Impekità dan kandin se menge saol aw dagom tinebil i Dorcas te wedà pa kematay.

Genesis 18:9

Mig-insà dan diyà kandin, “Kenan lay se esawa nikaw si Sara?” Timaba si Abraham, “Doton didalem.”

Roma 14:16

Pengkey netegahan niyo te doen mèpiya mepakay inangen, meneng aw doen otaw somila kenyo tandà te peg-inang niyo kenyan, ikà niyo eg-inang kenyan.

Tito 2:4

amon meg-iling se menge kaling bayi tepad te pegkedakel te pedowan dan diyà te esawa dan aw menge batà dan.