Tito 2:3 - Manobo Sarangani

³ Iling heman kenyan se itoladà no diyà te menge lokes, te keilangan metòlid se inangen dan amon meluba se Timanem kandan. Eked kepakay aw megbaet-baet dan aw meglasing dan. Keilangan mèpiya se itoladà dan

Tito 2:3 ပူးပေါင်းရင်းမြစ်များ

Roma 1:29

Nelegeb dan te medita kemolò te medaet. Egkeibeg dan te kedònan te doma, aw egtindaet dan. Gayed dan eg-ingà, aw egbonò, aw egdindil, aw eg-akal, aw medaet se eg-ikegiyen dan tepad te doma otaw. Egbelikbik dan,

Roma 16:2

Aw domateng sikandin doton kenyo, pegsagman kaw kandin tandà te pegsalig din diyà te Pengolo tadon, so yan se keilangan inangen tadon menge sakop te Timanem. Aw doen kelidoan din, pegtabang kaw kandin, so medita se doma otaw tinebangan din, pengkey siaken, tinebangan a din heman.

Efeso 5:3

So sakop kaw te Timanem, ikà niyo eglayok te kenà kenyo esawa. Ikà niyo egkapoy. Ikà niyo eg-ingà. Keilangan ketegahan te wedad palos eg-inangen niyo iling kenyan.

1 Timoteo 3:11

Keilangan metinuud heman se esawa dan. Eked kepakay aw egbaet-baet dan. Keilangan biyasa dan memallì te metòlid inangen dan. Keilangan keseligan dan te pengkey eden se eg-inangen dan.

1 Timoteo 3:8

Iling heman kenyan, keilangan metinuud se menge doma opisyal te simbahan. Keilangan keseligan se kagi dan. Eked kepakay aw metilasing dan aw mengewarta dan.

1 Timoteo 5:23

Olò wayeg se eg-inemen no, meneng labi pa mèpiya aw inemen no heman se deitek bino amon kebolongan se mesakit te getek no aw menge doma mesakit melikit egdateng kamno.

Tito 1:7

So egseligan sikandin te Timanem mengibing te menge otaw egpemenal, keilangan wedad palos isila kandin. Eked kepakay se otaw egpelangkaw-langkaw, aw mebabaw se pedowan din, aw metiinem, aw egbolaw, aw egpengewarta.

Tito 2:4

amon meg-iling se menge kaling bayi tepad te pegkedakel te pedowan dan diyà te esawa dan aw menge batà dan.

Menge Hebreo 5:12

So nenamay kaw den migpesakop diyà ki Cristo, yan biyasa kaw den peden megtoladà te doma otaw. Meneng sikiyo se keilangan todà toledaan te tagnà intoladà kenyo lekat te kagi te Timanem. Iling kaw te batà olò egsoso aw eked pa pekekaen te pengelapen.

Impekità 2:20

Meneng netegahan ko te doen heman medaet eg-inangen niyo, so mepakay diyà kenyo aw toledaan kaw te bayi si Jesebel egpelingo-lingo telekeliwat te kagi te Timanem. Egboyo sikandin te menge sakop ko pineokit te pegtoladà din te mepakay aw lomayok dan te kenà kandan esawa, aw komaen dan heman te pengelapen ipegpemegay diyà te kenà benal timanem.