Tito 2:2 - Manobo Sarangani

² Pegtoladà ka te menge temoay te keilangan biyasa dan memallì te metòlid inangen dan. Keilangan metinuud dan. Keilangan tikbel dan. Keilangan melobos se pegsalig dan diyà te Timanem. Keilangan dakel se pedowan dan diyà te doma otaw. Keilangan tomayod dan te kelimahan.

Tito 2:2 ပူးပေါင်းရင်းမြစ်များ

Galasya 5:23

aw mèpiya se pedowan din, aw egpeketameng te ibeg te pedowan din. Wedad palos punù ingkeliwat i Moises te eked kepakay se peg-inang te mèpiya iling kenyan.

1 Pedro 4:7

Agpet den se temanan te keneyonan, aw yan se doun te keilangan metinuud kaw aw tikbel kaw, amon wedad mekebelabag te pegtawal-tawal niyo diyà te Timanem.

1 Timoteo 3:11

Keilangan metinuud heman se esawa dan. Eked kepakay aw egbaet-baet dan. Keilangan biyasa dan memallì te metòlid inangen dan. Keilangan keseligan dan te pengkey eden se eg-inangen dan.

1 Pedro 5:8

Peg-ahà kaw. Keilangan megpeketagad kaw, so egpengemahà se poon tadon si Satanas te otaw pegbàtan din, iling te liyon binallos gayed egpengemahà te okadan niyan aw kànen.

Tito 1:13

Ontò benal se inikagi din sìyan, aw yan se doun te keilangan ontò ka megsagda kandan amon megketòlid se pegpemenal dan te kebenalan.

1 Timoteo 3:2

Se otaw inangen egpengibing te simbahan, keilangan wedad palos isila kandin. Keilangan sebad olò se esawa din aw kenà eglakad. Keilangan biyasa sikandin memallì te metòlid inangen din. Keilangan tikbel sikandin. Keilangan besahan sikandin te menge doma otaw. Keilangan megsagman sikandin te menge otaw gomemaw kandin. Keilangan biyasa sikandin megtoladà.

1 Tesalonika 5:8

Meneng sikitadon se otaw te aldaw, aw yan keilangan egpeketagad kidon. Aw gayed kidon egsalig diyà te Timanem aw egpedekelay kidon te pedowan, yan se iling te ikelasag te lawa tadon, aw iling te telandà kinis se pegpeliman tadon te pegpelowà te Timanem kenitadon lekat te pelumun.

Roma 12:3

Tandà te pegsogò te Timanem kanak, doen den ipunù ko diyà te kedita niyo egpemenal. Ikà niyo egpelangkaw-langkaw. Meneng keilangan metòlid se aneng-aneng niyo tepad te mebatog niyo inangen tandà te kebiyasa imbegay te Timanem kenyo te pegsalig niyo diyà kandin.

1 Pedro 1:13

So netegahan niyo den iyan, yan keilangan megpeketagad kaw meg-aneng-aneng te metòlid. Keilangan megpekebatol kaw. Keilangan megpeliman kaw te mèpiya ibegay te Timanem diyà kenyo te aldaw te peglikò i Jesu Cristo.

1 Korinto 15:34

Peketòlid kaw. Lengai niyo den se peg-inang niyo te salà. Simolat a kani kenyo amon meyàyà kaw, so medita pa se otaw kidoen kenyo eg-inang te salà, aw wedà ketaga-taga te kebenalan tepad te inang te Timanem.

2 Pedro 1:6

Aw biyasa kaw, keilangan temengan niyo se ibeg niyo meg-inang te medaet. Aw meketameng kaw te ibeg niyo, keilangan meg-iling kaw heman te pegtayod te kelimahan. Aw meketayod kaw te kelimahan, keilangan tomolò kaw heman te ibeg te Timanem.

Tito 2:7

Sikona heman, pengkey eden se inangen nikaw, keilangan mèpiya iyan amon meinang ka gegonan peg-ilingan te menge doma otaw. Aw megtoladà ka, keilangan metinuud ka, aw keilangan metinònò ka.

Tito 1:8

Keilangan egsagman sikandin te menge doma otaw, aw egkeibeg megtabang kandan. Keilangan mèpiya se but din, aw metòlid se eg-inangen din egkelubahan te Timanem. Keilangan egpeketameng sikandin te ibeg te pedowan din.

1 Timoteo 3:4

Keilangan mèpiya se pegpengibing din te esawa din aw menge batà din. Keilangan tomolò se menge batà din kandin, aw keilangan gayed dan egsagman kandin.

1 Timoteo 1:5

Yan se ipunù ko amon megpedekelay dan te pedowan. Meneng eked dan pegpedekelay te pedowan singed aw linisan te Timanem se pedowan dan lekat te salà, aw metibok se ibeg dan meg-inang te metòlid, aw melobos se pegpemenal dan te Timanem.

1 Tesalonika 5:6

Yan se doun te keilangan eked kidon peg-iling te menge otaw kenà egpemenal, so iling dan te otaw egtedogi. Meneng keilangan iling kidon te otaw egkeloka aw egpeketagad.

Filipos 4:8

Nayan, menge kedowa ko, sebad mendad se ikegiyen ko kenyo. Keilangan wedad palos eneng-enengen niyo singed aw benal iyan, aw doen ontong, aw metòlid, aw wedad salà, aw ikeluba, aw mèpiya dengeg. Pengkey eden se mèpiya, aw mepakay iduyun, yan se keilangan gayed niyo eneng-enengen.

2 Korinto 5:13

Simpana aneng-aneng niyo migkebook a den tandà te keaseb te pegtaking ko te Timanem, aw den iyan, so ibeg ko iduyun se Timanem. Pengkey aneng-aneng niyo doen inenengen ko, meneng ibeg ko pa megtabang kenyo.

1 Korinto 9:25

Se kedita te otaw komagnan, doen eked dan kepakay inangen amon eked ketostos se kagsen dan. Aw tomayod dan kenyan, doen mekeabat te ontong, pengkey ininang iyan te dawen melanes te eked kenamay. Meneng sikitadon egpemenal ki Cristo, ibeg tadon kinewaen se ontong wedad palos temanan.

Ininang 24:25

Migtoladà heman si Pablo te keilangan metòlid se eg-inangen te otaw, aw megtameng te ibeg te pedowan, aw doen kwani aldaw meg-okom se Timanem te kedita te otaw. Pegtoladà i Pablo kenyan, ontò nelemitan si Felis aw minikagi, “Botongi den se pegtoladà nikaw. Aw doen aldaw, todà ta engayen.”

Luc. 8:35

Penga niyan, dimoton se menge otaw inindanan dan amon komità dan kenyan. Pegdateng dan doton ki Jesus, kinità dan se otaw pinelowaan te bosaw. Nenenoo sikandin kidoen te dapag i Jesus, aw nenelowal den, aw migkèpiya den sikandin. Pegkità dan kenyan, nelemitan dan.

Mar. 5:15

Pegdateng dan doton ki Jesus, kinità dan se otaw pinelowaan te minelalan se bosaw. Nenenoo sikandin, aw nenelowal den, aw migkèpiya den. Pegkità dan kenyan, nelemitan dan.

1 Timoteo 3:8

Iling heman kenyan, keilangan metinuud se menge doma opisyal te simbahan. Keilangan keseligan se kagi dan. Eked kepakay aw metilasing dan aw mengewarta dan.

1 Timoteo 1:2

Simolat a kamno, Timoteo. Iling ka te ontò batà ko tandà te pegpemenal no ki Cristo. Ibeg ko, tebangan ka, aw keidowan ka, aw begayan ka te kelinaw te pedowan lekat te Amay tadon Timanem aw Pengolo tadon si Jesu Cristo.

1 Timoteo 1:10

Doen punù amon segdahen se otaw eglayok te kenà kandan esawa, aw bayot, aw otaw eg-agaw te doma otaw, aw bolelawun, aw otaw egkebolalaw te pegsistigos dan, aw pengkey eden se medaet inangen te otaw kenà egtaking te kebenalan ipegtoladà tadon.

1 Timoteo 1:14

Meneng songkani, ontò a tinebangan te Pengolo, so nemenal a kandin, aw dakel se pedowan ko kandin tandà te pegsebad ko diyà kandin.

1 Timoteo 5:1

Ikà egkeopal te menge temoay meg-inang te salà, meneng keilangan mèpiya se pegsagda no kandan iling te peg-ikagi no diyà te amay nikaw. Peg-aneng-aneng ka te menge kaling meama iling te kedowa nikaw.

Filemon 1:9

Meneng so dakel se pedowan ko kamno, eked a sogò kamno. Pengkey siaken, si Pablo, se sebad sogounun i Jesu Cristo, aw pengkey nekeleboso a songkani tandà te pegtaking ko kandin, meneng memoyò a olò diyà kamno.