Tito 2:13 - Manobo Sarangani

¹³ Keilangan inangen tadon iyan dalem te pegtagad tadon te mèpiya aldaw aw kitaen tadon se kelangkaw te Timanem egpelowà kenitadon, si Jesu Cristo egpelimanan tadon.

Tito 2:13 ပူးပေါင်းရင်းမြစ်များ

2 Timoteo 4:8

aw yan doen den ontong intagò kanak. Yan se ibegay te Pengolo tadon diyà te kedita te otaw eg-eneng-enengen din te metòlid dan aw domateng se aldaw te peg-okom din. Ontò metòlid se peg-okom din, aw kenà olò siaken se begayan din te ontong, meneng begayan din se kedita te otaw migpeliman te peglikò din.

1 Korinto 1:7

aw yan wedad kolang diyà kenyo te kedita te kemolò te kebiyasa imbegay te Timanem diyà te otaw egpemenal, dalem te pegpeliman niyo te peglikò te Pengolo tadon si Jesu Cristo.

Mat. 16:27

Siak se Timanem Migpekeotaw, aw lomikò a dini tekingan te menge anghil aw kelangkaw te Amay ko. Aw lomikò a, begayan ko se kedita te otaw te ontong tepad te tapay dan ininang.

Tito 1:2

Insogò a amon ipetaga-taga ko kandan te doen egpelimanan tadon, sìyan kaling pedowan wedad temanan impakang te Timanem gebii. Kenà egkebolalaw se Timanem,

Mar. 14:62

Minikagi si Jesus, “Benal iyan. Komità kaw kanak Timanem Migpekeotaw egpenenoo kidoen te tangkil te Amay ko metolos amon lomowan a doma din. Lomikò a heman dini lekat te langit tekingan te labon.”

Menge Hebreo 9:28

Mekesebad heman se pegkematay i Cristo amon mengabat te salà te kedita tadon. Lomikò pa sikandin dini te tanà kenà amon todà mengabat te salà tadon, meneng lomikò amon mangay te kedita te otaw egpeliman kandin.

2 Pedro 3:18

Keilangan gayed kaw meg-iling tepad te kèpiya ipegpemegay te Pengolo tadon si Jesu Cristo egpelowà kenitadon. Keilangan meg-iling kaw heman te kebenalan ipetaga-taga din diyà kenyo. Sikandin se iduyun seini aw lamig te wedad temanan. Metoman iyan.

2 Korinto 4:4

so se menge otaw wedà pemenal, impekagsen i Satanas se olo dan amon eked dan kelebeti se Mèpiya Indan tepad te kelangkaw i Jesu Cristo, so egkitaen se keanyag te Timanem diyà te bawa i Cristo.

Roma 15:13

Timanem se eglekatan te kedita te egpelimanan tadon. Ibeg ko, begayan kaw din te ontò keluba aw kelinaw te pedowan niyo tandà te pegsalig niyo ki Cristo, amon melobos se pegpeliman niyo pineokit te tabang te Espiritu Santo kenyo.

Roma 5:5

Eked kidon lengà te pegpemenal. Tomanen te Timanem se egpelimanan tadon, so nedekelan kidon din te pedowan pineokit te Espiritu Santo imbegay din kenitadon.

2 Pedro 1:1

Se solat seini lekat kanak si Simon, doma ngadan ko si Pedro. Sineligan a i Jesu Cristo aw ininang a sogounun din. Seini se solat ko diyà te kedita niyo simalig diyà ki Jesu Cristo. Sikandin se Timanem egpelowà kenitadon. Tandà te ketòlid din, ininang kaw din heman otaw simalig diyà kandin iling te pegsalig day diyà kandin.

1 Pedro 1:7

so ibeg te Timanem tomayod kaw te menge kelimahan sìyan amon ipetaga-taga niyo te ontò nelobos se pegsalig niyo diyà kandin. Iling iyan te bolawan tonawen diyà te apoy amon ketegahan aw ontò iyan bolawan. Pengkey meelagà se bolawan, megkewedad iyan te eked kenamay. Meneng labi pa meelagà se pegsalig niyo diyà te Timanem, aw yan ipeokit kaw din diyà te kelimahan amon ketegahan din aw ontò kaw egsalig diyà kandin. Aw meketayod kaw kenyan, iduyun kaw din aw ipelangkaw kaw din te aldaw te peglikò i Jesu Cristo.

1 Pedro 1:3

Iduyun se Timanem, Amay te Pengolo tadon si Jesu Cristo. Ontò kidon neidowan te Timanem, aw binegayan kidon din te kaling pedowan. Yan doen egpelimanan tadon tandà te pegkeantay i Jesu Cristo lekat te nematay.

2 Timoteo 4:1

Doen ipunù ko kamno aw egtengtengen ki te Timanem aw si Jesu Cristo, se meg-okom te kedita te otaw pengkey nematay aw wedà pa kematay. So netegahan tadon te lomikò si Jesus aw lomowan, seini se ipunù ko kamno.

2 Korinto 4:6

Peg-inang te Timanem te keneyonan, mengitngit aw penga niyan ininang din se kelowahan. Iling kenyan se ininang din kanak, so kedengan, iling te doen kengitngit diyà te pedowan ko, so wedà a kilala ki Jesu Cristo. Meneng linowa din den se pedowan ko amon ipekità din kanak se kelangkaw te Timanem diyà te bawa i Cristo.

Ininang 24:15

Onawa heman se egpelimanan ko aw menge otaw neopal kanak, so egpelimanan ko heman se peg-antay te Timanem te kedita te otaw lekat te nematay, pengkey otaw egpenimanem aw otaw kenà egpenimanem.

Mar. 8:38

Aw eked ikagi se otaw te sikandin se sakop ko, aw eked heman tolò te kagi ko meneng tomaking te otaw nelegeb te salà egtinàyog te Timanem, yan se otaw eked ko heman ikegihi te sikandin se sakop ko te peglikò ko. Siak se Timanem Migpekeotaw, aw lomikò a pa dini tekingan te kelangkaw te Amay ko aw sipat menge anghil te Timanem.”

Impekità 1:7

Na, lomikò si Jesu Cristo domaan te labon. Kitaen te kedita te otaw se pegdateng din, aw komità heman kandin se kedita te otaw nengimatay kandin. Megmatay se otaw te kedita te pongan dini te keneyonan tandà te puluk te pedowan dan, so sikandin se megpelumun kandan. Ontò iyan benal. Metoman iyan.

Tito 3:4

Meneng pegpetaga-taga te Timanem egpelowà kenitadon te keido din aw kedakel te pedowan din kenitadon,

Kolasas 3:4

Si Cristo se nemegay kenyo te kaling pedowan wedad temanan. Aw lomikò sikandin, entayen kaw din aw megdoma kaw kandin te peglowan din.

Kolasas 1:23

Meneng keilangan gayed kaw somalig diyà ki Jesu Cristo, aw keilangan lobosen niyo se pegpemenal niyo kandin. Ikà niyo egsoway lekat te kagi te Timanem pinemenalan niyo tepad ki Cristo, so doen den egpelimanan niyo. Yan se Mèpiya Indan intoladà den diyà te menge otaw doton te kebelad te keneyonan, aw yan heman se ipegtoladà ko.

1 Juan 4:14

Kinità day se Batà te Timanem migpekeotaw, aw mekeikagi kay te benal sikandin insogò te Timanem Amay amon megpelowà te kedita te otaw lekat te salà.

Kolasas 1:5

Yan se eg-inangen niyo, so kedengan te pegdineg niyo te kebenalan tepad ki Cristo, nemenal kaw te doen ontong ibegay kenyo doton te langit. Yan se Mèpiya Indan

Mat. 26:64

Minikagi si Jesus, “Benal se inikagi nikaw. Mikagi a den kani diyà kenyo. Te eked kenamay, komità kaw kanak Timanem Migpekeotaw egpenenoo kidoen te tangkil te Amay ko metolos amon lomowan a doma din. Lomikò a heman dini lekat te langit tekingan te labon.”

Mat. 25:31

“Aw lomikò a Timanem Migpekeotaw amon lomowan a, tekingan a te kedita te anghil. Penga niyan, menenoo a kidoen te melangkaw onsedanan te peglowan amon meg-okom a te kedita te otaw

2 Tesalonika 2:16

Ibeg day, entagen se pedowan niyo aw tebangan kaw te Pengolo tadon si Jesu Cristo aw Amay tadon Timanem amon mèpiya se kedita te inangen niyo aw ikegiyen niyo. Dakel se pedowan te Timanem kenitadon, aw pineokit te tabang din kenitadon neantag den se pedowan tadon wedad temanan, aw mèpiya den heman se pegpeliman tadon.

2 Tesalonika 2:8

Meneng aw kitaen se Olo te Medaet, imetayan sikandin te Pengolo tadon si Jesus te pegdateng din. Olò din edopen se Olo te Medaet, aw yan matay sikandin aw kebàtan se eg-inangen din.

Kolasas 1:27

so ibeg din ipetaga-taga din diyà kenitadon te ontò mèpiya se kebenalan seini. Ipetaga-taga din iyan heman doton te menge otaw kenà Judiyo. Seini se kebenalan sìyan wedà din petega-tegahi kedengan, te isogò din si Jesu Cristo meg-ogpà kidoen te kenyo pedowan, aw yan se doun te netegahan niyo te doen kèpiyaan pelimanan niyo doton te langit.

Roma 8:18

Pengkey egpemilangen kidon dini lanto te tanà, meneng aneng-aneng ko aw kinewaen tadon se kèpiyaan impetagad te Timanem kenitadon, kelibelan tadon se kelimahan sìyan,

1 Timoteo 1:1

Siak, si Pablo, se simolat kani. Ininang a sogounun i Jesu Cristo pineokit te punù te Timanem egpelowà kenitadon, aw pineokit te punù i Jesu Cristo egpelimanan tadon.

2 Timoteo 1:2

Simolat a kamno, Timoteo. Iling ka te ontò batà ko so dakel se pedowan ko kamno. Ibeg ko tebangan ka, aw keidowan ka, aw begayan ka te kelinaw te pedowan lekat te Amay tadon Timanem aw Pengolo tadon si Jesu Cristo.

Tito 1:4

Seini se solat ko kamno, Tito. Iling ka te ontò batà ko, so nemenal ka te Pengolo tadon iling te pegpemenal ko kandin. Ibeg ko, tebangan ka aw begayan ka te kelinaw te pedowan lekat te Timanem Amay aw lekat ki Jesu Cristo egpelowà kenitadon.

Judas 1:21

Ikà niyo egtanan te kedakel te pedowan te Timanem dalem te pegtagad niyo te Pengolo tadon si Jesu Cristo egkeido kenyo, so ipeogpà kaw din doma din te wedad temanan.