Tito 2:10 - Manobo Sarangani

¹⁰ Keilangan eked dan penakaw, meneng mèpiya se inangen dan amon ipetaga-taga dan te gayed dan egkeseligan. Aw iling kenyan se kedita te eg-inangen dan, metaga-taga se menge doma otaw te mèpiya se ipegtoladà tadon tepad te Timanem egpelowà kenitadon.

Tito 2:10 ပူးပေါင်းရင်းမြစ်များ

Mat. 5:16

Iling heman kenyan, keilangan olò mèpiya se inangen niyo, so aw komità se menge doma otaw te mèpiya se eg-inangen niyo, iduyun dan se Amay niyo Timanem doton te langit.”

1 Pedro 2:12

So tengtengen kaw te menge otaw wedà pa pemenal te Timanem, yan keilangan ontò metòlid se eg-inangen niyo, amon aw mikagi dan te doen salà niyo, metaga-taga dan beling te mèpiya se eg-inangen niyo, aw yan se doun te iduyun dan se Timanem te aldaw te pegdateng din.

2 Juan 1:9

Aw somoway se otaw lekat te kebenalan intoladà i Jesu Cristo, aw isogpat din se kebolalaw diyà te kebenalan, wedad Timanem kidoen kandin. Meneng aw ontò egsalig se otaw diyà te kebenalan intoladà i Jesu Cristo, kidoen kandin se Timanem Amay aw Batà.

Efeso 4:1

Nayan, siak se nekeleboso tandà te pegtaking ko te Pengolo, aw yan memoyò a diyà kenyo te keilangan gayed mèpiya se kedita te eg-inangen niyo, sìyan ibeg te Timanem, so yan se tod din te pegtawal din kenyo.

1 Pedro 3:16

Meneng aw tomaba kaw kandan, keilangan mèpiya se pedowan niyo kandan, aw keilangan megsagman kaw heman kandan. Keilangan wedad salà inangen niyo, so sakop kaw i Cristo. Yan aw doen otaw megbael-bael tepad kenyo, aw somila dan te mèpiya eg-inangen niyo, meyàyà dan.

Tito 1:3

aw yan pegdateng te aldaw pinemallì din, impetaga-taga din iyan pineokit te kagi din. Yan se kebenalan insalig din kanak aw ipegtoladà ko, so insogò a te Timanem egpelowà kenitadon lekat te salà.

1 Timoteo 6:3

Aw doen otaw sebad se ipegtoladà din kenà iling te kagi lekat te Pengolo tadon si Jesu Cristo, aw kenà heman iling te kebenalan pinemenalan tadon,

1 Timoteo 6:1

Pegtoladà ka te kedita te allang te keilangan ontò dan tomolò te amo dan, amon wedad otaw megtompuyus te Timanem, aw wedad heman otaw mekesila te ipegtoladà tadon.

1 Korinto 4:2

So sikami se otaw sineligan din kenyan, keilangan tomolò kay te simogò kenami.

Luc. 16:10

Aw keseligan se otaw pengkey deitek se isalig diyà kandin, keseligan heman sikandin aw dakel se isalig diyà kandin. Meneng aw eked keseligi se otaw aw deitek se isalig diyà kandin, eked heman sikandin keseligi te dakel.

Mat. 24:45

“Se otaw egkeseligan aw biyasa eg-inang te kedita, yan se inangen te amo din egpengibing te kedita te doma otaw doton te balay din, amon memegay diyà kandan te kànen te kelikit te aldaw.

1 Timoteo 5:17

Aw mèpiya se pegpengibing te menge egpengibing te simbahan, aw ontò dan measeb egtoladà aw egsoblod te kagi te Timanem, mèpiya aw tendanan dan te dobli.

1 Timoteo 1:1

Siak, si Pablo, se simolat kani. Ininang a sogounun i Jesu Cristo pineokit te punù te Timanem egpelowà kenitadon, aw pineokit te punù i Jesu Cristo egpelimanan tadon.

Filipos 4:8

Nayan, menge kedowa ko, sebad mendad se ikegiyen ko kenyo. Keilangan wedad palos eneng-enengen niyo singed aw benal iyan, aw doen ontong, aw metòlid, aw wedad salà, aw ikeluba, aw mèpiya dengeg. Pengkey eden se mèpiya, aw mepakay iduyun, yan se keilangan gayed niyo eneng-enengen.

Filipos 1:27

Nayan, pengkey eden se domateng kanak, keilangan onawa se inangen niyo diyà te Mèpiya Indan tepad ki Cristo intoladà kenyo. Yan pengkey domoton a kenyo, aw olò a indanan tepad kenyo, ketegahan ko te wedà kealin se pegsalig niyo diyà ki Cristo, aw sebad se pedowan niyo se egpetebangay te pegtoladà niyo te Mèpiya Indan tepad ki Cristo pinemenalan niyo.

Juan 12:6

Yan se inikagi din kenà so egkeidowan din se otaw sagkep, meneng menenakaw sikandin, so gayed din eg-ebaten se kwarta insalig diyà kandin, so sikandin se egtonggò te kwarta te kedita dan.

Luc. 1:47

aw ontò neluba se pedowan ko tandà te Timanem egpelowà kanak,

Luc. 1:80

Timilles si Juan aw ontò sikandin egkeseligan. Pegkedakel din, mig-ogpà sikandin kidoen te kebigtilan lamig te aldaw te pegpekità din diyà te menge bowad-bowad i Israel.

Tito 3:4

Meneng pegpetaga-taga te Timanem egpelowà kenitadon te keido din aw kedakel te pedowan din kenitadon,