Tito 1:9 - Manobo Sarangani

⁹ Aw megtoladà sikandin, eked kepakay aw somoway lekat te kebenalan ipegtoladà tadon. Aw keseligan se pegtoladà din te ontò kebenalan, ketebangan se menge otaw menenalan te itoladà din, aw ipetaga-taga din heman se kemalì te menge otaw egpoon te kebenalan.

Tito 1:9 ပူးပေါင်းရင်းမြစ်များ

2 Tesalonika 2:15

Yan menge kedowa day, ikà niyo egdowa-dowa te pegsalig niyo ki Cristo, aw ikà niyo egsoway lekat te menge kebenalan intoladà day kenyo te peg-ogpà day doton kenyo kedengan aw pineokit heman te pegsolat day kenyo.

2 Timoteo 1:13

Taking ka te kebenalan intoladà ko kamno, so yan se keilangan peg-ilingan nikaw. Lobosi se pegsalig no diyà ki Jesu Cristo, aw lobosi se pegkedakel te pedowan no te doma otaw, so yan se pengilala te migsebad kidon diyà ki Jesu Cristo.

1 Timoteo 6:3

Aw doen otaw sebad se ipegtoladà din kenà iling te kagi lekat te Pengolo tadon si Jesu Cristo, aw kenà heman iling te kebenalan pinemenalan tadon,

1 Timoteo 1:10

Doen punù amon segdahen se otaw eglayok te kenà kandan esawa, aw bayot, aw otaw eg-agaw te doma otaw, aw bolelawun, aw otaw egkebolalaw te pegsistigos dan, aw pengkey eden se medaet inangen te otaw kenà egtaking te kebenalan ipegtoladà tadon.

Impekità 3:3

Ikà niyo den egkelibel te kebenalan intoladà kenyo kedengan, sìyan pinemenalan niyo. Tolò kaw kenyan, aw pegselsel kaw. Aw eked kaw, domateng a te eked kaw peketagad, iling te pegdateng te menenakaw te wedad meketagad, so eked niyo ketegahi aw eden orasi se pegdateng ko.

1 Timoteo 1:15

Benal se eg-ikegiyen seini, aw keilangan ontò tadon pemenalen. Dimini si Jesu Cristo te keneyonan amon megpelowà te otaw lekat te salà sipat siak ontò medaet diyà te kedita te otaw nekesalà.

Tito 2:1

Meneng sikona Tito, keilangan megtoladà ka te ontò kebenalan. Eked kepakay aw somoway ka lekat te benal kagi te Timanem ipegtoladà tadon.

Tito 1:11

Meneng keilangan segdahen no se pegtoladà dan, so medita se pamilya egsemoken dan pineokit te pegtoladà dan te eked kepakay itoladà. Meneng yan se ipegtoladà dan amon mengewarta dan.

2 Timoteo 4:3

Yan se impunù ko kamno, so domateng se aldaw eked keibeg se menge otaw menenalan te kebenalan ipegtoladà. Meibeg dan beling tomaking te medaet ibeg dan, yan mahà dan te menge otaw megtoladà kandan te pengkey eden se ibeg dan penenelanen.

1 Tesalonika 5:21

meneng peg-ahà kaw aw keseligan se kedita. Aw keseligan se kagi ikeliwat kenyo, tolò kaw kenyan.

Impekità 3:11

Na, lomikò a te eked kenamay. Tiboki niyo se pegsalig niyo diyà kanak amon wedad mekeagaw te ontong intagò kenyo.

Impekità 2:25

meneng keilangan tiboken niyo se pegsalig niyo diyà kanak lamig te peglikò ko.

Judas 1:3

Menge kedowa ko egkedekelan ko te pedowan, pengkey ontò dakel se ibeg ko somolat kenyo tepad te pegpelowà te Timanem te kedita tadon lekat te salà, meneng keilangan somolat a den kenyo te megpekagsen kaw te pegpemenal amon eked kaw dàgi te otaw meibeg peden megtodà te ontò kebenalan. Imbegay iyan te Timanem diyà te menge sakop din, aw eked iyan kepakay todaen.

2 Timoteo 2:25

Aw megtoladà sikandin te menge otaw kenà egpemenal te kagi din, keilangan mèpiya se pedowan din kandan, so doen besi aldaw ibegay te Timanem kandan amon megselsel dan aw metaga-taga dan te kebenalan.

2 Timoteo 2:2

Se kebenalan intoladà ko kamno aw medita doma otaw, yan se keilangan itoladà no diyà te menge doma otaw keseligan amon meketoladà dan heman te menge doma otaw.

1 Timoteo 4:9

Keseligan se inikagi ko sìyan, aw keilangan ontò iyan pemenalen.

1 Timoteo 1:19

Yan melobos se pegsalig no diyà te Timanem, aw metibok heman se ibeg no meg-inang te metòlid. Doen menge doma otaw pengkey netegahan dan aw eden se metòlid, meneng wedà dan iyan inangi, aw migkedaet se pegpemenal dan.

Ininang 18:28

Pegtoladà din, linebad-lebad din se kagi te Timanem amon ketegahan te menge Judiyo te si Jesus se Misiyas insogò te Timanem. Yan dinaeg din se menge Judiyo migdindil kandin kidoen te keditaan te otaw.

1 Korinto 14:24

Meneng aw se kedita mikagi, komeliwat dan te kagi te Timanem, aw penga niyan mawop se otaw kenà egpemenal aw wedà ketoledai te kebenalan, yan aw menenalan sikandin, ketegahan din te benal sikandin mig-inang te medaet, aw mikagi sikandin te benal doen salà din diyà te Timanem.

2 Timoteo 3:14

Meneng sikona, keilangan eked ka soway lekat te kebenalan intoladà kamno aw pinemenalan nikaw, so egkeseligan se otaw pig-ilingan no kenyan,