Tito 1:8 - Manobo Sarangani

⁸ Keilangan egsagman sikandin te menge doma otaw, aw egkeibeg megtabang kandan. Keilangan mèpiya se but din, aw metòlid se eg-inangen din egkelubahan te Timanem. Keilangan egpeketameng sikandin te ibeg te pedowan din.

Tito 1:8 ပူးပေါင်းရင်းမြစ်များ

1 Timoteo 3:2

Se otaw inangen egpengibing te simbahan, keilangan wedad palos isila kandin. Keilangan sebad olò se esawa din aw kenà eglakad. Keilangan biyasa sikandin memallì te metòlid inangen din. Keilangan tikbel sikandin. Keilangan besahan sikandin te menge doma otaw. Keilangan megsagman sikandin te menge otaw gomemaw kandin. Keilangan biyasa sikandin megtoladà.

Tito 2:7

Sikona heman, pengkey eden se inangen nikaw, keilangan mèpiya iyan amon meinang ka gegonan peg-ilingan te menge doma otaw. Aw megtoladà ka, keilangan metinuud ka, aw keilangan metinònò ka.

1 Juan 5:1

Se kedita te otaw nemenal te si Jesus se Misiyas, yan se menge batà te Timanem. Aw dakel se pedowan tadon te Timanem Amay, dakel heman se pedowan tadon te kedita te menge batà din.

1 Juan 3:14

Impelowà kidon den lekat te kemetayun wedad temanan, aw binegayan kidon den heman te kaling pedowan wedad temanan. Netegahan tadon te benal iyan so dakel se pedowan tadon te menge doma otaw. Meneng eg-ogpà pa diyà te kemetayun se otaw wedad kedakel te pedowan din te doma,

1 Timoteo 6:11

Meneng so sikona se otaw egtaking te Timanem, pegpediyò ka lekat te kedita te medaet sìyan in-indan ko kamno. Pegpekeaseb ka meg-inang te metòlid, aw toman ka te ibeg te Timanem, aw salig ka kandin. Keilangan dakel se pedowan no diyà te menge doma otaw, aw keilangan medalem aw mèpiya se pedowan nikaw.

1 Timoteo 4:12

Ikà egketalaw te pegtoladà no pengkey kaling ka pa otaw. Meneng keilangan meinang ka gegonan peg-ilingan te menge doma otaw egpemenal, pengkey eden se eg-ikegiyen no aw eg-inangen nikaw. Pekitai te dakel se pedowan no, aw melobos se pegsalig no te Timanem, aw wedad inang no medaet.

1 Tesalonika 2:10

Netegahan niyo aw netegahan heman te Timanem te wedad palos mekesila te ininang day diyà kenyo egpemenal, so timolò kay te ibeg te Timanem aw metòlid se ininang day.

2 Timoteo 3:3

Wedad kedakel te pedowan dan, eked dan keosayi, megbaet-baet dan, meg-inang dan te pengkey eden se ibeg dan medaet, melbala dan, aw mebensi dan te pengkey eden se mèpiya.

2 Timoteo 2:22

Yan se doun te keilangan eked ka peg-inabut te medaet mekeboyo te kaling otaw. Meneng keilangan megpekeaseb ka meg-inang te metòlid, aw somalig ka diyà te Timanem, aw megpedakel ka te pedowan no, aw megpekelinaw ka te pedowan nikaw, so yan se eg-inangen te kedita te otaw egtawal-tawal diyà te Pengolo tadon aw melobos se pedowan dan kandin.

Luc. 2:25

Nayan, doen sebad tege Jerusalem si Simeon. Eg-inang sikandin te metòlid, aw egtolò heman te Timanem. Gayed sikandin egpeliman te megpelowà se Timanem te menge bowad-bowad i Israel. Eg-ogpaan sikandin te Espiritu Santo,

Ininang 24:25

Migtoladà heman si Pablo te keilangan metòlid se eg-inangen te otaw, aw megtameng te ibeg te pedowan, aw doen kwani aldaw meg-okom se Timanem te kedita te otaw. Pegtoladà i Pablo kenyan, ontò nelemitan si Felis aw minikagi, “Botongi den se pegtoladà nikaw. Aw doen aldaw, todà ta engayen.”