Tito 1:7 - Manobo Sarangani

⁷ So egseligan sikandin te Timanem mengibing te menge otaw egpemenal, keilangan wedad palos isila kandin. Eked kepakay se otaw egpelangkaw-langkaw, aw mebabaw se pedowan din, aw metiinem, aw egbolaw, aw egpengewarta.

Tito 1:7 ပူးပေါင်းရင်းမြစ်များ

2 Pedro 2:10

Ontò medaet se pelumun din te kedita te otaw egtaking te medaet ibeg te lawa dan aw eked tolò te Timanem. Iling heman kenyan se menge otaw egpelingo-lingo te lekat te Timanem se ipegtoladà dan. Mebolot dan, aw kandan ibeg se egtekingan dan. Kenà dan egsagman te doen kelangkaw doton te langit, meneng egtompuyus dan kandan.

Efeso 5:18

Ikà niyo eglasing, so mekedaet iyan kenyo. Meneng keilangan beyà-beyaan kaw te Espiritu Santo.

1 Pedro 5:2

Peg-ipat kaw te menge otaw egtoledaan niyo, so insalig dan te Timanem diyà kenyo. Peg-ipat kaw kandan kenà lekat te pegkeleges, meneng lekat te kèpiya te pedowan niyo, so yan se ibeg te Timanem kenyo. Pengibing kaw kandan kenà amon tendanan kaw, meneng keilangan meagka se pedowan niyo te pegtabang niyo kandan.

1 Pedro 4:10

Medita se kinemoloan te kebiyasa imbegay te Timanem diyà te teg sebad-sebad kenitadon. Keilangan gemiten niyo te mèpiya se imbegay te Timanem kenyo amon megpetebangay kaw.

Luc. 12:42

Minikagi si Jesus, “Se otaw egkeseligan aw biyasa eg-inang te kedita, yan se inangen te amo din egpengibing te kedita te doma otaw doton te balay din, amon memegay kandan te kànen te kelikit te aldaw.

Tito 2:3

Iling heman kenyan se itoladà no diyà te menge lokes, te keilangan metòlid se inangen dan amon meluba se Timanem kandan. Eked kepakay aw megbaet-baet dan aw meglasing dan. Keilangan mèpiya se itoladà dan

Tito 1:5

Kedengan, tinenanan ta doton te polò te Kreta amon ipengahen no se sìyan wedà ta kepenga doton, aw amon pemellien no se menge otaw inangen egpengibing te simbahan doton te teg sebad-sebad lonsod kidoen. Ikà egkelibel te impunù ko kamno,

Filipos 1:1

Seini se solat ko, si Pablo, doma ki Timoteo, didowa kay insogò i Jesu Cristo. Seini se solat day te kedita niyo menge sakop te Timanem kidoen te lonsod te Filipos. Simolat kay heman te menge egpengibing kenyo aw menge doma opisyal te simbahan.

Mat. 24:45

“Se otaw egkeseligan aw biyasa eg-inang te kedita, yan se inangen te amo din egpengibing te kedita te doma otaw doton te balay din, amon memegay diyà kandan te kànen te kelikit te aldaw.

Genesis 49:6

Eked a penenalan te pelnao dan. Eked a ayon kandan, so pegkeopal dan, nemonò dan, aw pegkeluba dan, pigpantig dan se menge baka.