Tito 1:4 - Manobo Sarangani

⁴ Seini se solat ko kamno, Tito. Iling ka te ontò batà ko, so nemenal ka te Pengolo tadon iling te pegpemenal ko kandin. Ibeg ko, tebangan ka aw begayan ka te kelinaw te pedowan lekat te Timanem Amay aw lekat ki Jesu Cristo egpelowà kenitadon.

Tito 1:4 ပူးပေါင်းရင်းမြစ်များ

2 Timoteo 1:2

Simolat a kamno, Timoteo. Iling ka te ontò batà ko so dakel se pedowan ko kamno. Ibeg ko tebangan ka, aw keidowan ka, aw begayan ka te kelinaw te pedowan lekat te Amay tadon Timanem aw Pengolo tadon si Jesu Cristo.

Judas 1:3

Menge kedowa ko egkedekelan ko te pedowan, pengkey ontò dakel se ibeg ko somolat kenyo tepad te pegpelowà te Timanem te kedita tadon lekat te salà, meneng keilangan somolat a den kenyo te megpekagsen kaw te pegpemenal amon eked kaw dàgi te otaw meibeg peden megtodà te ontò kebenalan. Imbegay iyan te Timanem diyà te menge sakop din, aw eked iyan kepakay todaen.

2 Pedro 1:11

Aw yan se eg-inangen niyo, ontò kaw ipeawop kidoen te peglowan i Jesu Cristo egpelowà kenitadon. Lomowan se Pengolo tadon te wedad temanan.

2 Pedro 1:1

Se solat seini lekat kanak si Simon, doma ngadan ko si Pedro. Sineligan a i Jesu Cristo aw ininang a sogounun din. Seini se solat ko diyà te kedita niyo simalig diyà ki Jesu Cristo. Sikandin se Timanem egpelowà kenitadon. Tandà te ketòlid din, ininang kaw din heman otaw simalig diyà kandin iling te pegsalig day diyà kandin.

2 Korinto 2:13

Meneng gayed netetana se pedowan ko, so wedà pa dateng doton se kedowa tadon si Tito lekat kidoen kenyo, aw penga niyan, nesayo a dimeleg doton te Masidonya.

2 Pedro 3:18

Keilangan gayed kaw meg-iling tepad te kèpiya ipegpemegay te Pengolo tadon si Jesu Cristo egpelowà kenitadon. Keilangan meg-iling kaw heman te kebenalan ipetaga-taga din diyà kenyo. Sikandin se iduyun seini aw lamig te wedad temanan. Metoman iyan.

2 Korinto 8:23

Na, si Tito, sikandin se doma ko megtoladà kenyo. Sìyan didowa otaw domoma kandin, yan se insogò te menge doma tadon nemenal ki Cristo. Iduyun tadon si Cristo pineokit te inang dan.

Roma 1:12

so ibeg ko megpekegsenay kidon te pedowan pineokit te kenitadon pegpemenal.

Juan 4:42

Minikagi dan diyà te bayi, “Nemenal kay den kenà olò pineokit te inikagi no kenami, meneng nemenal kay den so nenenalan kay den kandin, aw netegahan day den te ontò sikandin se megpelowà te kedita te otaw.”

1 Juan 5:14

Egseligan tadon sikandin, so pengkey eden se pemoyoen tadon meketepad te kandin ibeg, yan menenalan sikandin.

2 Pedro 3:2

Ibeg ko meg-aneng-aneng kaw tepad te kagi insolat te menge telekeliwat te kagi te Timanem gebii, aw tepad te insogò te Pengolo tadon migpelowà kenitadon, sìyan impetaga-taga din diyà kenyo pineokit te menge sogounun din.

2 Pedro 2:20

Aw egketaga-taga se menge otaw tepad te Pengolo tadon si Jesu Cristo migpelowà kenitadon, timanan dan te medaet keogpà te otaw dini te keneyonan. Meneng aw meboyo dan, aw todà dan dàgen te kededàtan, ontò medaet se keogpà dan labi pa medaet diyà te keogpà dan te wedà dan pa ketaga-taga tepad ki Cristo.

Tito 1:3

aw yan pegdateng te aldaw pinemallì din, impetaga-taga din iyan pineokit te kagi din. Yan se kebenalan insalig din kanak aw ipegtoladà ko, so insogò a te Timanem egpelowà kenitadon lekat te salà.

Kolasas 1:2

Seini se solat day te kedita niyo menge sakop te Timanem doton te lonsod te Kolosas. Sikiyo se menge kedowa day te pegpemenal aw egkeseligan. Ibeg day, tebangan kaw te Timanem, aw begayan kaw din heman te kelinaw te pedowan niyo.

Efeso 1:2

Ibeg ko, begayan kaw te tabang aw kelinaw te pedowan lekat te Timanem Amay tadon, aw lekat te Pengolo tadon si Jesu Cristo.

Galasya 2:3

Minikagi se kedita te sogounun i Cristo te metòlid se intoladà ko diyà te menge otaw kenà Judiyo. Pengkey kenà Judiyo se doma ko si Tito, meneng wedà legesi te menge sogounun i Cristo se pegtolì kandin tepad te punù ingkeliwat i Moises.

2 Korinto 12:18

Lekat te ibeg ko, impedoton ko kenyo si Tito aw sìyan sebad kedowa tadon insogò ko doma kandin, meneng wedad pinemoyò din diyà kenyo. Onawa se eg-inangen day si Tito, so egsebad se pedowan day.

2 Korinto 8:16

Migpesiontong a diyà te Timanem, so lekat kandin se kedakel te pedowan i Tito kenyo, iling te kedakel te pedowan ko kenyo.

2 Korinto 8:6

Na, ontò den neluba se pedowan ko, so dakel se imbowang te menge otaw kidoen te Masidonya. Yan se doun te somogò a ki Tito te lomikò doton kenyo, amon entagen din se pedowan niyo, amon tomanen niyo se pegtipon te bowang, so sikandin se migtebò mig-antag te pedowan niyo kedengan.

2 Korinto 7:6

Meneng gayed egsinelayen te Timanem se pedowan te otaw nelidò. Yan se ininang din kanak, so pegdateng i Tito dini kanak, yan migkèpiya se pedowan ko.

2 Korinto 4:13

Doen insolat diyà te kagi te Timanem, “Iindan ko se pinemenalan ko.” Iling heman kenyan se kanak pegpemenal, so pengkey nelimahan a, meneng iindan ko pa se pinemenalan ko.

Roma 1:7

Seini se solat ko diyà te kedita niyo doton te lonsod te Roma. Nedekelan kaw te Timanem te pedowan, aw tinawal kaw din amon meinang kaw menge sakop din. Ibeg ko tebangan kaw te Timanem Amay tadon aw Pengolo tadon si Jesu Cristo, aw begayan kaw dan te kelinaw te pedowan.

Luc. 2:11

Doen timebaw gina seini kidoen te Bitlihim. Sikandin se Pengolo si Cristo megpelowà kenyo.

Galasya 3:26

Na, songkani batà kaw den heman te Timanem pineokit te pegpemenal niyo ki Jesu Cristo.

Galasya 3:28

Diyà te kedita niyo egpemenal, wedad den elet diyà te menge Judiyo aw kenà Judiyo. Wedad heman elet diyà te allang aw otaw kenà allang. Wedad heman elet diyà te meama aw bayi. Mig-onawa kaw den diyà te Timanem, so migsebad den se pedowan te kedita niyo diyà ki Jesu Cristo.

1 Timoteo 1:12

Egpesiontong a diyà te Pengolo tadon si Jesu Cristo, so binegayan a din te keseg amon mekebatog a megtoladà. Egpesiontong a diyà kandin so mig-aneng-aneng sikandin te egkeseligan a, aw ininang a din sogounun din.

2 Timoteo 1:1

Siak, si Pablo, se simolat kani. Ininang a sogounun i Jesu Cristo pineokit te ibeg te Timanem, so insogò a din megtoladà tepad te kaling pedowan wedad temanan ibegay din diyà te kedita te otaw memenal ki Jesu Cristo.

2 Timoteo 4:10

Tinenanan a den i Demas, so ibeg din se keluba te keneyonan seini. Dimoton sikandin te Tesalonika. Kenan si Cresente, dimoton sikandin te Galasya. Kenan si Tito, dimoton sikandin te Dalmasya.

Tito 2:13

Keilangan inangen tadon iyan dalem te pegtagad tadon te mèpiya aldaw aw kitaen tadon se kelangkaw te Timanem egpelowà kenitadon, si Jesu Cristo egpelimanan tadon.