Tito 1:3 - Manobo Sarangani

³ aw yan pegdateng te aldaw pinemallì din, impetaga-taga din iyan pineokit te kagi din. Yan se kebenalan insalig din kanak aw ipegtoladà ko, so insogò a te Timanem egpelowà kenitadon lekat te salà.

Tito 1:3 ပူးပေါင်းရင်းမြစ်များ

1 Timoteo 1:11

Yan se kebenalan tepad te Mèpiya Indan insalig diyà kanak te Timanem metolos aw ipegduyun.

1 Timoteo 1:1

Siak, si Pablo, se simolat kani. Ininang a sogounun i Jesu Cristo pineokit te punù te Timanem egpelowà kenitadon, aw pineokit te punù i Jesu Cristo egpelimanan tadon.

Tito 2:10

Keilangan eked dan penakaw, meneng mèpiya se inangen dan amon ipetaga-taga dan te gayed dan egkeseligan. Aw iling kenyan se kedita te eg-inangen dan, metaga-taga se menge doma otaw te mèpiya se ipegtoladà tadon tepad te Timanem egpelowà kenitadon.

Tito 2:13

Keilangan inangen tadon iyan dalem te pegtagad tadon te mèpiya aldaw aw kitaen tadon se kelangkaw te Timanem egpelowà kenitadon, si Jesu Cristo egpelimanan tadon.

1 Timoteo 4:10

Yan se doun te egpekagsen kidon te eg-inangen tadon so egseligan tadon se Timanem wedad temanan din. Sikandin se megpelowà te kedita te otaw, aw labi din pa ipelowà se kedita tadon egpemenal ki Jesu Cristo.

1 Timoteo 2:3

Mèpiya aw iling kenyan se pegtawal-tawal tadon, so aw yan se eg-inangen tadon, meluba se Timanem egpelowà kenitadon.

1 Tesalonika 2:4

Meneng egtoladà kay so netaga-taga se Timanem te mèpiya se tod day, aw sineligan kay din te Mèpiya Indan tepad ki Cristo. Egtoladà kay kenà amon meluba se menge otaw kenami, meneng ibeg day meluba se Timanem kenami, so sikandin se egketaga-taga te ontò ibeg te pedowan tadon.

Kolasas 1:23

Meneng keilangan gayed kaw somalig diyà ki Jesu Cristo, aw keilangan lobosen niyo se pegpemenal niyo kandin. Ikà niyo egsoway lekat te kagi te Timanem pinemenalan niyo tepad ki Cristo, so doen den egpelimanan niyo. Yan se Mèpiya Indan intoladà den diyà te menge otaw doton te kebelad te keneyonan, aw yan heman se ipegtoladà ko.

Kolasas 1:6

intoladà den doton kenyo aw doton te kebelad te keneyonan. Medita den se doma otaw nemenal kenyan, aw eg-inang den dan te mèpiya. Mig-iling kaw heman kandan, so lekat te aldaw te pegdineg niyo te doen tabang te Timanem kenyo, olò mèpiya se eg-inangen niyo, so netegahan niyo den te benal iyan.

Efeso 2:17

Dimini si Cristo amon megtoladà te wedad den peopalay. Yan se intoladà din diyà te kedita te otaw, pengkey sikiyo menge otaw kenà Judiyo aw sikami menge Judiyo.

Galasya 4:4

Meneng pegdateng te aldaw tapay pinemallì te Timanem, insogò din dini te keneyonan se Batà din aw impekeotaw din amon pineokit kandin inangen kidon menge batà te Timanem. Insogò si Jesus doton te menge Judiyo aw ontò timolò te punù ingkeliwat i Moises amon ipelowà din se menge otaw egtolò te punù sìyan.

1 Korinto 9:17

Meneng aw lekat te kanak ibeg se pegtoladà ko, yan se ontong ko aw togpoan a. Meneng kenà iyan lekat te kanak ibeg, so insalig te Timanem kanak se pegtoladà te Mèpiya Indan tepad ki Cristo, aw se keluba ko te pegtoladà ko, yan se ontong ko pengkey eked ko sikiyo petogpoi. Pengkey mepakay aw togpoan a te otaw toledaan ko te Mèpiya Indan, meneng eked a palos pemoyò te togpò lekat kandan.

Filipos 1:13

so netegahan den te keditaan te sondalo te gobirnador aw kedita te doma otaw te kineleboso a tandà te pegtaking ko ki Cristo.

Roma 16:26

Meneng yan se kebenalan impetaga-taga den pineokit te insolat te menge telekeliwat te kagi te Timanem gebii. Simogò se Timanem wedad temanan te ipetaga-taga iyan diyà te kedita te otaw amon somalig dan diyà ki Cristo aw tomolò dan heman kandin.

Roma 15:19

aw pineokit te menge kepelahan egkeinang, aw pineokit te tolos te Espiritu Santo. Yan migtoladà a te Mèpiya Indan tepad ki Cristo doton te kedita te ogpeanan lekat te Jerusalem taman te Ilirico.

Roma 5:6

Kedengan te wedà kidon pa pemenal, neallang kidon te salà. Meneng pegdateng te aldaw pinemallì te Timanem, nematay si Cristo amon megpelowà kenitadon egpekesalà.

Ininang 17:26

Ininang te Timanem se sebad otaw si Adam, aw sikandin se kemonaan te kedita te otaw eg-ogpà dini te kebelad te keneyonan. Tapay piglalang te Timanem se kenamay aw temanan te ogpeanan dan.

Ininang 10:36

Netegahan niyo te insogò te Timanem si Jesus diyà kenami menge bowad-bowad i Israel amon megtoladà kenitadon te mèpiya indan tepad te kelinaw te pedowan ibegay din diyà te otaw memenal ki Jesu Cristo, so sikandin se Pengolo te kedita tadon.

Luc. 1:47

aw ontò neluba se pedowan ko tandà te Timanem egpelowà kanak,

Mar. 16:15

Penga niyan, minikagi si Jesus, “Doton kaw den te kebelad te keneyonan. Pegtoladà kaw te Mèpiya Indan tepad kanak diyà te kedita te otaw.

Mar. 13:10

Keilangan onà itoladà se Mèpiya Indan diyà te kedita te otaw te eked pa dateng se temanan te keneyonan.

Impekità 14:16

Penga niyan, ginamit te otaw nenenoo kidoen te labon se geniyay din, aw ginani din se keneyonan.

Efeso 1:10

Aw domateng se aldaw, tomanen te Timanem se tod din. Pegsebaden din se kedita te ininang din, pengkey doton diatas te langit aw dini lanto te tanà, aw ipelowan din si Cristo diyà te kedita niyan.

Mar. 1:15

Minikagi sikandin, “Netoman den se aldaw tapay impakang, aw agpet den lomowan se Timanem diyà kenyo. Pegselsel kaw den te menge salà ininang niyo, aw pemenal kaw den te Mèpiya Indan.”

Roma 16:25

Na, iduyun tadon se Timanem. Sikandin olò se mekelobos te pegsalig niyo diyà kandin pineokit te Mèpiya Indan ipegtoladà ko tepad ki Jesu Cristo, aw pineokit te kebenalan nenamay wedà petega-tegahi te Timanem gebii.

2 Timoteo 4:17

Pengkey timanan dan kanak, meneng migtabang se Pengolo tadon kanak, aw nemegay sikandin kanak te keseg, aw yan nekebatog a migtoladà te Mèpiya Indan tepad kandin diyà te kedita te otaw kenà Judiyo. Pengkey ibeg te menge poon ko imetayan a, meneng impelowà a te Pengolo tadon.