Tito 1:10 - Manobo Sarangani

¹⁰ Yan se kagi ko kamno so medita se otaw kenà egpenenalan te kebenalan. Eg-akal dan te menge doma otaw pineokit te ipegtoladà dan wedad ontong. Judiyo se keditaan dan egtoladà te keilangan tomolò se kedita te otaw nemenal ki Cristo te menge punù ingkeliwat i Moises.

Tito 1:10 ပူးပေါင်းရင်းမြစ်များ

1 Timoteo 1:6

Doen menge otaw simoway lekat te pegtaking dan kenyan, aw gayed den dan egpebelaw-belaway te wedad ontong.

1 Juan 4:1

Menge kedowa egkedekelan ko te pedowan, ikà niyo egpemenal te kedita te otaw megtoladà kenyo singed aw onà kaw mengemahà aw lekat te Timanem se intoladà dan, so medita se otaw eglegeb-legeb dini te keneyonan aw egpelingo-lingo te telekeliwat dan te kagi te Timanem.

Galasya 2:4

Meneng doen menge doma Judiyo eden dan aw netegahan dan se kebenalan. Migsimà dan kenami te pegtipon day amon ketegahan dan aw egtoloen te otaw nemenal ki Jesu Cristo se punù ingkeliwat i Moises, so ibeg dan, toloen tadon se punù sìyan. Meneng si Cristo man se tapay migpelowà kenitadon lekat te punù sìyan.

Efeso 4:14

Aw metoman iyan, eked kidon pekeonawa te mengisù. Eked kidon pekeonawa te dagsà eg-ibingen te balud aw gayed ipegpalid te kelamag, so eked kidon pemenal te pengkey eden se itoladà te menge otaw biyasa eg-akal pineokit te kebolalaw dan.

Santiago 1:26

Aw eg-aneng-aneng se otaw te egtaking sikandin te Timanem, meneng kenà din eg-imendayan se eg-ikegiyen din, wedad ontong din, so eden din aw timaking sikandin te Timanem.

2 Timoteo 3:13

Meneng se menge otaw eg-inang te medaet aw egpelingo-lingo te egpemenal dan, yan se otaw gayed meg-inang te labi pa medaet. Meg-akal dan te doma otaw, aw ekalan dan heman te doma otaw.

Ininang 11:2

Peglikò i Pedro doton te Jerusalem, simila se menge Judiyo egtoladà te keilangan tomolò se kedita te otaw nemenal ki Cristo te menge punù ingkeliwat i Moises, kagi dan,

Impekità 2:14

Pengkey induyun ko sikiyo, meneng netegahan ko heman te doen medaet eg-inangen niyo, so doen otaw doton kenyo egtaking te kebolalaw intoladà i Balaam gebii. Migtoladà si Balaam ki Balak te peokit te pegboyo din te menge bowad-bowad i Israel amon lomengà dan te pegtaking dan diyà te Timanem. Binoyo din dan amon komaen dan te pengelapen imbegay diyà te kenà benal timanem, aw amon lomayok dan te kenà kandan esawa.

Impekità 2:6

Meneng doen iduyun ko kenyo, so egkebensihan niyo se medaet eg-inangen te menge Nikolayta egkebensihan ko heman.

1 Juan 2:18

Menge batà ko te pegpemenal, agpet den se temanan te keneyonan. Tapay niyo dinineg te doen pa sebad otaw domateng mato ki Cristo aw megpelangkaw-langkaw peden diyà kandin. Doen medita eg-ato ki Cristo dimateng den, aw yan netegahan tadon te agpet den se temanan te keneyonan.

2 Timoteo 4:4

Komulu dan te kebenalan ipegtoladà kandan, meneng memenal dan beling te menge kebolalaw ingkeliwat te menge kemonaan dan.

1 Timoteo 1:4

Pegpunù ka kandan te keilangan eked dan pemenal te kebolalaw ingkeliwat te menge kemonaan dan, aw keilangan eked dan salig diyà te menge indan-indan tepad te menge monà otaw, so yan se lekatan te dindil. Pineokit kenyan, eked kidon ketaga-taga aw eden se eg-inangen te Timanem, so ketegahan iyan olò pineokit te pegpemenal tadon te Timanem.

Galasya 3:1

Tay law kenyo menge otaw kidoen te Galasya, iling te wedad inenengen niyo. Impesoway kaw den te menge doma otaw kenà egtolò te kebenalan intoladà ko kenyo kedengan. Impesoway kaw dan pengkey tapay niyo dinineg se intoladà ko kenyo, pengkey tapay ko den sikiyo inindanan tepad te pegkematay i Cristo kidoen te kros.

Ininang 20:29

Netegahan ko te doen kwani otaw domateng dini kenyo amon meg-akal dan kenyo, aw kebàtan dan se pegsalig niyo diyà te Timanem.

Ininang 15:1

Nayan, doen menge otaw egpemenal dimateng lekat te Judiya kidoen te Antyokya aw migtoladà dan, kagi dan, “Eked kaw pekelowà lekat te salà niyo singed aw tolien kaw aw tomolò kaw te kedita te punù ingkeliwat i Moises.”

Ininang 15:24

Doen ekon menge otaw lekat dini migsamok kenyo pineokit te pegtoladà dan. Migbulung dan ekon te pedowan niyo. Meneng wedà kay sogò kandan doton kenyo.

1 Timoteo 1:9

Netegahan tadon heman te doen punù kenà amon segdahen se otaw meg-inang te metòlid, meneng amon segdahen se menge otaw kenà egtolò, aw otaw metugul, aw otaw kenà egpemasa te Timanem, aw nelegeb te salà, aw eg-inang te medaet, aw egtompuyus te mèpiya, aw otaw egpengimatay te amay aw inay dan, aw otaw egbonò.

Tito 1:6

te keilangan pemellien no olò se otaw wedad palos isila kandin. Keilangan sebad olò se esawa din aw kenà eglakad. Keilangan egpemenal heman se menge batà din aw wedad dengeg dan te egtaking dan te keluba te keneyonan. Keilangan egtolò dan te ipegpunù kandan.

1 Juan 2:4

Aw doen otaw eg-ikagi te egtaking sikandin te Timanem, meneng kenà egtolò te punù te Timanem, yan se otaw bolelawun aw wedad heman kebenalan diyà kandin.

Mat. 23:14

Mekelelayò kaw menge Parisiyo aw menenoladà te punù ingkeliwat i Moises. Eden niyo aw egpenimanem kaw, so eg-agaw kaw te kedònan te bayi balo, aw penga niyan menamay se pegtawal-tawal niyo amon megpelingo-lingo kaw te melobos se pedowan niyo diyà te Timanem. Yan se doun te metoman kaw ontò ipelumun labi pa diyà te doma otaw.]