Santiago 5:3 - Manobo Sarangani

³ aw kwarta niyo. Se pegkedaet niyan, yan se pengilala te benal doen salà niyo, aw kebàtan kaw heman iling te otaw meelos te apoy, so yan se impetagad niyo te kenyo pegkeotawun te temanan aldaw.

Santiago 5:3 ပူးပေါင်းရင်းမြစ်များ

Roma 2:5

Meneng metugul kaw. Wedà kaw pegselsel, aw yan se doun te labi pa medaet se pelumun domateng kenyo te modi aldaw, so pineokit te pelumun din kenyo, ipetaga-taga din te ontò metòlid se peg-okom din,

Impekità 21:8

Meneng se kedita te otaw dàgen te kededàtan, aw eked tayod te pegsalig kanak, aw otaw nelegeb te salà, aw metibonò, aw eglayok te kenà kandan esawa, aw egketoigan, aw egsimba te kenà benal timanem, aw egkebolalaw, doen ontong te kedita dan kidoen te lanaw apoy aw esopri, yan se ikedowa kemetayun.”

Impekità 20:15

Se otaw wedà kitai se ngadan dan kidoen te libro sinolatan te ngadan te kedita te otaw binegayan te kaling pedowan wedad temanan, yan se in-agbel doton te lanaw apoy.

2 Pedro 3:3

Seini se melangkaw te kedita ipeaneng-aneng ko kenyo. Aw agpet den se temanan te keneyonan, doen menge otaw meg-inang te pengkey eden se ibeg te pedowan dan. Mebebayat dan kenyo

2 Timoteo 2:17

Iling te bekokang gayed egkedakel diyà te lawa se ipegtoladà dan. Iling heman kenyan se ipegtoladà te didowa otaw, si Himeneo aw si Fileto.

Genesis 49:1

Penga niyan, tinawal i Jacob se kedita te batà din meama, aw minikagi sikandin, “Pegpedapag kaw den diyà kanak, so meg-indan a den kenyo aw eden se domateng kenyo te modi aldaw.

Genesis 31:52

Insawol ta iyan dini amon eked ta kelibeli se pakang ta seini. Eked a palos làpang te menge bato seini amon megpeeleg a kamno, aw eked ka palos heman làpang kani amon megpeeleg ka kanak.

Impekità 17:16

Se sempolò selotan pinolingunan te sempolò seka kinità no, meopal dan te kepoyun. Meopal heman kandin se menenanap mebolot. Yan se doun te meglompak dan kandin, aw mengabat dan te penenaktun din, aw komaen dan te onod din, aw sonogen dan sikandin.

Genesis 31:48

Minikagi si Laban, “Se menge bato binonton seini, yan se kekitaan ta amon eked ta kelibeli se pakang ta.” Yan se doun te iningedanan se tanà sìyan Galeed.

Ininang 2:17

kagi din, ‘Seini se kagi te Timanem. Aw agpet den se temanan te keneyonan, ibegay ko se Espiritu Santo diyà te kedita te otaw. Yan komeliwat se menge batà niyo te kagi ko. Komità se menge kaling pa otaw te ipekità ko kandan. Megtegeinep heman se menge obanen kenyan.