Roma 8:9 - Manobo Sarangani

⁹ Meneng kenà kaw den egbeyà-beyaan te medaet ibeg te pedowan niyo, so egbeyà-beyaan kaw den te Espiritu Santo eg-ogpà kidoen te pedowan niyo. Aw doen otaw wedad Espiritu Santo diyà kandin insogò i Cristo, yan se otaw wedà pegpesakop diyà ki Cristo.

Roma 8:9 ပူးပေါင်းရင်းမြစ်များ

Galasya 4:6

Na, so batà kidon den te Timanem, impeogpà te Timanem se Espiritu Santo diyà kenitadon, aw yan mepakay aw Amà se itawal tadon diyà te Timanem,

1 Korinto 3:16

Netegahan niyo den ini. Se kedita niyo egpemenal, iling kaw te balay te Timanem, aw eg-ogpà se Espiritu Santo kidoen kenyo.

2 Timoteo 1:14

Pineokit te tabang te Espiritu Santo eg-ogpà diyà kenitadon, peg-ahà ka te metòlid se pegtoladà no te kebenalan insalig diyà kamno.

1 Korinto 6:19

Nelibelan niyo den besi ini. Se lawa niyo, yan se eg-ogpaan te Espiritu Santo imbegay te Timanem kenyo, aw kidoen lamig songkani. Yan se doun te kenà kenyo se lawa niyo, meneng Timanem se tig-apò kenyan,

Roma 8:11

Timanem se mig-antay ki Cristo lekat te nematay. Yan aw eg-ogpaan kaw te Espiritu Santo, entayen heman te Timanem se lawa niyo lekat te nematay pineokit te Espiritu Santo eg-ogpà kidoen kenyo.

Juan 14:17

Yan se Espiritu Santo egtoladà te kebenalan. Eked sikandin kinewai te menge otaw egtaking te medaet ketanem te keneyonan, so kenà dan egkità kandin, aw kenà dan egketaga-taga aw sinu sikandin. Meneng sikiyo, netaga-taga kaw den kandin, so egdomaan kaw din aw ogpaan kaw te wedad temanan.

Efeso 1:13

Sikiyo heman menge otaw kenà Judiyo, pegdineg niyo te benal kagi te Timanem, sìyan Mèpiya Indan te doen kelowaan lekat te salà, simalig kaw heman diyà ki Jesu Cristo. Mig-iling kaw den kenami menge Judiyo, so binegayan kaw heman te Timanem te Espiritu Santo tapay din impakang, so yan se pengilala te sakop kaw din.

Galasya 5:24

Se menge otaw migpesakop diyà ki Cristo, yan se mig-eked te pegtolò te medaet ibeg te pedowan.

Efeso 2:22

Sikiyo menge otaw kenà Judiyo, nekeakop kaw heman diyà te balay sìyan eg-ogpaan te Timanem pineokit te Espiritu Santo.

Roma 8:2

So pegsebad ko diyà ki Jesu Cristo, doen kaling pedowan imbegay te Espiritu Santo kanak, aw yan se doun te wedad den keilangan meg-inang a te salà, aw eked a den heman detengi te pelumun.

Juan 3:6

Se tomebaw olò diyà te otaw, otaw heman iyan. Meneng se tomebaw pineokit te Espiritu Santo, yan se otaw ogpaan te Espiritu Santo.

Filipos 1:19

so netegahan ko te pengkey nelimahan a, meneng ipelowà a kwani pineokit te pegtawal-tawal niyo, aw pineokit te tabang te Espiritu i Jesu Cristo.

1 Juan 4:13

Netegahan tadon te diyà kidon kandin aw diyà heman sikandin kenitadon so pineokit te Espiritu Santo imbegay din kenitadon.

Luc. 11:13

Nayan, pengkey doen medaet eg-inangen niyo, meneng gayed mèpiya se ipegpemegay niyo diyà te menge batà niyo. Labi pa se Amay niyo Timanem kidoen te langit, so egpemegay sikandin te Espiritu Santo diyà te kedita te otaw memoyò diyà kandin.”

1 Juan 4:4

Menge batà ko te pegpemenal, diyà kaw den te Timanem aw yan domaeg kaw te kedita dan egkeliwat te kagi kenà lekat te Timanem, so doen eg-ogpà diyà te pedowan niyo labi pa melangkaw diyà ki Satanas pengolo te medaet otaw dini te keneyonan.

1 Korinto 15:23

Entayen kidon te Timanem te aldaw pinemallì din, so onà inantay si Cristo, aw penga niyan te peglikò din dini te keneyonan, entayen se kedita tadon menge sakop din.

1 Juan 3:24

Se kedita te otaw egtolò te punù te Timanem, diyà dan te Timanem aw se Timanem heman diyà kandan. Netegahan tadon te diyà kenitadon se Timanem so pineokit te Espiritu Santo imbegay din kenitadon.

2 Korinto 6:16

Eked kepakay aw simbahen se inotaw doton te balay te Timanem. Se kedita tadon egpemenal, sikitadon se balay eg-ogpaan te Timanem wedad temanan din. Iling te inikagi te Timanem tepad te menge Judiyo gebii, kagi din, “Meg-ogpà a kidoen kandan. Doen inangen ko kidoen kandan. Siak se simbahen dan, aw siak se megtabang kandan.”

Juan 3:34

Eg-ikagi se insogò te Timanem te kagi lekat te Timanem, so tigkan imbegay te Timanem se Espiritu Santo diyà kandin.

1 Pedro 1:11

Gebii, ingkeliwat dan se kagi te Timanem te doen kelimahan domateng diyà ki Cristo, aw penga niyan ipelangkaw sikandin, so impeikagi dan te Espiritu Santo. Migpekeaseb dan amon metaga-taga dan peden aw kano iyan ketoman aw menonen se pegketoman niyan.

Impekità 20:15

Se otaw wedà kitai se ngadan dan kidoen te libro sinolatan te ngadan te kedita te otaw binegayan te kaling pedowan wedad temanan, yan se in-agbel doton te lanaw apoy.

Impekità 13:8

Simbahen iyan te kedita te otaw te keneyonan, sìyan menge otaw wedà kesolat se ngadan dan kidoen te libro sinolatan te ngadan te kedita te otaw begayan te kaling pedowan wedad temanan. Yan se libro insolat te Karniro inimetayan, aw insolat iyan te wedà pa inangi se keneyonan.

2 Korinto 10:7

Eneng-enengi niyo ini. Doen ekon menge otaw doton kenyo eg-ikagi te egtaking dan ki Cristo. Mèpiya aw eneng-enengen dan ini. Aw benal dan egtaking ki Cristo, ontò a heman egtaking se kanak.

Juan 14:23

Timaba si Jesus, “Aw dakel se pedowan te otaw kanak, tomolò sikandin te punù ko. Kedekelan heman sikandin te Amay ko te pedowan, aw domoton kay kandin aw meg-ogpà kay kidoen te pedowan din.

Ininang 16:7

Pegkedapag dan doton te Misya, ibeg dan domoton te Bitinya, meneng todà dan sinagda te Espiritu Santo.

Roma 7:5

Kedengan dalem te pegtaking tadon te ibeg te pedowan tadon, doen medaet ibeg tadon nekeboyo kenitadon pineokit te menge punù ingkeliwat i Moises. Yan se doun te detengan kidon peden te kemetayun, so gayed kidon mig-inang te salà.

Roma 8:1

Yan eked pelumuni te Timanem se kedita te otaw migpesakop diyà ki Jesu Cristo.

1 Korinto 6:17

Meneng pengkey sinu se memenal te Pengolo tadon, megsebad se pedowan din diyà kandin.

Efeso 3:17

Egpemoyò a diyà te Timanem te gayed meg-ogpà si Cristo diyà te pedowan niyo tandà te pegpemenal niyo kandin. Egpemoyò a heman diyà kandin amon labi pa megkedakel se pedowan niyo diyà te Timanem aw diyà te doma otaw.