Roma 8:2 - Manobo Sarangani

² So pegsebad ko diyà ki Jesu Cristo, doen kaling pedowan imbegay te Espiritu Santo kanak, aw yan se doun te wedad den keilangan meg-inang a te salà, aw eked a den heman detengi te pelumun.

Roma 8:2 ပူးပေါင်းရင်းမြစ်များ

Roma 6:14

Eked kaw den keleges meg-inang te salà, so nekelowà kaw den kenà pineokit te menge punù ingkeliwat i Moises, meneng pineokit te keido aw tabang te Timanem.

2 Korinto 3:17

Na, se Pengolo sìyan, yan se Espiritu Santo. Aw kidoen kandan se Espiritu Santo, eked den dan keallang te salà aw pegtolò te punù ingkeliwat i Moises.

Roma 6:18

So impelowà kaw den lekat te salà, keilangan metòlid se eg-inangen niyo.

2 Korinto 3:6

so sikandin se nemegay te kebiyasa kanak aw migsogò kanak megtoladà te doen kaling peokit ininang din. Kenà punù insolat se ipegkeliwat ko, meneng ipegkeliwat ko se intoladà te Espiritu Santo kanak. Se tapay punù insolat, yan olò se egpetaga-taga te menge otaw te medaet se pedowan dan. Meneng se Espiritu Santo, yan se egpemegay te kaling pedowan.

1 Korinto 15:45

Doen kagi te Timanem insolat, te peg-inang te Timanem te tagnà otaw si Adam, yan se binegayan din te pedowan. Meneng si Cristo ingedanan Temanan Adam, sikandin se egpemegay te kaling pedowan.

Juan 8:36

Yan aw Batà te Timanem se megpelowà kenyo lekat te salà, ontò kaw mekelowà.

Juan 8:32

Yan ketegahan niyo se kebenalan, aw pineokit te kebenalan, mekelowà kaw heman lekat te nekeallang kenyo.”

Roma 7:4

Menge kedowa ko, iling kidon heman kenyan, so pegkematay i Cristo, iling te nematay kidon heman doma kandin. So nematay kidon, eked kidon den keleges tomolò te menge punù ingkeliwat i Moises, meneng mepakay aw tomaking kidon den ki Cristo inantay te Timanem lekat te nematay, amon tomolò kidon te ibeg te Timanem.

Roma 6:22

Meneng so impelowà kaw den te Timanem lekat te salà aw migpesakop kaw den diyà kandin, doen den ontong niyo, so ininang kaw din egpenimanem, aw yan begayan kaw din te kaling pedowan wedad temanan.

Juan 6:63

Timanem olò se mekebegay te kaling pedowan. Eked iyan keabat pineokit te pagod te otaw. Meneng se kebenalan intoladà ko kenyo, yan se lekat te Timanem aw mekebegay te kaling pedowan.

Juan 4:14

Meneng se otaw minem te wayeg ibegay ko kandin, yan se eked todà palos kelao. Se wayeg ibegay ko kandin, yan se meinang selep kidoen kandin egtebolan te wayeg mekebegay te kaling pedowan wedad temanan.”

Juan 4:10

Timaba si Jesus, “Aw netegahan no pa aw eden se ibowang te Timanem kamno, aw netegahan no heman aw sinu se nemoyò te wayeg diyà kamno, sikona se memoyò diyà kanak, aw begayan ta te wayeg egpemegay te pedowan.”

Galasya 5:1

Wedà kidon den keallang te punù ingkeliwat i Moises, so impelowà kidon den i Cristo lekat kidoen. Ikà niyo egkelibel kenyan. Ikà niyo heman todà egpeallang.

Galasya 2:19

So netegahan ko te eked peg-aneng-aneng se Timanem te metòlid a pineokit te pegtolò ko te punù ingkeliwat i Moises, yan limengà a te pegtolò te punù sìyan amon megpesakop a diyà te Timanem.

Roma 5:21

Pengkey egkematay se kedita te otaw neallang te salà, meneng egtebangan te Timanem se kedita te otaw megpesakop diyà kandin, so eneng-enengen din te metòlid dan. Begayan din dan heman te kaling pedowan wedad temanan pineokit te ininang te Pengolo tadon si Jesu Cristo.

Roma 7:21

Seini se gayed ko meinang. Aw meibeg a meg-inang te mèpiya, medaet se inangen ko.

Impekità 22:1

Penga niyan, impekità din kanak se wayeg iningedanan Wayeg Mekebegay te Kaling Pedowan. Ontò iyan metìngaw iling te ispiho, aw egtebol kidoen te onsedanan te Timanem aw Karniro.

Roma 3:27

Yan se doun te eked kidon pegpelangkaw-langkaw. Eked kidon ikagi te inaneng-aneng te Timanem te metòlid kidon pineokit te pegtolò tadon te menge punù ingkeliwat i Moises, so pineokit te pegpemenal tadon ki Jesus se peg-aneng-aneng te Timanem te metòlid kidon.

Impekità 11:11

Meneng penga te telo se aldaw aw tengà, inantay dan te Timanem lekat te nematay, aw minenaw dan. Yan ontò nelemitan se kedita te otaw kimità kandan.

Roma 7:23

meneng netegahan ko te sebad se ibeg te lawa ko. Iling te egbolaw se ibeg te lawa ko aw aneng-aneng ko. Yan neallang a diyà te medaet ibeg te lawa ko.

Roma 8:1

Yan eked pelumuni te Timanem se kedita te otaw migpesakop diyà ki Jesu Cristo.

Roma 16:3

Indani niyo si Priscila aw esawa din si Akilas te eg-aneng-aneng a kandan, so sikandan se egtelaban kanak te pegtoladà ko tepad ki Jesu Cristo.

Galasya 6:2

Aw megpetebangay kaw, yan egtoloen niyo se punù i Cristo.

Santiago 1:25

Mèpiya se punù te Timanem, aw yan se mekepelowà te otaw lekat te salà. Se otaw menenalan kenyan aw eked kelibel kenyan meneng gayed egtolò, yan se otaw egbegayan te Timanem te keluba, pengkey eden se inangen din.