Roma 7:8 - Manobo Sarangani

⁸ Meneng pegketaga-taga ko te punù te Timanem tepad te peg-ingà, labi a pa gayed eg-ingà so medaet se ibeg te pedowan ko. Simpana wedad punù, wedà ko ketegahi aw eden se salà.

Roma 7:8 ပူးပေါင်းရင်းမြစ်များ

Roma 7:11

Neekalan a te salà, so pengkey mèpiya peden se pinelimanan ko tandà te pegtolò ko te menge punù, meneng detengan a te kemetayun wedad temanan tandà te peglàpang ko te punù te Timanem.

1 Korinto 15:56

Egdetengan kidon te kemetayun so nekesalà kidon. Nekesalà kidon so wedà kidon peketolò te punù te Timanem.

Roma 4:15

Keilangan ipelumun te Timanem se kedita te otaw tandà te peglàpang dan te menge punù ingkeliwat i Moises. Eked kepakay se otaw eked làpang te punù singed aw wedad punù.

Roma 7:13

Meneng ikà niyo eg-aneng-aneng te mèpiya punù te Timanem se linekatan te kemetayun ko. Kenà iyan, so detengan a te kemetayun tandà te peglàpang ko te mèpiya punù sìyan, amon metaga-taga a te medaet se salà ininang ko. Pineokit te mèpiya punù te Timanem, impetaga-taga a te ontò medaet se salà ininang ko.

Roma 5:20

Impekeliwat te Timanem se menge punù din ki Moises, amon metaga-taga kidon te ontò dakel se salà ininang tadon. Meneng pengkey dakel se salà ininang tadon, labi pa dakel se tabang te Timanem kenitadon.

Juan 15:22

Simpana wedà a dini amon megtoladà a kandan, yan eked heman petega-tegahi se salà dan seini. Meneng so dimini a, eked den dan pekeikagi te wedad salà dan.

Roma 7:17

Yan kenà siaken se eg-inang te medaet, meneng lekat iyan te medaet ibeg te tapay pedowan ko.

Juan 15:24

Simpana wedà dan kità te menge kepelahan ininang ko eked keinang te doma otaw, eked dan heman petega-tegahi te doen salà dan. Meneng nebensi dan kanak aw Amay ko, pengkey kinità dan se kepelahan ininang ko.

Mar. 7:22

aw egkeibeg te kedònan te doma, aw eg-inang te medaet, aw eg-akal, aw wedad yàyà metibayi, aw eg-ingà, aw egbaet-baet, aw egpelangkaw-langkaw, aw wedad inenengen.

Roma 3:20

Yan se doun te wedad palos otaw eneng-enengen te Timanem te metòlid dan pineokit te pegtolò dan te punù ingkeliwat i Moises, so pineokit te pegketaga-taga tadon te menge punù ingkeliwat i Moises, netegahan tadon te salà se eg-inangen tadon.

Roma 7:9

Kedengan te wedà ko ontò ketegahi aw eden se impunù te Timanem, eden ko aw mèpiya se pedowan ko. Meneng pegketaga-taga ko te kebenalan tepad te menge punù, netegahan ko den te nelegeb se pedowan ko te salà, aw detengan a te kemetayun wedad temanan.