Roma 7:1 - Manobo Sarangani

¹ Menge kedowa ko, biyasa kaw tepad te menge punù te gobirno, aw yan netegahan niyo te keilangan tomolò se otaw te punù te gobirno taman olò te pegkematay din. Meneng aw matay se otaw, eked den keleges tomolò.

Roma 7:1 ပူးပေါင်းရင်းမြစ်များ

Roma 6:14

Eked kaw den keleges meg-inang te salà, so nekelowà kaw den kenà pineokit te menge punù ingkeliwat i Moises, meneng pineokit te keido aw tabang te Timanem.

Roma 7:6

Meneng so iling te nematay kidon den, eked kidon keleges tomolò te menge punù ingkeliwat i Moises, so impelowà kidon den te Timanem lekat te pegkeallang tadon kenyan. Kedengan te pegtaking tadon te menge punù insolat i Moises, wedà kidon peketolò te ibeg te Timanem. Meneng songkani, mekebatog kidon den tomolò te ibeg te Timanem so egtabang se Espiritu Santo kenitadon.

Roma 6:3

Netegahan niyo den te pegpebonyag te kedita tadon migpesakop diyà ki Jesu Cristo, migsebad kidon diyà te kemetayun din kidoen te kros.

Roma 10:1

Menge kedowa ko, ontò a egkeibeg te mekelowà se menge doma ko Judiyo lekat te salà, aw yan se ipegtawal-tawal ko diyà te Timanem tepad kandan.

Galasya 4:21

Na, sikiyo menge otaw ibeg somalig diyà te punù ingkeliwat i Moises, ontò niyo eneng-enengi aw eden se insolat tepad te punù sìyan.

Roma 9:3

so pengkey kedomaan ko se menge doma Judiyo, meneng wedà dan pa salig diyà ki Cristo. Ibeg ko somelilin a peden kandan aw ipelumun a te Timanem amon ketebangan ko dan. Pegwedaden ko peden heman se pegpesakop ko diyà ki Cristo amon meinang dan menge sakop din.

1 Korinto 9:8

Lekat te keogpà tadon se tegdeyanan ko seini, meneng onawa heman se toladà diyà te kagi te Timanem insolat,

Roma 1:13

Menge kedowa ko, ibeg ko ontò kaw metaga-taga te melikit a eglalang domoton kenyo, meneng gayed doen anggà ko. Ibeg ko, meketoladà a heman doton kenyo amon doen otaw memenal, iling te ininang ko doton te menge doma otaw kenà Judiyo,

Roma 10:4

Si Cristo se temanan te menge punù ingkeliwat i Moises. Lekat niyan, eneng-enengen den te Timanem te metòlid se kedita te otaw somalig diyà ki Cristo.