Roma 5:9 - Manobo Sarangani

⁹ Nayan, so inaneng-aneng den te Timanem te metòlid kidon pineokit te pegkematay i Cristo, netegahan tadon den te ontò kidon din ipelowà lekat te pelumun te modi aldaw.

Roma 5:9 ပူးပေါင်းရင်းမြစ်များ

1 Tesalonika 1:10

Egpeliman kaw den ekon te peglikò te Batà din lekat te langit. Yan si Jesu Cristo inantay te Timanem lekat te nematay. Si Jesu Cristo heman se megpelowà kenitadon lekat te pelumun te Timanem te modi aldaw.

Roma 8:1

Yan eked pelumuni te Timanem se kedita te otaw migpesakop diyà ki Jesu Cristo.

Efeso 2:13

Pengkey mediyò kaw lekat te Timanem kedengan, meneng pegpemenal niyo ki Cristo, impedapag kaw te Timanem pineokit te pegkematay i Cristo doton te kros.

Juan 5:24

“Eneng-enengi niyo se kagi ko kenyo seini. Se otaw menenalan te kagi ko, aw memenal heman diyà te Amay ko simogò kanak, yan se otaw begayan te kaling pedowan wedad temanan. Eked sikandin pelumuni, so nekelowà den sikandin lekat te kemetayun, aw doen den kaling pedowan din wedad temanan.

Roma 5:1

Nayan, so netegahan tadon den te inaneng-aneng den te Timanem te metòlid kidon tandà te pegpemenal tadon ki Jesu Cristo, wedad den ikeopal te Timanem kenitadon. Migsebad kidon diyà te Timanem pineokit te pegkematay te Pengolo tadon si Jesu Cristo.

Roma 1:18

Impetaga-taga te Timanem te ipelumun din se kedita te otaw kenà egtaking kandin aw eg-inang te medaet, so pineokit te peg-inang dan te medaet, egkebelebagan dan se pegketaga-taga te doma otaw te kebenalan tepad te Timanem.

Menge Hebreo 9:22

so doen punù ingkeliwat i Moises te keilangan doen dipanog ilinis te keditaan te telepagan dan. Iling heman kenyan, eked pegwedadi te Timanem se salà te otaw singed aw doen imetayan amon doen dipanog ilinis.

Menge Hebreo 9:14

Meneng labi pa dakel se egkebatog pineokit te dipanog i Cristo, so lininisan kidon den lekat te salà. Pineokit te tabang te Espiritu Santo wedad temanan din, nemegay sikandin te kandin lawa diyà te Timanem, aw inimetayan sikandin pengkey wedad palos salà din. So lininisan kidon den lekat te salà pineokit te dipanog i Cristo, yan wedad den keilangan te pegsalig tadon diyà te inang wedad ontong, meneng simalig kidon den diyà te Timanem wedad temanan din.

Roma 8:30

Se kedita tadon pinemallì te Timanem amon inangen kidon din iling te Batà din, yan heman se tinawal din. Se kedita tadon tinawal din, yan heman se inaneng-aneng din te metòlid. Se kedita tadon inaneng-aneng din te metòlid, yan se ipelowan din doma kandin.

1 Juan 1:7

Meneng aw egtaking kidon te kelowahan iling te Timanem eg-ogpà diyà te kelowahan, yan migpesigelakay se kedita tadon egtaking kandin, aw dipanog te Batà din si Jesus se ipeg-onaw kenitadon lekat te kedakel te salà tadon.

Roma 5:10

Pengkey poon kidon te Timanem, meneng pineokit te pegkematay te Batà din, migsebad kidon den kandin. So migsebad kidon den kandin, yan netegahan tadon den heman te ontò kidon ipelowà lekat te pelumun pineokit te pegkeantay i Cristo lekat te nematay.

Efeso 2:3

Kedengan, iling heman kenyan se kedita tadon, so gayed kidon egtaking te medaet ibeg te pedowan tadon. Pengkey eden se ibeg te lawa aw aneng-aneng tadon, yan se eg-inangen tadon. So yan se ketanem tadon, detengan kidon peden te pelumun te Timanem iling te kedita te otaw kenà egtolò kandin.