Roma 5:4 - Manobo Sarangani

⁴ Aw meketayod kidon te kelimahan, metaga-taga kidon te egkeluba se Timanem te kenitadon pegpemenal, aw lekat kenyan, netegahan tadon te metoman se egpelimanan tadon.

Roma 5:4 ပူးပေါင်းရင်းမြစ်များ

1 Pedro 5:10

Pengkey nelimahan kaw den seini, meneng mepenga iyan te eked kenamay. Gayed egtabang se Timanem, aw tinawal kaw din amon megdoma kaw kandin te wedad temanan tandà te pegsebad niyo diyà ki Cristo. Penga te pegtayod niyo te kelimahan, Timanem se meg-inang kenyo mesikop aw domasel, aw sikandin se memegay kenyo te eneg din.

Santiago 1:12

Aw meketayod se otaw te kelimahan, yan se otaw ontò meluba, so penga niyan, doen ontong kinewaen din, se kaling pedowan impakang te Timanem diyà te kedita te otaw doen dakel pedowan kandin.

Roma 15:4

Netegahan tadon te insolat se kedita te kagi te Timanem gebii amon peg-ilingan tadon, so pineokit te kagi te Timanem, meketayod kidon te kelimahan, aw megkagsen se pedowan tadon dalem te pegpeliman tadon te aldaw domateng.

Luc. 21:19

Pineokit te pegtayod niyo te kedita te kelimahan, metoman kaw kominawà te kaling pedowan wedad temanan.”

Filipos 2:22

Meneng netegahan niyo den te egkeseligan si Timoteo, so iling te pegtelaban te batà te amay din se pegtelaban i Timoteo kanak te pegtoladà ko te Mèpiya Indan tepad ki Cristo.

Menge Hebreo 6:19

So metoman se egpelimanan tadon, wedad den lamit te pedowan tadon. Iling si Jesus te telekagon te Judiyo minokit te kayad diyà te tengà-tengà te simbahan, so nekeonà den si Jesus doton te langit aw egkagon den sikandin kenitadon doton te Timanem. Metoman kidon kominawà te impakang din, so ininang si Jesus Telekagon tadon te wedad temanan, iling te pegkagon i Melkisedec gebii.