Roma 4:1 - Manobo Sarangani

¹ Nayan, mèpiya aw meg-aneng-aneng kidon tepad ki Abraham, sìyan kemonaan te kedita tadon menge Judiyo.

Roma 4:1 ပူးပေါင်းရင်းမြစ်များ

Roma 4:16

Yan olò otaw egpemenal se begayan te Timanem te impakang din. Ibegay din iyan kenitadon pineokit te tabang din amon metoman iyan ibegay diyà kenitadon timetondog ki Abraham. Kenà olò Judiyo egtolò te menge punù ingkeliwat i Moises se begayan te Timanem, meneng begayan din heman se kedita te otaw egpemenal kandin iling te pegpemenal i Abraham, so neinang si Abraham olo te kedita tadon egpemenal.

2 Korinto 11:22

Aw domuyun dan te kandan pegkeotawun so Judiyo dan, siak heman se sebad Judiyo. Aw ikegiyen dan te pinemallì te Timanem se kandan pongan te Israel, siak heman se sebad sakop te Israel. Aw domuyun dan te kandan pegkeotawun so sikandan se menge bowad-bowad i Abraham, siak heman se sebad bowad-bowad i Abraham.

Ininang 13:26

“Penenalan kaw menge kedowa ko, menge bowad-bowad te kemonaan tadon si Abraham, aw kedita niyo egtolò te Timanem. Sikitadon se pinetega-tegahan te Timanem te doen den kelowaan lekat te salà.

Juan 8:56

Se kemonaan niyo si Abraham, ontò sikandin neluba so metoman din kitaen se pegdateng ko. Kinità a din den aw ontò den sikandin neluba.”

Roma 7:7

Nayan, doen besi menge otaw meg-aneng-aneng den te medaet se punù ingkeliwat i Moises. Meneng kenà iyan medaet, so pineokit te punù ingkeliwat i Moises, netegahan ko den aw eden se salà. Simpana wedad punù megsagda te peg-ingà, eked ko ketegahi te medaet se peg-ingà.

Mat. 3:9

Ikà niyo eg-aneng-aneng te eked kaw pelumuni so bowad-bowad kaw i Abraham. Eneng-enengi niyo se kagi ko seini. Pengkey se menge bato seini te lanto te tanà, mepakay iyan inangen te Timanem menge bowad-bowad i Abraham somelilin kenyo.

Roma 8:31

Aw meg-aneng-aneng kidon tepad te kedita te kèpiyaan ininang te Timanem kenitadon, ketegahan tadon te wedad palos mekedaeg kenitadon so egdomaan kidon te Timanem.

Juan 8:53

Kenà ka melangkaw diyà te kemonaan day si Abraham, so nematay sikandin aw kedita te telekeliwat te kagi te Timanem gebii. Sinu lay peden se pelingo-lingowan nikaw?”

Juan 8:33

Timaba dan, “Nengà lay minikagi ka te mekelowà kay? Wedad palos mig-allang kenami, so ontò kay menge bowad-bowad i Abraham.”

Luc. 3:8

Aw migselsel kaw den, petega-tegahi niyo iyan pineokit te eg-inangen niyo. Ikà niyo eg-aneng-aneng te eked kaw pelumuni so bowad-bowad kaw i Abraham. Eneng-enengi niyo se kagi ko seini. Pengkey se menge bato seini te lanto te tanà, mepakay iyan inangen te Timanem menge bowad-bowad i Abraham amon somelilin dan kenyo.

Menge Hebreo 12:9

Egsagman kidon te menge amay tadon dini lanto te tanà pengkey migpelumun dan kenitadon. Yan keilangan labi kidon pa tomolò te Amay tadon doton diatas te langit, so aw tomolò kidon kandin, begayan kidon din te kaling pedowan wedad temanan.

Roma 6:1

Nayan, doen besi menge otaw meg-aneng-aneng te mèpiya aw gayed kidon meg-inang te salà amon labi pa dakel se keido te Timanem kenitadon.

Roma 1:3

Yan se Mèpiya Indan tepad te Batà din si Jesu Cristo migpekeotaw aw timebaw sebad bowad-bowad te selotan gebii si David.

Roma 3:5

Meneng doen besi menge otaw eg-aneng-aneng te mepakay aw meg-inang kidon te medaet, so pineokit kenyan, ontò metaga-taga se doma otaw te metòlid se Timanem, aw yan eked kepakay aw ipelumun te Timanem se otaw eg-inang te medaet. Doen besi menge otaw eg-aneng-aneng iling kenyan.