Roma 3:9 - Manobo Sarangani

⁹ Nayan, kenà benal te labi pa mèpiya se kedita te Judiyo diyà te menge doma otaw kenà Judiyo, so tapay a minikagi diyà kenyo te nekeinang se kedita te otaw te salà, pengkey Judiyo aw otaw kenà Judiyo.

Roma 3:9 ပူးပေါင်းရင်းမြစ်များ

Galasya 3:22

Meneng eked iyan kebatog, so doen kagi te Timanem insolat te nekesalà se kedita te otaw. Meneng olò pineokit te pegpemenal ki Jesu Cristo se pegkekinawà te mèpiya impakang te Timanem.

Roma 6:15

Nayan, pengkey eneng-enengen te Timanem te metòlid kidon kenà pineokit te pegtolò tadon te menge punù ingkeliwat i Moises meneng pineokit te keido din, ikà niyo eg-aneng-aneng te mepakay aw meg-inang kidon te salà. Ikà niyo eg-aneng-aneng iling kenyan.

Roma 11:32

Impetaga-taga te Timanem te nekesalà se kedita te otaw, pengkey Judiyo aw otaw kenà Judiyo, amon ipetaga-taga din te doen keido din diyà te kedita te otaw.

Roma 3:19

Na, netegahan tadon te yan se kagi te Timanem tepad te kedita tadon menge Judiyo, so kemonaan tadon se kineliwatan i Moises te menge punù. Yan eked kidon pekeikagi te wedad salà tadon, so okomen te Timanem se kedita te otaw te keneyonan.

Filipos 1:18

Meneng aw den iyan, so pengkey medaet aw mèpiya se tod dan, meneng egkeluba a kenyan aw yan se peokit te pegtoladà tepad ki Cristo. Gayed a meluba lekat seini,

Galasya 3:10

Meneng se kedita te otaw meibeg eneng-enengen te Timanem te metòlid dan pineokit te pegtolò dan te punù ingkeliwat i Moises, yan se ipelumun te Timanem. So doen kagi te Timanem insolat, “Ipelumun te Timanem se kedita te otaw kenà ontò egtolò te kedita te punù insolat i Moises.”

1 Korinto 14:15

Aw iling kenyan, seini se inangen ko. Megtawal-tawal a te kagi eked ko kelebeti imbegay te Espiritu Santo kanak, meneng megtawal-tawal a heman te kagi kelebetan. Aw megdelangan a te kagi eked ko kelebeti imbegay te Espiritu Santo kanak, megdelangan a heman te kagi kelebetan ko.

1 Korinto 10:19

Iling heman kenyan se otaw memegay te kànen diyà te inotaw, so megpeakop dan heman diyà te pegduyun te kenà benal timanem. Meneng ibeg ko, ketegahan niyo te wedad palos ontong dan kenyan. Eked heman ketebangi se otaw egsimba te inotaw.

1 Korinto 4:7

Kenà kaw melangkaw diyà te menge doma otaw, so se kedita te nekinawà niyo, yan se imbowang te Timanem kenyo. Aw lekat te Timanem se kedita, eked kepakay aw megpelangkaw-langkaw kaw, so kenà iyan lekat te kenyo pegkeotawun.

Roma 11:7

Yan se doun te netegahan tadon den ini. Pengkey ibeg te keditaan te Judiyo eneng-enengen te Timanem te metòlid dan pineokit te pegtolò dan te menge punù ingkeliwat i Moises, meneng wedà dan iyan kebatog. Pilabok olò se Judiyo pinemallì te Timanem, aw yan se otaw inaneng-aneng din te metòlid dan. Meneng wedà pegpetaga-taga se Timanem te kebenalan diyà te doma Judiyo,

Roma 3:5

Meneng doen besi menge otaw eg-aneng-aneng te mepakay aw meg-inang kidon te medaet, so pineokit kenyan, ontò metaga-taga se doma otaw te metòlid se Timanem, aw yan eked kepakay aw ipelumun te Timanem se otaw eg-inang te medaet. Doen besi menge otaw eg-aneng-aneng iling kenyan.

Roma 1:18

Impetaga-taga te Timanem te ipelumun din se kedita te otaw kenà egtaking kandin aw eg-inang te medaet, so pineokit te peg-inang dan te medaet, egkebelebagan dan se pegketaga-taga te doma otaw te kebenalan tepad te Timanem.

Luc. 7:39

Nayan, sìyan Parisiyo migpekaen ki Jesus, pegkità din te ininang te bayi, mig-aneng-aneng sikandin te kenà ontò telekeliwat insogò te Timanem si Jesus. Aneng-aneng din, simpana si Jesus se benal telekeliwat insogò te Timanem, ketegahan din aw eden se eg-inangen te bayi sìyan, so ontò sikandin mig-inang te salà.

Roma 2:1

Yan keilangan meg-ahà se kedita niyo egsila te doma otaw eg-inang te medaet. Eked kaw pekeikagi te wedad salà ininang niyo. Aw mikagi kaw te mèpiya aw ipelumun te Timanem se otaw eg-inang te medaet, aw medaet heman se eg-inangen niyo, ipelumun kaw heman doma dan.

Roma 3:1

Nayan, meg-aneng-aneng kaw besi te wedad ontong te menge Judiyo, aw wedad heman kekemowan te pegtolì kandan.

Roma 7:14

Netegahan tadon te mèpiya se punù te Timanem so lekat iyan kandin. Meneng doen pa medaet ibeg te pedowan ko. Iling a te allang so eg-inang a te salà.