Roma 3:2 - Manobo Sarangani

² Meneng medita se ontong dan. Monà te kedita, insalig te Timanem kandan se kagi din.

Roma 3:2 ပူးပေါင်းရင်းမြစ်များ

Roma 9:4

Ontò den dan netebangan, so gebii pinemallì te Timanem se menge bowad-bowad i Israel, aw pigbatà din dan. Sikandan se pinekitaan din te kelangkaw din. Sikandan heman se pinekangan din te tebangan din dan. Sikandan se sineligan din te menge punù ingkeliwat i Moises. Sikandan se tinoledaan din tepad te pegsimba dan kandin. Medita heman se pakang din kandan.

Ininang 7:38

Si Moises se inindanan te anghil te kagi te Timanem kidoen te bontod iningedanan Sinay. Sikandin heman se migkeliwat te kagi te Timanem diyà te menge kemonaan tadon netipon kidoen te kebigtilan, aw ingkeliwat den heman iyan diyà kenitadon.

Menge Hebreo 5:12

So nenamay kaw den migpesakop diyà ki Cristo, yan biyasa kaw den peden megtoladà te doma otaw. Meneng sikiyo se keilangan todà toledaan te tagnà intoladà kenyo lekat te kagi te Timanem. Iling kaw te batà olò egsoso aw eked pa pekekaen te pengelapen.

1 Korinto 9:17

Meneng aw lekat te kanak ibeg se pegtoladà ko, yan se ontong ko aw togpoan a. Meneng kenà iyan lekat te kanak ibeg, so insalig te Timanem kanak se pegtoladà te Mèpiya Indan tepad ki Cristo, aw se keluba ko te pegtoladà ko, yan se ontong ko pengkey eked ko sikiyo petogpoi. Pengkey mepakay aw togpoan a te otaw toledaan ko te Mèpiya Indan, meneng eked a palos pemoyò te togpò lekat kandan.

1 Pedro 4:11

Aw insogò kaw te Timanem megtoladà, keilangan kagi te Timanem se itoladà niyo. Aw insogò kaw te Timanem megtabang te doma otaw, keilangan measeb kaw megtabang, so begayan kaw te Timanem te eneg. Aw iling kenyan se kedita te eg-inangen niyo, iduyun se Timanem pineokit te pegtabang i Jesu Cristo kenyo. Timanem se iduyun aw lomowan te wedad temanan. Metoman iyan.

Impekità 22:6

Minikagi se anghil kanak, “Ontò benal se kedita te kagi dinineg no, aw metoman iyan meinang, so se Timanem migpekeliwat te kagi din pineokit te telekeliwat din gebii, yan se Pengolo simogò te anghil din amon ketegahan te kedita te sakop din aw eden se meinang te eked kenamay.”

Impekità 19:10

Penga niyan, limongken a diyà kandin amon simbahen ko, meneng minikagi sikandin, “Ikà egsimba kanak, so pengkey siak, aw sikona, aw kedita heman te doma no nemenal te kebenalan intoladà i Jesus, tomalag egtolò te Timanem. Yan keilangan Timanem olò se simbahen nikaw.” Yan se inikagi din, so se intoladà i Jesus, yan heman se kebenalan intoladà te menge telekeliwat te kagi te Timanem.

1 Timoteo 6:20

E Timoteo, peg-ahà ka te metòlid se pegtoladà no te kebenalan insalig kamno. Ikà eg-inabut te balaw eked keibegi te Timanem aw kebolalaw ipegtoladà te menge otaw eden dan aw doen kebiyasa imbegay te Timanem kandan,

Galasya 2:7

Wedad kagi ko tinodà dan, meneng aneng-aneng te menge doma sogounun i Cristo te insogò a te Timanem megtoladà te Mèpiya Indan tepad ki Cristo doton te menge otaw kenà Judiyo, iling te pegsogò din ki Pedro kedengan megtoladà tepad ki Cristo doton te menge Judiyo.

Roma 3:3

Benal doen menge Judiyo kenà egsalig kenyan, meneng ikà niyo eg-aneng-aneng te eked keseligi se Timanem.

Roma 2:18

Eg-ikagi kaw te netaga-taga kaw den te ibeg din, aw biyasa kaw den egpemallì te mèpiya, so tinoledaan kaw te kagi te Timanem insolat.

Roma 1:2

Se Mèpiya Indan sìyan, yan se impakang te Timanem gebii aw impesolat din te menge telekeliwat te kagi din.

Juan 5:39

Gayed kaw egbasa te kagi te Timanem tapay insolat, so aneng-aneng niyo, kebegayan kaw te kaling pedowan wedad temanan pineokit te pegbasa niyo kenyan. Eg-indan se kagi te Timanem te benal tepad kanak,

Roma 3:1

Nayan, meg-aneng-aneng kaw besi te wedad ontong te menge Judiyo, aw wedad heman kekemowan te pegtolì kandan.