Roma 2:9 - Manobo Sarangani

⁹ Doen ontò kelimahan domateng diyà te kedita te otaw eg-inang te medaet, labi se menge Judiyo aw se menge otaw kenà Judiyo heman.

Roma 2:9 ပူးပေါင်းရင်းမြစ်များ

1 Pedro 4:17

Megtebò den se Timanem meg-okom, aw sakop din se onà din okomen. Yan aw sikitadon egsalig diyà kandin se onà okomen, labi pa medaet se kegemakan te menge otaw kenà egpenenalan te Mèpiya Indan impetaga-taga te Timanem tepad ki Cristo.

Roma 1:16

Nayan, ontò dakel se pegsalig ko diyà te Mèpiya Indan sìyan, so yan se tolos te Timanem mekepelowà te kedita te otaw lekat te salà aw memenal dan kenyan. Nekeonà se menge Judiyo dimineg kenyan, aw penga niyan se menge otaw kenà Judiyo.

2 Tesalonika 1:6

Ontò metòlid se eg-inangen te Timanem, aw yan ipelumun din se menge otaw nemilang kenyo.

Roma 9:24

Sikitadon se otaw sìyan tinawal te Timanem. Kenà olò menge Judiyo se tinawal din, meneng otaw heman kenà Judiyo.

Roma 2:10

Meneng se kedita te otaw eg-inang te mèpiya, yan se iduyun te Timanem doton te langit. Begayan din se kedita dan te kelinaw te pedowan, pengkey doton te otaw kenà Judiyo aw labi den doton te Judiyo,

Ininang 3:26

Sikitadon onà se sinogoan te Timanem ki Jesus amon tebangan kidon aw megselsel kidon te salà.”

Luc. 24:47

Doen heman kagi te Timanem insolat te keilangan megtoladà kaw diyà te kedita te otaw te keneyonan te pegwedaden te Timanem se salà dan aw megselsel dan aw memenal dan kanak. Keilangan megtebò kaw megtoladà kenyan dini te Jerusalem.

Kolasas 3:11

Diyà te kedita tadon egpemenal, wedad palos lindoan te Timanem, pengkey Judiyo aw kenà Judiyo, pengkey tinolì aw wedà tolii, pengkey mig-iskwila aw wedà peg-iskwila, pengkey allang aw kenà allang, so migsebad den se kedita tadon diyà ki Cristo, aw mig-ogpà sikandin diyà te kedita tadon.

Galasya 3:28

Diyà te kedita niyo egpemenal, wedad den elet diyà te menge Judiyo aw kenà Judiyo. Wedad heman elet diyà te allang aw otaw kenà allang. Wedad heman elet diyà te meama aw bayi. Mig-onawa kaw den diyà te Timanem, so migsebad den se pedowan te kedita niyo diyà ki Jesu Cristo.

Roma 10:12

Ibeg te Timanem, somalig se kedita te otaw diyà ki Jesu Cristo. Wedad elet diyà te Judiyo aw otaw kenà Judiyo, so olò sebad se Pengolo te kedita tadon. Ontò din egkeidowan se kedita te otaw memoyò te tabang din,

Ininang 28:28

Penenalan kaw kanak. Inindanan den se menge otaw kenà Judiyo te megpelowà se Timanem kandan lekat te salà, so menenalan dan kenyan.” [

Ininang 28:17

Penga te telo se delem, pigtipon i Pablo se menge melangkaw Judiyo. Pegketipon dan, minikagi si Pablo, “Menge kedowa ko, pengkey wedad salà ko diyà te menge doma tadon Judiyo, aw diyà te ketanem te kemonaan tadon, meneng dinakep a dan doton te Jerusalem, aw in-ated a diyà te belad te gobirno te Roma.

Ininang 26:20

Migtoladà a doton te Damasko aw Jerusalem aw menge lonsod te Judiya aw doton heman te menge otaw kenà Judiyo. Migtoladà a diyà kandan te keilangan megselsel dan aw tomaking dan te Timanem, aw keilangan ipekità dan te kaling se pedowan dan pineokit te eg-inangen dan.

Ininang 20:21

Mig-indan a te benal diyà te kedita niyo, pengkey Judiyo aw kenà Judiyo. Migpunù a kenyo te megselsel kaw diyà te Timanem aw memenal kaw diyà te Pengolo tadon si Jesu Cristo.

Ininang 13:26

“Penenalan kaw menge kedowa ko, menge bowad-bowad te kemonaan tadon si Abraham, aw kedita niyo egtolò te Timanem. Sikitadon se pinetega-tegahan te Timanem te doen den kelowaan lekat te salà.

Ininang 11:18

Pegdineg dan te inikagi din, wedà den dan sila kandin, meneng induyun dan se Timanem, so minikagi dan, “Pengkey menge otaw kenà Judiyo, mepakay aw megselsel dan te salà aw somalig dan ki Jesus amon begayan dan te Timanem te kaling pedowan.”

Mat. 16:26

Simpana tig-epoen te otaw se kedakel te keneyonan, aw penga niyan matay sikandin aw ipelumun doton te kilot, wedad ontong din, so eked kebeyadi se kaling pedowan wedad temanan.

Roma 8:35

Pengkey eden se domateng kenitadon, netegahan tadon te gayed dakel se pedowan i Cristo kenitadon. Pengkey kelimahan kidon, aw mesamok kidon, aw pemilangen kidon, pengkey wedad kànen tadon, aw wedad penenaktun tadon, pengkey elegen kidon aw imetayan kidon, netegahan tadon te dakel se pedowan i Cristo kenitadon.