Roma 2:8 - Manobo Sarangani

⁸ Meneng doen heman menge otaw egtaking te ibeg te kandan pedowan. Kenà dan egpemenal te kebenalan tepad te Timanem, meneng eg-inang dan te medaet. Yan se otaw ontò ipelumun te Timanem.

Roma 2:8 ပူးပေါင်းရင်းမြစ်များ

Impekità 16:19

Netengà te telo se lonsod sìyan nedengeg, aw nebàtan se kedita te lonsod te keneyonan. Tinoman te Timanem se pakang din tepad te tege Babilonya, aw yan dinetengan dan te keopal din, aw ontò din dan impelumun.

1 Pedro 4:17

Megtebò den se Timanem meg-okom, aw sakop din se onà din okomen. Yan aw sikitadon egsalig diyà kandin se onà okomen, labi pa medaet se kegemakan te menge otaw kenà egpenenalan te Mèpiya Indan impetaga-taga te Timanem tepad ki Cristo.

Impekità 14:10

ipesipat kaw heman diyà te otaw ipelumun te Timanem, so neketagad den sikandin megpelumun te wedad keido din. Dalem te pegtonggò te Karniro aw menge anghil te Timanem, ipelumun te Timanem se otaw te apoy aw esopri.

Menge Hebreo 11:8

Simalig heman si Abraham diyà te Timanem. Pegtawal te Timanem kandin, timolò sikandin aw nesayo lekat te lonsod inogpaan din. Pegkesayo din doton, wedà din ketegahi aw kenan se dotonan din, meneng dimoton sikandin te ogpeanan impakang te Timanem kandin.

Menge Hebreo 10:27

Aw iling kenyan se inangen te otaw, detengan sikandin te ontò medaet pelumun te Timanem, so sonogen te Timanem se kedita te otaw mato kandin.

Menge Hebreo 5:9

Pineokit te pegtayod din te kedita niyan, impetaga-taga din te ontò sikandin timolò, aw yan neinang sikandin Egpelowà te kedita te otaw tomolò kandin, amon begayan din dan te kaling pedowan wedad temanan.

Tito 3:9

Meneng ikà eg-inabut te balaw wedad ontong, aw menge indan-indan tepad te menge monà otaw. Ikà eg-inabut te menge dindil te otaw egbolaw tepad te menge punù ingkeliwat i Moises, so wedad ontong tadon kenyan.

1 Korinto 11:16

Aw doen otaw eked pemenal te inikagi ko tepad te pegtedong te bayi te olo, seini se itaba ko kandin te yan se ipegtoladà day, aw egtekingan iyan te kedita te otaw egpemenal te Timanem pengkey kenan.

Roma 15:18

Olò a meg-indan kenyo tepad te ininang i Cristo pineokit kanak. Doen den menge otaw kenà Judiyo egtolò te Timanem pineokit te pegtoladà ko aw peg-inang ko,

Roma 10:16

Meneng te pegtoladà dan te Mèpiya Indan, pilabok se Judiyo nemenal kenyan, so gebii minikagi se telekeliwat te kagi te Timanem si Isaias, “E Pengolo ko, wedad nael otaw nemenal te intoladà day.”

Roma 9:22

Iling heman kenyan se ininang te Timanem, so pengkey keilangan ipelumun din se otaw neopalan din amon ipetaga-taga din te sikandin se ontò melangkaw, meneng tandà te kedalem te pedowan din, wedà din dan tagmon pelumuni.

Roma 6:17

Kedengan, neallang kaw te salà. Meneng ontò a den egpesiontong diyà te Timanem, so nelobos den se pedowan niyo egtolò te kebenalan intoladà kenyo tepad te Timanem pinesekopan niyo.

Roma 1:18

Impetaga-taga te Timanem te ipelumun din se kedita te otaw kenà egtaking kandin aw eg-inang te medaet, so pineokit te peg-inang dan te medaet, egkebelebagan dan se pegketaga-taga te doma otaw te kebenalan tepad te Timanem.

1 Pedro 3:1

Sikiyo heman menge bayi doen esawa, keilangan tomolò kaw te kenyo esawa, amon pengkey wedà dan pa tolò te kagi te Timanem, meneng meibeg dan memenal pineokit te pegkità dan te metòlid eg-inangen niyo. Wedad keilangan te mikagi kaw diyà kandan tepad te kagi te Timanem,

2 Korinto 12:20

Netetana a aw domateng a kidoen kenyo, kitaen ko sikiyo meg-inang te kenà ko ibeg. Aw yan se inangen niyo, inangen ko heman kenyo se kenà niyo ibeg, so segdahen ko sikiyo. Netetana a aw kitaen ko sikiyo megpedindilay, aw megpeingaay, aw megpeopalay, aw megpedemetay kaw. Doen besi heman kitaen ko menge otaw egbaet-baet, aw egbelikbik, aw egpelangkaw-langkaw, aw egsamok.

Galasya 5:20

egsimba te kenà benal timanem, egpengenito, egpeopalay, egdindil, eg-ingà, mesayo egkeopal, demeten, egpeitongay dan, egpekontrahay dan,

Filipos 1:17

Meneng sìyan menge doma otaw, egtoladà dan tepad ki Cristo amon megkelangkaw dan. Kenà mèpiya se tod dan, so ibeg dan labi pa medaet se kelimahan ko dini te keleboso.

Filipos 2:3

Pengkey eden se inangen niyo, ikà niyo egkedemet. Ikà niyo egpelangkaw-langkaw. Meneng keilangan megpedanà kaw te kenyo pegkeotawun aw megsagman kaw te menge doma niyo.

Santiago 3:14

Meneng aw eg-ingà aw egpelangkaw-langkaw diyà te doma otaw, eked kepakay aw mikagi te biyasa, so migkebolalaw sikandin.

Santiago 3:16

Pengkey sinu se eg-ingà aw megpelangkaw-langkaw diyà te doma, yan se otaw egsamok aw eg-inang te medita kemolò te medaet.