Roma 2:7 - Manobo Sarangani

⁷ Doen menge otaw gayed eg-inang te mèpiya amon iduyun dan te Timanem, aw amon meg-ogpà dan doma din doton te langit te wedad temanan. Yan se otaw begayan din te kaling pedowan wedad temanan.

Roma 2:7 ပူးပေါင်းရင်းမြစ်များ

Luc. 8:15

Meneng se benì nesabog diyà te melambò tanà, yan se iling te otaw ontò melobos se pedowan dan. Aw domineg dan te kagi te Timanem, ontò dan iyan egtoloen. Egtayod dan te kelimahan lamig doen ontong dan.”

2 Timoteo 1:10

Netoman den se ibeg din sìyan, so insogò din den si Jesu Cristo amon megpelowà kenitadon. So neantay sikandin lekat te nematay, wedad den lamit tadon te kemetayun. Pineokit te Mèpiya Indan tepad ki Cristo, netegahan tadon te doen kaling pedowan wedad temanan ipegpemegay din kenitadon.

1 Korinto 15:58

Menge kedowa ko egkedekelan ko te pedowan, lobosi niyo se pegtaking niyo te Pengolo tadon. Ikà niyo egpedaeg te toladà kebolalaw. Pegpekeaseb kaw tolò te ibeg te Timanem kenyo, so netegahan niyo den te doen ontong te kedita te inangen tadon aw tomolò kidon te Pengolo tadon.

Roma 6:23

Detengan te kemetayun wedad temanan se otaw eg-inang te salà. Meneng se ibowang te Timanem, yan se kaling pedowan wedad temanan pineokit te pegpemenal tadon te Pengolo tadon si Jesu Cristo.

Kolasas 1:27

so ibeg din ipetaga-taga din diyà kenitadon te ontò mèpiya se kebenalan seini. Ipetaga-taga din iyan heman doton te menge otaw kenà Judiyo. Seini se kebenalan sìyan wedà din petega-tegahi kedengan, te isogò din si Jesu Cristo meg-ogpà kidoen te kenyo pedowan, aw yan se doun te netegahan niyo te doen kèpiyaan pelimanan niyo doton te langit.

Galasya 6:9

Mèpiya aw eked kidon lengà meg-inang te mèpiya, so aw domateng se aldaw tapay pinemallì te Timanem, mekinawà tadon se ontong aw eked kidon lengà.

Roma 8:18

Pengkey egpemilangen kidon dini lanto te tanà, meneng aneng-aneng ko aw kinewaen tadon se kèpiyaan impetagad te Timanem kenitadon, kelibelan tadon se kelimahan sìyan,

Roma 2:10

Meneng se kedita te otaw eg-inang te mèpiya, yan se iduyun te Timanem doton te langit. Begayan din se kedita dan te kelinaw te pedowan, pengkey doton te otaw kenà Judiyo aw labi den doton te Judiyo,

1 Juan 2:25

Doen impakang i Jesus kenitadon, aw yan se kaling pedowan wedad temanan imbegay din.

Roma 9:23

Yan se ininang din amon ipetaga-taga din diyà te kedita tadon neidowan din te ontò sikandin mèpiya, so impetagad kidon din amon begayan kidon din te kèpiyaan doton te langit.

Juan 5:44

Ibeg niyo iduyun kaw te menge doma otaw, meneng eked kaw keibeg iduyun te sebad olò Timanem. Yan se doun te eked kaw pemenal.

Menge Hebreo 6:15

Penga niyan, medalem se pedowan i Abraham lamig te pegkinawà din te impakang te Timanem kandin.

Menge Hebreo 6:12

Ibeg day, eked kaw pegkelomay te pegpemenal. Meneng keilangan meg-iling kaw te menge otaw gayed egsalig diyà te Timanem aw medalem se pedowan dan lamig te pegkinawà dan te impakang din kandan.

Mat. 25:46

Penga niyan, ipedeleg dan doton te pelumun wedad temanan. Meneng se otaw eg-inang te metòlid, begayan dan te kaling pedowan wedad temanan.”

Luc. 21:19

Pineokit te pegtayod niyo te kedita te kelimahan, metoman kaw kominawà te kaling pedowan wedad temanan.”

Juan 4:36

Doen ontong kinewaen te otaw meglegani te otaw memenal, aw kaling pedowan wedad temanan se ibegay te Timanem diyà te otaw memenal. Pengkey sebad otaw se menanem, aw doma otaw se meglegani te pongo niyan, meneng se kedita dan eleg meluba.

1 Korinto 15:42

Iling heman kenyan aw entayen te Timanem se otaw nematay, so se lawa tadon dini te keneyonan, yan se kemolò te lawa matay aw ilebeng. Meneng se lawa meantay, yan se kemolò te lawa eked palos kematay.

1 Korinto 15:50

Menge kedowa ko, seini se kedegdagan te inikagi ko. Se lawa tadon seini dini te tanà, eked palos pekeakop diyà te peglowan te Timanem, so se lawa tadon egkematay, eked peketayod te wedad temanan.

Efeso 6:24

Ibeg ko tebangan te Timanem se kedita te otaw dakel se pedowan dan diyà te Pengolo tadon si Jesu Cristo te wedad temanan.

1 Timoteo 1:17

Iduyun tadon se Timanem eglowan te wedad temanan. Eked palos sikandin kematay, aw eked heman sikandin kitai. Sebad din se Timanem, aw segmanen aw iduyun sikandin te wedad temanan. Metoman iyan.

Menge Hebreo 2:7

Te wedà kenamay ininang no se otaw medanà diyà te menge anghil. Gebii ininang no se otaw ontò melangkaw,