Roma 2:5 - Manobo Sarangani

⁵ Meneng metugul kaw. Wedà kaw pegselsel, aw yan se doun te labi pa medaet se pelumun domateng kenyo te modi aldaw, so pineokit te pelumun din kenyo, ipetaga-taga din te ontò metòlid se peg-okom din,

Roma 2:5 ပူးပေါင်းရင်းမြစ်များ

Roma 1:18

Impetaga-taga te Timanem te ipelumun din se kedita te otaw kenà egtaking kandin aw eg-inang te medaet, so pineokit te peg-inang dan te medaet, egkebelebagan dan se pegketaga-taga te doma otaw te kebenalan tepad te Timanem.

Judas 1:6

Gebii doen heman menge anghil wedà tolò te Timanem, aw timanan dan te kandan ogpeanan. Tandà te peg-inang dan te medaet sìyan, impegapos din dan te sengkalì eked palos kelebad, aw impetagad din dan doton te kengitngitan lamig domateng se aldaw te peg-okom din kandan.

2 Pedro 3:7

Doen aldaw domateng te sonogen din se langit aw tanà egkitaen tadon seini. Olò sikandin mikagi aw yan mesonog. Meneng eked din iyan sonogi singed aw domateng se aldaw te peg-okom din te kedita te otaw wedà pegpesakop diyà kandin, so pegbàtan din dan te apoy.

Menge Hebreo 3:15

Ikà niyo egkelibel te kagi te Timanem seini, “Pengkey seini aldaw, aw domineg kaw te kagi te Timanem, ikà niyo egketugul. Ikà niyo eg-iling te menge kemonaan niyo gebii, so impekagsen dan se olo dan, aw wedà dan tolò.”

2 Pedro 2:9

Pineokit kenyan, netegahan tadon te biyasa se Timanem megtabang te otaw egpenimanem amon eked dan peg-inang te salà. Biyasa heman sikandin domaeg te otaw eg-inang te medaet, aw ipetagad din dan lamig te aldaw te pegpelumun din kandan.

Menge Hebreo 4:7

Netegahan tadon te benal iyan, so pengkey medita se omay minokit, pineokit te insolat i David, impetaga-taga te Timanem te doen doma aldaw, pengkey seini, te ipeogpà din se menge otaw doma din. Yan se kedegdagan te kagi din tapay ko sinoblod, “Pengkey seini aldaw, aw domineg kaw te kagi te Timanem, ikà niyo egketugul.”

Menge Hebreo 3:13

Yan keilangan megpekegsenay kaw te kelikit te aldaw dalem pa te doen aldaw, amon wedad metugul kenyo pineokit te peg-akal kenyo meg-inang te salà,

Roma 9:22

Iling heman kenyan se ininang te Timanem, so pengkey keilangan ipelumun din se otaw neopalan din amon ipetaga-taga din te sikandin se ontò melangkaw, meneng tandà te kedalem te pedowan din, wedà din dan tagmon pelumuni.

Impekità 6:17

so dimateng den se aldaw te pegpelumun dan te otaw, aw wedad palos mekelowà kenyan.”

Santiago 5:3

aw kwarta niyo. Se pegkedaet niyan, yan se pengilala te benal doen salà niyo, aw kebàtan kaw heman iling te otaw meelos te apoy, so yan se impetagad niyo te kenyo pegkeotawun te temanan aldaw.

Roma 11:25

Menge kedowa ko kenà Judiyo, doen kebenalan wedà pa petega-tegahi lamig songkani, meneng ipetaga-taga ko den iyan diyà kenyo amon eked kaw peg-aneng-aneng te sikiyo olò se otaw netaga-taga te kebenalan. Metugul se keditaan te Judiyo songkani. Eked dan taking te Timanem singed aw onà megpesakop se kedita te otaw kenà Judiyo pinemallì te Timanem.

2 Korinto 5:10

Sominalo kwani se kedita tadon ki Cristo amon okomen kidon din, aw amon meabat te teg sebad-sebad kenitadon egpemenal se kandin ontong tepad te ininang din dini te keneyonan. Se otaw mig-inang te mèpiya, yan se doen ontong. Se otaw egpemenal eg-inang te medaet, yan se wedad ontong.

2 Tesalonika 1:5

Pineokit kenyan, impetaga-taga te Timanem te metòlid se peg-okom din, so pineokit te pegtayod niyo te kelimahan egkeokitan niyo, ipetaga-taga din te neketagad kaw mekesakop diyà te peglowan din.

Impekità 2:21

Migtagad a kandin amon megselsel te peglayok din te kenà kandin esawa, meneng eked keibeg megselsel.