Roma 2:3 - Manobo Sarangani

³ Sikiyo heman, aw egsila kaw te doma otaw eg-inang te medaet, meneng medaet heman se eg-inangen niyo, eden niyo aw mekelowà kaw lekat te pelumun te Timanem.

Roma 2:3 ပူးပေါင်းရင်းမြစ်များ

Roma 1:32

Pengkey netegahan dan te migpunù se Timanem te keilangan imetayan se kedita te otaw eg-inang te medaet iling kenyan, meneng kunù eg-inang dan pa gayed te medaet. Labi pa medaet se ininang dan, so induyun dan heman se doma otaw eg-inang te medaet iling kenyan.

1 Tesalonika 5:3

Aw mikagi se menge otaw te wedad samok aw wedad kelemitanan, yan pegketà detengan dan te mekebebaet, iling te pegtebò te mesakit domateng te bayi agpet tebawan. Eked dan pekelowà lekat kenyan.

Luc. 12:14

Meneng minikagi si Jesus, “Tay law. Kenà a howis meg-osay kenyo.”

Luc. 22:58

Penga niyan te wedà kenamay, doen heman doma otaw kimità kandin, aw minikagi, “Sikona heman se tinoledaan din.” Meneng minikagi si Pedro, “Kenà ko, elew.”

Mat. 26:53

Wedà no besi ketegahi ini. Aw mengenganay a diyà te Amay ko, isogò din se minelalan anghil din amon megtabang dan kanak.

Mat. 23:33

Iling kaw te memokan so biyasa kaw eg-inang te medaet. Eked kaw palos pekelowà lekat te pelumun te Timanem, so metoman kaw din ipeibing doton te kilot.

Menge Hebreo 12:25

Nayan, penenalan kaw te kagi te Timanem. Gebii wedà penenalan se menge kemonaan tadon te kagi te Timanem ingkeliwat i Moises dini lanto te tanà, aw yan impelumun dan te Timanem. Labi kidon pa ipelumun te Timanem aw eked kidon penenalan te inikagi din lekat te langit.

Menge Hebreo 2:3

Yan heman se doun te labi kidon din ipelumun aw eked kidon penenalan te kagi din tepad te ontò mèpiya kelowaan lekat te salà. Pengolo tadon se tagnà migpetaga-taga te doen kelowaan lekat te salà, aw doen heman menge otaw dimineg kandin migpetaga-taga kenitadon te keseligan se kagi din sìyan.

Luc. 22:60

Meneng minikagi si Pedro, “Tay law, elew. Wedà ko ketegahi se inikagi nikaw.” Nayan, dalem pa te peg-ikagi i Pedro, migkolaak se manok.

Roma 2:1

Yan keilangan meg-ahà se kedita niyo egsila te doma otaw eg-inang te medaet. Eked kaw pekeikagi te wedad salà ininang niyo. Aw mikagi kaw te mèpiya aw ipelumun te Timanem se otaw eg-inang te medaet, aw medaet heman se eg-inangen niyo, ipelumun kaw heman doma dan.

Roma 2:2

Netegahan tadon te metòlid se peg-okom te Timanem te pegpelumun din te kedita te otaw eg-inang te medaet iling kenyan.

Roma 9:20

Meneng eked kepakay aw somila kidon te Timanem, so olò kidon otaw ininang din. Eked kepakay aw meg-insà se koden diyà te otaw migtiyon kenyan te nengà lay ininang din iyan iling kenyan.