Roma 15:3 - Manobo Sarangani

³ Pengkey si Cristo, wedà sikandin peg-aneng-aneng tepad te kandin ibeg, so doen kagi te Timanem insolat tepad kandin, “E Timanem, siak se nekegamak te kedita te tompuyus te doma otaw kamno.”

Roma 15:3 ပူးပေါင်းရင်းမြစ်များ

Filipos 2:8

Pegpekeotaw din, ininang din medanà se pegkeotawun din pineokit te pegtolò din te Amay din Igsà inimetayan sikandin inlansang doton te kros.

Juan 4:34

Minikagi si Jesus, “Iling te kànen ko se pegtoman ko te ibeg te simogò kanak aw peg-epos ko te sogò din kanak.

Juan 6:38

Insogò a dini lekat te langit kenà amon inangen ko se kanak ibeg, meneng dimini a amon toloen ko se ibeg te Amay ko simogò kanak.

Juan 5:30

“Wedà ko teboki se inang ko. Iling te intoladà din kanak se peg-okom ko, aw metòlid se peg-okom ko, so kenà kenaken ibeg se egtekingan ko, meneng egtekingan ko se ibeg te Amay ko migsogò kanak.

2 Korinto 8:9

Ikà niyo egkelibel te tabang te Pengolo tadon si Jesu Cristo, so peg-ogpà din doton te langit, sikandin se tig-apò te kedita, meneng tinenanan din se kedita niyan, aw migpekeotaw amon tebangan kaw din, amon lekat kenyan meketig-apò kaw te mèpiya doton te langit.

Juan 8:29

Gayed a egtebangan te simogò kanak. Wedà a din tenani, so gayed ko eg-inangen se ibeg din.”

Mat. 26:42

Migpekediyò-diyò si Jesus te ikedowa, aw migtawal-tawal, kagi din, “Amà, aw eked kepakay aw eked a okit diyà te kelimahan seini, ibeg ko metoman se kamno ibeg.”

Mat. 10:25

Keilangan meluba se meiskwilahay aw mapet se kelangkaw din diyà te kelangkaw te meistro migtoladà kandin. Keilangan meluba heman se sineligan aw mapet se kelangkaw din diyà te kelangkaw te amo din. Netegahan niyo den te tinawal a te doma otaw Belsebul, se doma ngadan i Satanas. Na, aw medaet se intawal dan te Pengolo niyo, labi pa medaet se itawal dan kenyo menge sakop ko.”

Juan 15:24

Simpana wedà dan kità te menge kepelahan ininang ko eked keinang te doma otaw, eked dan heman petega-tegahi te doen salà dan. Meneng nebensi dan kanak aw Amay ko, pengkey kinità dan se kepelahan ininang ko.

Juan 15:10

Aw tomolò kaw te impunù ko kenyo, yan ketegahan niyo te dakel se pedowan ko kenyo, iling te timolò a te impunù te Amay ko kanak, aw netegahan ko te dakel se pedowan din kanak.

Mat. 26:39

Penga niyan, dimeleg si Jesus te kenà mediyò, aw limemlem sikandin aw migtawal-tawal, kagi din, “Amà, aw mepakay diyà kamno, eked a no peden peokiti diyà te kelimahan seini. Meneng ibeg ko, kamno ibeg se metoman, kenà kanak.”

Mat. 27:44

Iling heman kenyan se pegtompuyus te megdedempasay inlansang diyà te kros kidoen te tangkil din.

Filipos 2:5

Keilangan meg-iling se teg sebad-sebad kenyo ki Jesu Cristo, so seini se aneng-aneng din.